مقــــاديـم الصـــــفوف

المشاركة الأصلية كتبت بواسطة سعد بن مناحي بن شفلوت

تحيـه طيبـه للجميـع

قصيده متواضعه للتواصل

اتمنى ان تنـال الرضـى

[poem=font="Traditional Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
‘‘ ‘‘ ‘‘ ‘‘


.


ياللي تصلّون الكسـوف ولاتصلّـون الخسـوف=من وين جيتـوا بالدليـل اللـي يفـرّق بينهـا


الواجب انكم تفرقون الموجبات مـن الشفـوف=فـي حـزّة ٍ وافينهـا تفـرق علـى هافينـهـا


المقديات اصحابهـا ماتِلحـق انفسهـا حسـوف=ياللـي تبـون المقديـه وانتـوا بعـد مخطينهـا


انتم زيازيم السـرَب وانتـم مقاديـم الصفـوف=وانتـم مواميـن البلـد وانتـم بعـد مفتينهـا


وإليا رضيتـوا بالخطـا والاّ سمحتولـه يطـوف=مااحد ٍ عرف قـدر الحيـاه شهورهـا وسنينهـا


أحد ٍ تحت حكم الهوى وأحد ٍ تحت حكم الضروف=والله يعيـن المستحيـن اللـي رضـوا بإثنينهـا


واللي يشوف الحـق بعيونـه وقلبـه مايشـوف=بيمـوت مـادل الـدروب يسارهـا ويمينهـا


والشعر ياللـي تشترونـه بالميـات وبالالـوف=ليـن ابتلـش بمجنـن العالـم قبـل صاحينهـا


وتعلّقت به والتعب محسـوب والجهـد مخلـوف=روس ٍ مايطحَـن حَبّهـا ولايشـاف طحينـهـا


والشاعر اللي يفتخر ويشوش ويحـب الكفـوف=بعـض البيـوت الموقفـات الله عليـه يعينهـا


مايبدع الاّ اللي تشيل الروس من فوق الكتـوف=مايدري ان قصيدتـه بعـض البيـوت يدِينهـا


لاقال أنا وأنا وأنـا راعـي المزايـا والوصـوف=ياعوينهـا قـوم ٍ ماسوّينـا بـهـا ياعوينـهـا


وإليا رجعنـا للحقايـق والوثايـق والكشـوف=ما ناجد الاّ جُـرّة ٍ نصـف العـرب واطينهـا


والشعر مااحد ٍ قد رقابه للسنـام مـن الـردوف=والشاعر اللـي يفخـر بنفسـه لاعـاد يهينهـا


أمـا كـلام ٍ ماتفسّـره المهبّـل والضـعـوف=ويميّـزه عـوارف ٍ ديـنـي يـوافـق دينـهـا


والاّ ترى كثر النقـط ماهـي بميـزه للحـروف=يااهل حـروف ٍ لعـب كاتبهـا علـى قارينهـا


أنا استفيد من الرجال اللـي لهـا بالعـز نـوف=اللـي تورّدهـا علـى العـد القـراح إيدَينَهـا


إن دامت عدود الروى !! فلا على المضميـن خـوف=وإن شحّت عدود الـروى !! ماصـدّروا مضمينهـا


وإن عدّمت ؟ تراي ابن شفلوت شاعر ومعـروف=ألطم خشم صعيبـة المحـراف وأكحـل عينهـا


‘‘ ‘‘ ‘‘ ‘‘


وسـلامـتــكــم [/poem]