ال رشيد امراء حايل هم ايضا شيوخ عبدة ( عبيدة ) واصبحت فخذ في شمر ولهم قرا ولي انا معارف منهم ويقولون ان كل عبدة (عبيدة) ضياغم الضياغم نزحو من الجنوب من 700
سنة شي طبيعي يكونون بهاذا العدد يجوز دخل معهم احلاف كل قبيلة
لها قوة وسيطرة تكون مئمن للقبيلة الأضعف.

لاهنت ياصاحب الموضوع

بالنسبه للدلابحه من الروقه هم عيال مقبل بن سلمان بن حرق
حسب كلام الشيبان من الحرقان وعام 1417 قابلت الشيخ خالد بن متعب الدلبحي رحمة الله عليه في عشاء عند جارنا نياف بن نايف الدلبحي وهو جده لامه وسألني شخصياً انا ياسيف وقال من انت منه من قحطان قلت من عبيده قال من اي عبيده قلت من الحرقان وقال من وين من الحرقان قلت انت تعرفهم كلهم ياطويل العمر وهز براسه كمن لديه علم وواثق منه وقال نعم انا جدي وجدك ياولدي مقبل بن حرق وقلت هذا الكلام نسمعه من زمن والان انت أكدته ياطويل العمر والله على مااقول شهيد

كذلك بالنسبه للدعاجين من الفهر من عبيده وعزوتهم عوال مفلح هذا رد على الاخ اللي اسمه محمد الدعجاني لانه يقول الروقه ليسوا من عبيده
وانا اقول لاااعلم عن الروقه ولكن انت يامحمد الدعجاني من الفهر وهذا يزيدكم تشريف ويزيدنا فخر

وكذلك الفغم من مطير هم من عبيده

وكذلك ال شبوان من وادي مأرب هم من الحرقان عبيده

وكذلك ال راشد بن منيف من وادي مأرب من ال مهدي بني شداد ولد الحارث من عبيده

وكذلك الشثارا من اهل الحريق ومنهم الشيخ ناصر ابوحبيب هم من الحرقان من ال سليمان من ال جحيش

هذا مالدي والله اعلم

وتقبلوا تحيات بحر

__________________

الله لايهينكم جميع

معلومات طيبه جدا

ومنكم نستفيد لاعدمناكم

تحياتي للجميع

__________________

احب اشارك لكن ابن عمي بحر سيحذفها

__________________
لي قابلت ضو ابن همدان ضونــــا = حامت طيور العرش تبغي نصيبها
ومـــا بين شهـران ويـام محلنــــــا = وكل يسقي للحيـا مـن شعيبهــــــا
حنا عبيدة من نسـول آل ضيغـــــم = ما حن بجيران تـداري حريبـــهـا
وحنا حرق على حرق من الأوايـل = هل القدى والهينـة مـا نجيبهــــا

مرحبا ياعزران
وابد رد والمكان للجميع
ولن يحذف الا الرد اللي خارج عن المنطق والمعروف
وتقبل ود بحر

__________________

ال شفلوت شيوخ عبيدة قحطان يرجعون نسبا الى الضياغم

الشفاليت شيوخ قبائل عبيده فنورد لكم قصيدة إبن منيجل الفهري التي أوضح فيها نسب الشفاليت الى الضياغم ،،،

يا ذيب ياللي هيض الناس بعواه = في رأس أبو وضبان يقنب قنيبي
يشوف قبرا ما عرف ويش باقصاه = على مراح منزحين الحريبي
لا ون عرفه الذيب ما قرب لحماه = مايدري ان في القبر باللحد ذيبي
كم ليلة ياذيب عشتك يمناه = كبار الظهور اموصلات الغريبي
هيف السمين اللي تصلح مرباه = ومنارته ينثر عليها السريبي
إن حسب التاجر لكسبه ومشراه = رزقه على ربه يجيه بنصيبي
مشرع بابه لمن كان ينصاه = للضيف والا للرفيق القريبي
وكم غزوة قد زارت القوم تتلاه = مر مع خبت ومر رقيبي
وكم عقلة تاقت ذلوله على ماه = في مقطع منه الضواري تهيبي
وان جا الملوك قِسمة الصايل عطاياه = قحص المهار مشعثرات السبيبي
ياطول ما كان المراكيب تنصاه = واليوم مافاده حضور الطبيبي
ياناس غاب اسهيل ما عاد شفناه = والجدي قبله مدبح للمغيبي
غاب الامير اللي مراحه فقدناه = عزالله انه غاب منا حبيبي
ليته ورا مصرٍ كان اترجاه = اوصله من فوق بنت النجيبي
حالي كما حال اجرب ضره ادواه = قلبه من الذرنوح غادٍ رعيبي
بعده عيوني عيت النوم تشهاه = كني كسير وسط عظمه صويبي
عليك ياللي لا نخيناه نلقاه = اذا نوى بامرٍ عزم ما يهيبي
الوجد ياوجدي على الشيخ وجداه = وجود من رجله كسيرٍ عطيبي
شيخ بعد ما راح بفقد عطاياه = لانكست لسعار واسنى طريبي
عسى النعيم وجنة الخلد مثواه = بجاه رب للنداء يستجيبي
والحمد لله عاضنا بعد فرقاه = بذيب اخو رثعا نجيبٍ اديبي
مثل البحر يصعب على سابحه ماه = ياويل من ذيب يجيله طليبي
ما غلط ابوه اللي على الذيب سماه = عزا الله انه صاب سماه ذيبي
رايه سديد وان ومر ما عصيناه = الراي واحد ما غدينا ذهيبي
حنا عدو اللي من الناس عاداه = وايضا نصادق من يجيله صحيبي
ويا نحمد الله يوم ذا ذيب بدلاه =ضياغم (ن) تعمي عيون الحريبي
وتمت بذكر اللي على الخلق حسناه = هو الولي الرقيب الحسيبي
وصلاة ربي عد ما هل وانشاه = وعداد ما بان الهلال ويغيبي

ومن قصايد شافي ابن سفره:

ياراكبٍ من فوق عجلات الامراس=أدواج مشيٍ عليها بعيدي
تسري من العارض على هجعت الناس=ومصباحها في ديار ذيب العبيدي
ربعي عوال العود من كل مفراس= وسط القبايل مثل صافي الحديدي
حمايه لدار من كل جساس=حدانها والغرس هدب الجريدي
ضياغم لما اعتلوا قب الافراس=يوم اللقاء والحرب طرح العقيدي
عاداتهم يوم الجهل كسب ونوماس=واليوم جمعه وثوب جديدي
وقاريٍ يقراْ وفي العصر دراس=يدرس عليهم بالحديث الوكيدي
ومن كان فيها من حسود وبلاس= الله يزمه في ديارٍ بعيدي
كلام عودٍ قاعد في البيت حراس=لاضاق صدره ما لقى له قعيدي
سلم عليهم عد ماهب نسناس=وعداد من كبر في ايام عيدي

وقال محمد بن سياف ال راجح الفهر قصيدة مدح ومنها هذه الأبيات في الشيخ مترك بن ذيب بن شفلوت رحمه الله :

ياشيخ ربعك عند صوت المنادي = جاتك جموع كنهم براق الصيف
اذا رفعت الصوت جات العوادي = لوهم ورى عمان والا وراء السيف
عيال مفلح مثل صقور الهدادي = نسل الضياغم موردين المراهيف

ال رشيد الضياغم عزوتهم القديمه (اخوان رثعاء) الا الرشيد الجنازه فرق عنهم في العزوه وكانت عزوته (اخو نوره)

وال شفلوت عزوتهم معروفه (باخوان رثعاء)

شكرا ياوجه الحرقان

قبيلة عبيده الزحام اكبير قبائل الجزيره العربيه ان ماكانت الاكبر على مستوى العرب .
يكاد لاتخلو قبيله من انتماء جزء منها مهم لقبيلة عبيده
اضيف لما ذكره الربع في اسهاماتهم في الموضوع الآتي
- العبدات في قبيلة غامد وهم القبيله البدويه الوحيده في غامد
- قبيلة العبيديون في العراق وفي ليبيا
- قبيلة نهد بعضها في اليمن والاكثر يتواجدون في شروره ونجران
- قبيلة الربعه في يام هم من قبيلة الربعة عبيده

هذا طبعا ما يحظرني الان اضافة الى ما اوردوه الربع

نرجوا ونلتمس من الاخ الفاضل متبني الموضوع ان يختتم الموضوع بعمل ايجاز كامل عن الموضوع نستفيد منه جميعا وليصبح مرجعا مهما في الموضوع يسهل على الباحث في هذا المجال واكون شاكرا له كثيررررررررررررررا[/size][/size][/size][/size]

__________________
لي قابلت ضو ابن همدان ضونــــا = حامت طيور العرش تبغي نصيبها
ومـــا بين شهـران ويـام محلنــــــا = وكل يسقي للحيـا مـن شعيبهــــــا
حنا عبيدة من نسـول آل ضيغـــــم = ما حن بجيران تـداري حريبـــهـا
وحنا حرق على حرق من الأوايـل = هل القدى والهينـة مـا نجيبهــــا

بيض الله وجهك وماقصرت على الطرح

الف الف نعم بقبايل قحطان كلها

حياك الله يا الطير الخضر

مداخلتك طيبة والشيوخ الشفاليت، والقصايد وشعارها جزلين وسبعين نعم بالجميع، لكن عندي سؤال لوسمحت:

كيف توصلت لهذه النسب، وعلى أي أساس أن الشفاليت من الضياغم، بينما الشفاليت انفسهم يعدون جدهم حتى يصلون إلى الجد مفلح بن عياش بن شدّاد بن الحارث. فكيف هذا؟.

دمت بخير.

__________________

قصيدة في رثاء الأمير الفارس مبارك بن مهرس يرحمه الله أمير قبائل الشدادين من الضياغم قالتها زوجته عندما توفي


الجيش يالصبيان ما عاد له كـار == من عقب ابن مهرس منجّي الثبارا

اللي فعوله فوقهن تجلي الامـرار == لا حل في تالي الركايب مثـارا

مرذي سمان الهجن في كل معبار == وياما ثعاء مرحان ضده جهـارا

وكم هجمة ٍ قفابها خلف وعشار == وأمسوا أهلها بعد كونـه فقـارا

وترعابه العرّا من العرق ويسار == ويبني شحمها مثل نابي الزبـارا

لا والله اللي جاه قضاي الأعمار == وإن قيل يا مبارك دموعي تبارا

علاك يا شيخ ٍ كما غيث الأمطار == ريف الضعيّف في ليال العسـارا



قصيدة رثاء في الأمير الفارس عجير بن مهرس < أبوعذاء > قالها الفارس شارع بن مطلق الشدادي

ياونتي بين الضلـوع المغاليـق== ونة كسير ٍ سار ٍ العظم يشعـاه
عليك ياشيـخ ٍ تسـد الأروايـق== وليا بـدى ريـع ٍ علينـا زبنـاه
يأبو عذاء ياللي ليا يبس الريق== يفرح به المضهود لاعمست أرياه
ليته ورى سبعة بحور ٍ غواريـق== حي ٍ على البيداء وعيني ترجـاه
طالوا به المطران يوم الملاحيق== بأقصى نفي والحيد لا طال مرعاه
راحت حياة الناس عقبه توافيـق== البدو واللي ساكن ٍ فـي قرايـاه
يا ذيب ياللي في طويل الشوآهيق== وداعتك زبـن الجـواد المخـلاه



قصيدة في رثاء الأمير الفارس شرار بن مهرس < أخو فاحا > قالها الشيخ عايش بن منصور ابن حريش الشلوي


قالوا: شرار وقلت وا نكبة الدار == عليك يا تالي الشيوخ القرومي
علّيت ياللي ما تغثي على الجار == ومن هيبتك جارك يعيش امحشومي
عليت يمين ٍ في اللقاء تاخذ الثار == وسواعد ٍ تثني عنان العزومي
ان شبت الهيجاء وعج الرمك ثار == وغطاهم البارود مثل الغيومي
وتراشفوا ما بينهم كاس الامرار == وتواجهوا فوق السبايا الخصومي
وصاحوا بأخذ الثار أهل قحص الامهار == وتبادلوا من فوقهن السهومي
يذكر لأخو فاحا مع القوم محضار == يرجح بميزان الكمي الظلومي
الحق أقوله في بعيدين الاذكار == ما قلت شعري في بنات الرخومي
هذاك له فن ٍ ودن ٍ على الطار == وبيارق ٍ تمشي بعكس السلومي
يالله يالخلاّق يالنافع الضار == سهّل حسابه وارحمه يا رحومي