المشعلي و (عجزت من التعب)

[poem=font="Simplified Arabic,4,black,bold,normal" bkcolor="transparent" bkimage="backgrounds/17.gif" border="outset,thick,black" type=4 line=0 align=center use=ex num="0,black"]
اليا بدت لك حاجتـن وانـت معتـاز=الله لا يجعـل ورا النـاس عــازه
الخرب مشروهه على مخلـب البـاز=وينبيك عن جـو العواشـز عفـازه
ماجـاز ولاجـاز وان جـاز ماجـاز=هرجـن يكـود الطيبيـن اجتـيـازه
وقولن بـلا صفـه وتكميـل وايعـاز=مثل الرشى مـن مـد يمنـاه مـازه
وان جابـك الله بيـن هامـز ولمـاز=علـيـك بـلـي رز علـمـه ورازه
يرقـا بهـا لطـا يلـه دون معكـاز=معزول عـن راع النشـاز ونشـازه
لطيبـه شـاري ولطيـب منـحـاز=ماخسـر مفزاعـه وربـح انحيـازه
وانـا تعبـت افـل وحـل الالـغـاز=وفي ظامري همـن يـدن ارتـوازه
وشلون اواسي عرق قلبي ليـا مـاز=مـازوه مافـاده كثـيـر احـتـرازه
غروه برحب وأشهر اعطـور قـزاز=يعني جزاتـه بـس عطـر وقـزازه
أما أعدمـوه بسيـف ولاتـر الغـاز=شريعه الي يشـرق النفـس غـازه
ولا تركوه أن خسر مبـداه وأن فـاز=صعبن علي موتـه وصعبـن مفـازه
وصعبن على الي ماله اصروح وانجاز=يحتـال بمـرن مستحيلـن نـجـازه
للفلسفـه سقـراط والخبـز خـبـاز=والطيـب درب وللعزيـز اعـتـزازه
وللقـرم سلـم وللمدوبـل تــرزاز=وللعلـم نـور وللمصـلـي مـفـازه
وللعيـن دمـع وللمشاعـر تفرقـاز=ولشيـخ قـدر وللخسيـس انتهـازه
وللعيـب ذنـب وللمحاذيـر منغـاز=وللوقت جـور ولظـروف اهتـزازه
ولذيـب سنـح وللهزيلـه تـلـزاز=وللعربجـي شكلـه وعرفـه وقـازه
ولضحـك وقـت وللمسابيـح خـراز=ولسيـف حـد ولرمـاح أرتـكـازه
ولديـن سمـت وللمشاكـل تـقـواز=ولسلطـه العليـا مكـان ومـحـازه
والشعر نبض أحساس فايـز وفـواز=مثل الجبل ماكـل مـن جـاه هـازه
نعم عجزت مـن العتـب والتمركـاز=والخوف من جيب الرقيـب وجهـازه
ويارب وأن جيت أطلب الناس معتـاز=لا تحطلي في مزهـب النـذل عـازه[/poem]