[poem=font="Arial,5,blue,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
ترى الشياهين تصعد عاليات الجبال=والأحرار تدمي مخالبها من أفعالها

لاتحسب إنك بديت النايفات الطوال =غروك الأشرارفال الله ولا فالها

الحمل يافلان ماشاله يكون الجمال =ولا ضعيفين الأنفس ضيعت حالها

حلك غلط ياذكي ماأدركت معنى السؤال =دخلت في ظلمة الأيام وهوالها

ماكل برق ينوض يصب وبل زلال =والفرق واضح مابين الشمس وهلالها

والناس تعرف تواريخ العرب والرجال=والبيد ماقدها إلا نايف جبالها

مانقدر نغير التاريخ هذا محال =والغاب أسوده من إللي ينكر أشبالها

يوم العزاوي وساعات القشر والنزال =وبقعاء يشيب رضيع المهد والوالها

ترصاحبك ياالسنافي ماذكر له فعال=يامنكر سيرة الأبطال وأفضالها

أعماك حب المصالح والهوى والهبال=يالعن أبو شجرة الزقوم وظلالها

وبعض السوالف على الرجال عيب وبال=والقوم تعرف بسادتها وجهالها

والله ماأنته بمكره ياوليد الحلال =من جاب له زمة يصبر ويشتالها

قارون ولى وشانه والذهب والغلال=وغيره من أقفت يغني البوم بحلالها

لاتعتزي بالمقابر والجهل والخبال =وتقول أنا عنترة والناس باحتالها

الله يعز الحكومه سيدة كل خال =وتسلم لنا شجرة ال سعود وأجيالها

ماينكر أمجاد مروين القنا والسلال=من يؤمن بموعد الأرواح وأعمالها[/poem]

__________________