السلام عليكم ورحمة الله
علي البورعي
لا اعتقد ان هناك من يتابع الشعر الجزل ولا يعرف علي البورعي


علي بكل صراحه يكفي انك قائل هذي القصيده التي منها هذه الابيات التي اصبحت حكمة يتداولها الناس :

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الله اكبر كل ما حصلت في الدنيا صديق = مالقيت الا صديق يدور منفعه
ان نصيته حزة الضيق زاد الضيق ضيق= وانا نصاني سقت دمي من شان انفعه[/poem]

وبصراحه لو ان هذه القصيده التاليه ( دبل دبل دبل ) لي كان استرحت من نظم الشعر لمدة خمس سنوات على الاقل
هذه معلقه يا علي
اعتقد انك لم تبحث عن الاعلام
ياخي لو عشان متابعينك
لازم نشوفك في الصحافه وفي الاعلام

وبصراحه اتمنى ان ارك في هلا فبراير


[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
قولوا لهراج القفاء قولوا له=يقيس عرض البحر والا طوله
أن كانها باالجد جدي وافي=حد الحباب أمتره برجوله
خذاه بفعوله وضرب أيمانه=برمح سنين وخنجر مصقوله
ماهوا على ماقيل خذني جيتك= ولا بحكم صادر من دوله
حده معا صبيان يام بين=مثل الحام اللي على الصاموله
يام هل الطلات لارد البراء= اللي لهم بين القبايل طوله
أخوال أبي حق علي بمدحهم=والمدح مايعطى بلا مدلوله
وأن كانها بصيت والا الشيخه=فابوي شيخ مايعارض قوله
تاج على راسي جعلني فدوته=الا جعلني فدوت للرجوله
وأن كانها باالخال خالي قصته=بين القبايل ماهي بمجهوله
دون الخوي وقف تحت ضل الفشق=والرجل مايمدح بغير فعوله
وأن كانها باالشعر يكفيني فخر=شهادت عبر الهوا منقوله
من سيدي خالد ولد فيصل ولد= عبدالعزيز وكلمته مدبوله
دبل دبل . دبل دبل . دبل دبل=عن شيخ قوم كلمته مقبوله
ولا حسبت أحساب هراج القفا=اللي أمامي كلمته معسوله
ذيب معي وعن غبت عن عينه ثعل=يمناه من رد الوفا مغسوله
لولا غلا ربعه وشيمة غالي=يكون حملته وزدت أحموله
لاكن تكرم لحيتي من لحيته=عيب علي أنزل معه بنزوله
واطي ويبقى في المكان الواطي=لاهوا بلا حولي ولاني حوله
والشعر لامن طال في مثله سمج= الا لاطولته بطل مفعوله[/poem]


صح لسانك ياعلي البورعي
انا متابع لقصيدك حتى وان لم تعرفني
لكن معجب بقصيدك والومك كل الوم على تقصيرك من الناحيه الاعلاميه

الشكر مقدم للاخ القويفل لاهنت على هذا المجهود الرائع , اللي اتحفتنا في

هذا اللقاء الاكثر من جميل مع هامة شعريه لها مكانتها في الشعر

الشاعر العذب علي البورعي حياك وحياه الله

شاعرنا الكبير علي بن محمد البورعي حضرت للسلام عليك وانت من الشعراء

الغاليين علي جدا جدا وشهادتي فيك مجروحه يابومحمد


والربع ماقصروا وانت شاعر لاتحتاج الى شهاده من احد ‘‘

الغالي علي البورعي


للسلام لااكثر

الاخوان ماخلوا شيء

سؤالي عن صحتك وجديدك فقط

__________________

slrsa@hotmail.com

الشاعر الكبير علي البورعي
حياك الله يا علي
اسمح لي بكم سؤال

1_ هل فكرت بكتابة القصائد المطولات ( 100 ) بيت واكثر كقصائد بن القعيمه رحمه الله ؟
2_ من الشاعر او الشعراء الذين تأثر بهم علي البورعي( اتمنى ان لا تكون الاجابه عامه ) ؟
3_ هل اختيار المواضيع له تأثير في بروز الشاعر ؟
4_ علي متى نشوف ابداعك في قصيده عن قبيلة قحطان ؟ انت كفو وقحطان تستاهل اكثر ؟

حكيم الشور

لي الشرف بحضورك

وأسئلتك الجميله

أيها الحكيم

س1/في بيت يقول وسع ضميرك للدهر يالمقرحي *********ترى النشاما ماتضيق صدورها

ماقصه هذه البيت
ج1ـ قصة هذا البيت أنني في حفله كان فيها ناصر العجمي ومحمد الجابري والشناني وبن زهره جبت موال((غالي وسير على غالي)) وأنا من جاب هذا الموال رغم أدعاء بعض الشعار بأنهم من أتا به ولعب معي ناصر العجمي ولم يأتي ولو بنصف بيت لئن الموال كان غريب ولأول مره يسمعونه فا لعب معي محمد الجابري وشافني متضايق يوم ما أحد قدر يغني على الموال
================================================== ========
س2/مع من لعبت من شعار المحاوره
لعبت مع أسماء كثيرة من أبرزها عبدالله بن شايق ـ زيد العضيله ـ شايع العيافي ـ شباب السبيعي رحمه الله ـ ناصر العجمي ـ أما بنسبه لشعراء المنطقه لعبت مع الجميع ماعدا حسين بن شتوي
================================================== ========
س3/ماهي محاوراتك مع ابن شائق
ج3ـ ثلاث محاورات
ٍس4/شعراء المحاوره من ابناء عمومتك الحباب غير مشهورين مالسبب في ذلك
هذا الوقت لايوجد أحد مظلوم فاالتقصير من الشعراء أنفسهم
================================================== =========
ماذا تعني لله هذه الاسماء

فيصل العدواني
شاعر جميل وخلوق جدا وكانت أمسيتي هذا العام معه في أبها

سلطان الهاجري
شاعر فحل وهرم شعري لحاله أحبه وأحفض قصايده لئنه حقا من يدهشني ويجعلني أعيد النظر في ما أكتب وهوا وأبن جدلان في مرتبه واحده ومن بعدها رتب الأسماء على كيفك
ابن شائق
جبل من ذهب وشاعر متواضع وخلوق ونادر في نفس الوقت في جميع أوصافه
القرقاح
شاعر مبدع وأحد أعمدة شعر القلطه
================================================== ===========
شكرا لك

وأدام الله لك العافيه

وشرفتني بحضورك