اخي غريب الوطن
السلام عليكم

سبق وان قلت انك قضيت 3 سنوات في جامعة سعودية قبل البعثة .

السوال .. كيف تقارن بين حياتك الجامعية في الرياض و ميزوري.

تحياتي لك

السلام عليكم ورحمة الله وبركاته

الله يحيك ياأبو ريان ويحي علومك

-الأسم:- لا أجد له داعي أن اذكره بل أكتفي بأني غريب الوطن
أما الغربة: فطعمها مر لكن ليس بأمر من الذين سبقونا في السنوات الماضية
الحمدلله أنا اقدر اكلم الأهل كل شهر مرتين أو ثلاث بس أول كان الاتصال غالي ولم يكن هناك أي وسيلة أتصال أخرى
لكنه تبقى مرارة البعد عن الوطن والاهل. لكن هذا حال الدنيا

-أما عن شعور الوالدة فوالله إني انا اللي حزنت ماهي هي بل ثبتتني وقالت لي بالحرف الواحد " الأمر اللي تحس أنه لك فيه خير وتتوفق فيه رح له ولاتردد . أنا ماأبي تجلس عندي في المطبخ اطلع للي ينفع" بعدها والله اني حزنت من كلامها فترى لها تجربة في الموضوع ثلاث مرات. اللهم أحفظها من كل سؤء واحفظ كل أمهاتكم لكم ويرحم من فقد أمه.

- أما بالنسبة لنظرة الشعب لنا كسعودين فهي تعتمد على كل ما يسمعونه من أخبار أو تجارب امريكين في السعودية فمنهم من يقول أنه يعرف السعوديه لانها هي الوحيدة التي تصدر البترول وشعب غني ومنهم من يقول انهم شعب طيب
لكن لحسن الحظ بعد أن صار ما صار في عام 2001 اصبح الشعب يتطلع على شعوب الشرق الاوسط فليس لهم الصراحة راي واحد وكل هذا والحمد لله من خلال علاقتي بهم.

- الموقف الغريب فأنا عندي موقف طريف
وهو كنت عند أخي الزهيري المغترب في شقته قبل حوالي سنة وكانت الساعة حوالي 2 ليلا وفجأة يدق علينا الباب من غير سابق إنذار واذا فيه سكران على الباب . في ذاك الوقت ما أمدانا نتصرف وأول مره يخش علينا سكران طبعا قمنا بتصريفه وقلنا له بنرجع لك خمس دقايق والاخ مصر على ان عندنا حفلة. أخير طلع الرجال وفينا حالة رعب لايعلم بها الا الله.

أشكرك والله على هذه القصيدة ما أعرف الشاعر لكن أعرف الفنان اللي غناها وهي من الاغاني اللي احبها

تقبل تحيات اخوك غريب الوطن

__________________

حياك الله ياابوجابر ومرورك يشرفني ولو لم تكتب إلا حرف واحد

__________________

حي الله والدنا وشيخنا ماجد الخليفي. أنت تراك بعد في غربة
الله يحفظك ويرجعك لاهلك سالم وغانم

أما بالنسبة للحياة الجامعية هنا وهناك بالرياض ففعلا هناك اختلاف كبير
هنا قدرت انظم وقتي بين الدراسه وبين وقت اللهو وأستطعت ان استمتع بوقتي
لكن يوم كنت بالرياض كنت طفشان بصورة ما تتوقعها (عزابي في الرياض ) وكنت مهمل في وقتي ولا اهتم بالوقت
وكان اغلب وقتي عند الشباب.
فمثل ما قلت لك فعلا هناك فرق كبير

ولك ألف تحية يا سفيرنا باليابان

__________________

غريب الوطن

الله ريجعك لنا بالسلامة وأكيد مثلك وشرواك راح يرفعون روسنا وراح يكون سعودي كفوء

المهم ياشباب عندي ملاحظة العضو اللي يجلس على الكرسي

ياليت ماتكثرون الاسئله عليه يعني خلوها سؤال أو بالكثير سؤاليين علشان يمدينه يلحق

وياليت من قرأ ردي يلتزم بذلك فضلاَ طبعاَ وليس أمر

المهم غريب الوطن أنا عندي سؤال واحد ونصيحة واحدة

السؤال

وش التخصص اللي قاعد تدرسة الحين

النصيحة

أتوقع انك موجود في أمريكا وعلشان كذا هذه نصيحة اخويه

عندك في أمريكا أثنين واحد اسمه ابن خرصان وواحد إسمه الزهيري المغترب

انتبه لاتورط معاهم ولا تقرب منهم وركز على ابن خرصان أكثر

لأنه من تجربه لي وأقول ابن خرصان أرسل لي رقمه في أمريكا

ودقيت عليه وسلمت عليه وتصدق إلى الحين ما دق علي ولا أرسل حتى رساله

وبالنسبه للزهيري فكل ماحطينا مسابقة في هالمجلس فاز هو لين طلع عندي سكر الأسرة

ومايقارب 26 شيبه في الراس و3 في الدقن ونصف شيبه في الشنب وهذه حسب إحصائيه

آخر حلاق حلقت عندة

ما أقولك إنتبه منهم ( كل شيء بدليل وأتوقع إن أدلتي في مكانها)

والله انتوا يالمغتربيين يبيلكم زيارة ووالله اتمناها


تحياتي لعاشق الليل وعشق مجالس قحطان أخوي الغالي أبو رعد

__________________



اللهم أرحم والدتي ..وأجعل قبرها روضه من رياض الجنه..واسكنها جناتك

أرحبوا تراحيب المطر ياخوي منصور العبدلله

وان شاء الله ان كون على قد المقام

أما بالنسبة للتخصص اللي أدرسه محاسبة أي جمع الدراهم

والنصيحة اللي قلتها أبشر ولا يهمك ولايصير في خاطر الا الطيب

وينعى وجهي لك من الشيب اللي طقك من هم الله يهديم

أما الزيارة فالله يحيك تحيات المطر

ومشكور الف الشكر على مرورك اللي أسعدني

__________________

هلا والله بغريب الوطن
لا أريد أن أطيل في الحديث فالحديث ذو شجون.. نحبك في الله
ووفقك الله لما يحبه ويرضاه
ماذا تعني لك الغربة من الناحية الروحية والجمالية ومن ناحية الوطن... ومن ناحية الأهل والأقارب..
ماذ تعني لك المجالس أقصد ( مجالس قحطان )
ودمت أخي المحب
وإن شاء الله ترجع بالسلامة

__________________

اهلين بك اخي ابن رشد الصغير وحياك الله

والله الغربة الروحية والجمالية هي الاشتياق والحنين الى المنشأ و الأصل
اما من ناحية الوطن فهي الأشتياق الى الأرض و حبات الرمل
أما من ناحية الاهل والاقارب فهي الغربة الحقيقية والبعد عن الاهل والشوق الى ملاقاتهم

فهذا معنى الغربة عندي


أما المجالس فاعتبرها بيتي الثاني كل ما حصلت فرصة رحت للمجالس ولا أطلع الا وانا منبسط اما من سالفة أو فائدة احصلها
او معلومة زايدة

أرجو من الله انه يوفقك جميع من اهتم في هذه المجاليس

وشكرا لك اخي ابن رشد الصغير

__________________

السلام عليكم ورحمة الله وبركاته


عاشق الوطن

جاي بس أسلم عليك.........

وادعو لك بالتوفيق

ولكن بانسبة لكلام منصور ....

لا تصدق منه أي حاجةالرجال مطنوخ وشبعان,,,,,ومن يوم جيت أمريكا ماعمره كلامني ألا مره

ولوني محله في السعودية كان كلمته....كل يوم مره...(لا صعبه كل يوم).......يعني باأحاول أكلمه على الاقل مره في الشهر...

وانت تعرف غلاء المكالمات في أمريكا.


وعندي سؤال واحد الله يحفظك..

هل تم معادلت ساعات جامعة سعود؟؟وكم عدد الساعات









منصور روح المراقب العام يبغاك....

عنده شكوى من واحد ماأدري منهو اللي كاتبها ......يقول أنك مشوه سمعته دولياً.

وشكلها بتوصل الى الامم المتحدة عشان يحلون المشكلة.

__________________

السلام عليكم اخي غريب الوطن

وانا ابحث في قوقل ايرث بريميوم اشاهد مواقع في ولايتكم ميسوري
حدود التاسعة مساءا ... الشوارع فاضية واشوف شباب اثنين واحد منهم يشبه الزهيري المغترب طالعين من بقاله لوحتها عربية ..
والثاني اللي مع الزهيري يقلب كيس مكتوب عليه بامية مصرية مثلجة .. هل انت الذي كنت معه
وتقبل تحياتي