لهجات قحطانيه .... ادخل وشارك لاهنت

ابو ابرار والسلام لك وللجميع

تدايس وتلايص معناها الله يسلمك يحمل التحقير بدل كلمة اصمت او اسكت باحترام فالكلمات المذكورة تلفض لمن تعدى حدود الادب التام ولردعة بشدة تستخدم مثل هذه الافاض الله يحشمكم كما كلمة خم وعذرا للإطالة
تديسر عطنا معناها اذا لم تكن قريبة من معنى ماذكرت - وعلمكم غانم

ايه ابو ابرار
إهلامه والحضر يقولون هليمه كما اعرف انها تطلق على الهزيل من الغنم تعبيرا عن شدة الضعف
واحيانا تطلق على بعض الاوادم اللي خطير ينكسر من النحافة اللي فوق حدها
وفي لفض مشتق يقولون إهلمه يعني اضربة ليما ينهد حيلة ويتشفق العافية

اليوم أنا وأم الأولاد نسولف عن كلامنا الأول وبعض الكلمات الشعبية
المهم أعطتني ذيك الكلمة اللي والله انها رجعتني أكثر من ثلاثين سنة ما سمعتها وقمت أضحك يوم تذكرت معناها . هذه الكلمة هي (( صون))
أبحطها لكم في جملة واللي يعرف معناها يقوله وبإمكانك الاستعانه بصديق
هذا الثوب صون

ننتظر الاجابة

يا وتد جعل الوتد براس عدوك وعدو الدين- قل امين
انا سمعت نصيحتك واستعنت بصديق عسى يوافق تفسيرة المعنى الصحيح
صون يعني مقني او مصون اي محفوظ وتقال للوصاية على حفض الشئ والعناية به لاهميتة او ندرتة
والله اعلم - اذا انا مخطي علمني كفيت العوق

أبو معصوم عز الله إنك جبتها بيض الله وجهك ووجه رفيقك والحاضرين
وأحسنت بتعريفها للجميع

ومن يقول ومن يقرى يا وتد
وممكن تظيف على المعنى للتوضيح اكثر

كلمة (صون) اكثر استخدام لها في (صون العرض) (صون الشرف) و (صون المال)

والله يصون الجميع من كل بلوى

السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين
تيك=هذي
خايل =انظر
اقحص=افزع=اسرع بالنجدة
شكراً لكم

من وين جايب ذا الكلمه يابو عبدالرحمن؟؟؟؟؟ منيب خابر ولا بعد سمعت قحطاني يقول هلاس ؟ الي حنا نعرفه خلاص ومانعرف غيرها
فيه كلمة هلاس او هلس = كذب او هلوس يعني كذوب يمكن ان ذا قصدك والله اعلم : )

__________________

أيست الاخبار من صوبكم ياهل الجنـوب == داركم عقب البطـا سعد ابو من زارها
عن هوا المزيون والله حلف(ن) مااتوب == ون مشيت دروب يمـه سلكت خيارهــا
من عقب فرقا هـوى البــال قلبي شفوق == والضمــاير عقــب فرقاه شـبـت نارهــا
ويح ويحي ويحاااااااااااه. ............

ومن عندي ذي:

شاها تيه-----------------------------------هذي هي
تعال دونك----------------------------------تعال صوبي-------------------------تعال
زبيرية-----------------------------------------حذيان----------------------------------نعال
سقها------------------------------------------درجها----------------------------------انقلع-------رح بلهجة غير لائقة
كراعي تعورني-----------------------------بمعنى الم في القدم

وهذي اللي على باللي الحين.......والسلام ختام الكلام

السلام عليكم ورحمة الله وبركاته
سمو حياكم الله على الفال يقفاه العقال
يعني سمو بالله على الي قدامكم وكرامتكم مفعوله
هاذا ولكم تحياتي