التفريط

المشاركة الأصلية كتبت بواسطة سعيد الفهري

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="1,black"]
اكره التفريط لو كان في قطعة حصير=كيف من فرط بربع تواجه حفّها
لانخاهم فالنهار العبوس القمطرير=راية النصر الكريمه على ايده لفّها
والصغّير كان ما قدّر الشيخ الكبير=ماتت الشيمه ويبس العصب في كفّها
والمرّوه كان حبل الرجا عنها قصير =هلّت دموع الفضايل ولاحد(ن)جفّها
واعتراف(ن) بالمكانه وتحكيم الضمير=يرفع السمعه من الهيّنه ويعفها
والخوي والضيف فالسلم الاول والقصير=واجب نكرم لحاها ونتبع شفّها
والمغفّل يحسب ان الرحا ما تستدير=يقنع عقول المساكين لين اختفّها
فارس جيله بالبجاحه وبالهرج الكثير=كسّر شداد المطيه ويحفي خفّها
بعده من الطيب بعد الغناه من الفقير=عنده الشرهه طموح خجول وزفّها
ما درى ان الوقت متزاحم شر وخير=والمصايب باقي (ن) ما امتلا ملفّها
وان حفرها فار ما طاح فيها الابعير=فتنة (ن) شبيتها يا مغفّل طفّها
يشهد الله ما يقود العرب عقل(ن) صغير =لو تولّيه القياده يزعزع صفّها
رهن الرسول درعه في صاع من شعير=جنّب حقوق الرجاجيل والا وفّها
والعصى نصره لموسى وعين (ن) للضرير=مدّها من مدّها كفّها من كفّها
والخبير يهاب من هيبة البحر الغزير=خبرته من صفقة الموج تستشفّها
لو نغق له سابع السبعه غراب العصير =السفينه عابره والهبوب تدفّها

[/poem]

اخوكم الشاعر/سعيد الفهري القحطاني