ياراعــي الصـده !!!

المشاركة الأصلية كتبت بواسطة بن مانع الرفيدي

[poem=font=",5,#00008b,bold,normal" bkcolor="" bkimage="" border="none,1," type=2 line=0 align=center use=ex num="0,"]
اليا متى صدتك ياراعي الصده=واليا متى زلتك ياهوه ابقبلها
قصّرت مدّك وانا لك مجزل المده=مديت بحبال وصلي وانت مهملها
شفت الذي خط عالمويه بخط يده؟=أو مثل من يقبص الحيده ويطبلها؟
ذولا مثل من يبيّن حبه ووده=إلواحدٍ جاهلٍ ماهو بكفو إلها
فلا تحسب اني لاقلت احبك بشده؟=يعني ابضعف وزلاتك اجاملها
أبوك انا ند مايزرا على نده=واشل حمل المراجل وآتحملها
من لابةٍ بالوفا والطيب ممتده=لا قالت اقوال ؟ تفعلها وتفعلها
وحنا هل السيف الاملح حن هل الرده=وحنا ملافي الرجاجيل وزواملها
من حد بغداد الى صنعا لنا عده=وأفعالنا عاد مابه راس يجهلها
فإن كان وضعك كذا بيطوّل المده=خذها من اقصر طريق ولاتطولها
الشي لازاد عن حده؟ قلب ضده=وزلتك ماعادني برضى ولا اقبلها
فإن كان تبغى صدودٍ فأبشر بصده=وإن كان تبغى لعانه؟؟ فأبشر إزهلها [/poem]

[poem=font=",5,#00008b,bold,normal" bkcolor="" bkimage="" border="none,1," type=2 line=0 align=center use=ex num="0,"]
ولاّ أقولك ؟؟ وقولي صدق من جده=الحل واحد ولا غيره بيعدلها
يالعنبو حب باير لعنبو جده=وإن كان فرقاك ستره؟ جاك مسدلها
روّح عسى روحتك روحه بلا رده=وش حاجتي بناس ماعزّت منازلها!! [/poem]

المشاركة الأصلية كتبت بواسطة عبدالله بن سحمان

المشاركة الأصلية كتبت بواسطة جلحاب الرفيدي

المشاركة الأصلية كتبت بواسطة {بلجيكـ رفيدة}

صح لساااااااااااااااانك يالحبيب عز الله قصيده اكثر من رائعه ابو ريـــان