رد : طاااااااااااااروق مباشر والطارف سديد...
[frame="9 80"][poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
سلطان ابوديه
ياسلام الله سلام(ن) يوم جا للطيب حزه=مايساق الا معـزه//واحتـرام ومقدريـه
في مجالس عزوتي قحطان ياساس العروبه=صار لأبياته عذوبه//والشعر بالحيل غالي
ابتدا نظم القصيد وزان ليله في مكانه= وارتفع قدره وشانه //والمشاعـر شاعريـه
من يبا يلعب على الطاروق يقلط مرحبابه=وان فتح للشعر بابه//له مجال ولي مجالي
طبعاً سلطان ابطوا عليه الشعار فرد على نفسه من سعة صدره
اقلطوا يامعشر الشعار والنيه سليمـه=قـاف يامـال الغنيمه//والسوالـف سرمديـه
مانبي نزعج عباد الله وان زيد الدعاوي =عند شيخان الفتاوي// في حرام وفي حلالي
قبل لاتزعل بيوت الشعر وتصدر ضوامي= لا سـلام ولا كلامي//ذمتـي منهـا بريـه
يابن نومه صح على الشعار لعل وعساهـم= كلهـم ولا حداهـم//لا تخلينـي لحالـي
خولان بن عامر
مرحبا ترحيب ياسلطـان ياراعـي الحميـا = بس ويش جابك هنيا//محتـزم بالحضرميـه
ظني انك جيت ياسلطان في خاطـرك حاجـه = هب يامخ الخواجه// خاطـرك ذليـل سالـي
شد حيلك واحتزم يالاجودي والشـك زايـل = لاتميـل ولا تمايل//جتـك مسكـه مخلبيـه
ابك حنا اللي ليا صعبت الامور المستحيلـه = عندنا تسعين حيله//في الجنوب وفي الشمالي
سلطان ابوديه
البقا ياصاحبي خولان يا سمح الجنابي=واحتزمنـا بالجنابي//مـن سنيـن الجاهليـه
شرهتي على كبار القوم وان جت للتحدي= هاتها والعلم عندي//خذ مثل واضرب مثالي
ليه تترك ديرتك بلا حسيب ولا رقيبي =والله ان امرك غريبي// عند ليلى العامريـه
وادري انكم مير حنا يابن عامر لا وصلنا=نشهر السيف المحنا//وانت خلك فالظلالـي
خولان بن عامر
انت ياسلطان تالي الوقت مادري ويش ناوي = اه من بعض المناوي//يالحـون السامريـه
الزمـان دوار والدنيـا كفانـا الله بـلاهـا = ما احدن يعرف خفاها//لاتطول في الجدالـي
التحدي لاتحدى وانت واحـد مـن عيالـي = واخساره ياحلالي//في البعير وفي المطيـه
امرح هنا لاتجي وتروح وتجيـب المطّمـه = الفتي يسمع لعمه//وانت واحد مـن عيالـي
سلطان ابو ديه
ناوي(ن) لي نية تلعب على راسك وغيرك=اتكل شرك وخيرك//عاد لي نيه ونيه
والله ان اشردك في كل صوب وكل ديره=لا سلاح ولاذخيره//لا رفيق ولا موالي
لا تقول القاع قاعك والسما ملكك لحالك=دور لعيشة عيالك//فالصباح وفالعشيـه
قبل لاسمعك إنا وانت رايح في خبرها= تغرقك غبة بحرها//والله اعلـم بالتوالـي
خولان بن عامر
ما معك غير التمني والواسايا والحسايف = تتقي في ظهر خايف//ذابحتك العنصريه
ياجملنا شيل حملك وان ذبحك الحمل خله = خل غيرك من يشله//كم وياكم من جمالي
صاحبك خولان عنده ميسم في النارحامي = للمجنن والحرامي//والشبـاب الزكرتيـه
كم وياكم كم وياكم كم وياكم كـم وياكـم = واحد يبغى يلاكم//وراح فـود للرجالـي
سلطان ابوديه
لك ثمان اشهور ياخولان واخلاقك تجاري= واتحيزم بالسواري// ما خذنهـا بالحميـه
ضايمك جور الزمان ودك تسوي سوايا= وانت من ضمن الضحايا//لا جنيه ولا ريالي
كيف تطرد لك سراب وطردة المقفي ملامه= احمد الله عالسلامه//هكذا الدنيـا دنيـه
لا تحسب نقصها والزود واتدور وراها= واكرم النفس بهواها//وآخر العمر الزوالـي
خولان بن عامر
اتحيزم بالسواري والفشق مالن حزامـي = من قبل عشرين عامي//وانت منا لا هنيه
نشتري ونبيع في سوق الذهب يابو دلامه = يانسانيس المنامه//علمي له ويش طرالي
والله ان لولا سحى اللي له مقام وله مكاني = عندي اغلى من خواني//فارضٍ له مقدريه
ان اوريك النجوم الساريه وقـت القوايـل = يـا ..... الدلايل//ليـن تتـرك الاتكالـي
سلطان ابوديه
جيتكم في عقر دارك ودي العب فوق راسك=ما علي من قو باسك//وانت تدري ببوديـه
وانت اخبرك ياجحا معروف إلك مذهب و مله=وانت دارك مستحله//ديرتن من غير والي
السحا ماهو بلا يق لك حقيقه يابن عامر=مير حـذرا لا تغامر//انتبـه والنـار حيـه
ما تذرا فالجبل ياربعنا اللي تعرفونه=وانت من خلفه ودونه //جعـل مـا فالـك بفالـي
خولان بن عامر
ما لعب في الشعر والمحراف غير اهل الحداثه = مابقى غير الشحاثه//يـا الاياديـن الخليـه
انت ويش بك قمت ياسلطان تطمر في عشاكم = الله يرحم من بزاكم//سوهـا يابـري حالـي
ادري انك ملقمنها مشـط تاريخـه مخلّـص = لاتحـوص ولاتمّلص//لـد لـد العيـن فيـه
القصاتيـد والمعانـي والمعانـي والقصايـد = مامعك منها فوايد//سعرها في السوق غالـي
سلطان ابو ديه
مالعب فالشعر غير اللي يعكر جو غيره=غلطت العاقل كبيره//وانـت بيحـت الخفيـه
كنت احسب ان خاطرك وسيع واثرك ماتداني=غيرك جور الزماني//ولا انا ما ضاق بالي
التسرع جهل ياخولان ياطيـب الركاده=ميـر هـذا الطبـع عاده//فيـك علـه داخليـه
البحر يصفق على الجالين وامواجه تطمك=يابحر ماصفي جمك // غرتك سود الليالـي
خولان بن عامر
انت خلك ياحبيبي عنـد مامـا ليـن تكبـر = وانت داري وانته اخبر//عن تفاصيل القضيه
المعاهـد خرجـت تالـي الليالـي شقرديـه = يلعبون السمسميه//واسهرونـا ذي الليالـي
انتبه لاعاد تاخذ لك عصاء ماهي عصاتـك = اغتنـم باقـي حياتك//قبـل تايتـك المنيـه
ذا جوابي وانت ياسلطـان عارفنـي وداري = ما نبا تطلع تجاري// وانت ابو زيد الهلالي [/poem][/frame]
__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]
تجربة شاعر في الحياااااااااة
28-11-2006, 12:30 AM
تعليمات المشاركة
المواضيع المتشابهه
العرض العادي
