اللي يحب التعبير يدخل و يشارك .... اقلطوا !!!

دمي خفيف كنت هنا وصرت ضيف :

نرجع لموضوع الددسن :
نوع من أنواع السيارات اليابانية ( تكفى يا الذكي ) أستبدلها الأنسان عن البعارين ( ؟؟؟ ) لنقل الركاب والأمتعة والحشوان ( أحياناً ) وأصبحت في الفترة الآخيرة السيارة الفارهة المفضلة لأهل بادية نجد
لها صولات وجولات في مطاردات الضبان والجرابيع ..............مهما كتبنا عنها فلن نوفيها حقها

يقول فيها الشاعر شرشوح ( الملقب بأخطبوط الشعر ) :



[poem=font="Simplified Arabic,5,green,normal,normal" bkcolor="transparent" bkimage="backgrounds/2.gif" border="none,4,gray" type=0 line=0 align=center use=ex num="0,black"]
هات القلم بأكتب بخط ملخبط=من خاطر (ن) كله خريط وخرابيط
قم يا نديبي فوق ددسن مخبط=ليجيت عند البيت وقف وقل طيط
بأسباب خل(ن) مطني في الهوا مط=من جور حبه صارت عيوني منافيط[/poem]


ودمتم

__________________

طيب وش موضوعك اخوي سنحان اللي نتكلم عنه

__________________

__________________

أما سوق الأسهم فلعب في براطمي الله يقلعه إن طاح السوق تعفطت بر اطمي وتلوت وتقفل معي ماعاد أبغى إلا أشرب حليب بالزنجبيل بس وإن ارتفع تعلو براطمي ابتسامة كبيرة وتمتط براطمي مدة قويه
عندنا شايب قد هو خبل من ذي الاسهم ولا بغيت اعرف وضع السوق ما عاد اروح للصالة والا افتح النت
فقط اروح لذا الشيب وصلي معه واسلم عليه ومن خلالها اعرف وضع السوق اذا كانت مقفله مع الشيب وما يحاكي احد اعرف ان السوق منهار واذا الشيب يرحب ويسولف ويضحك فاعرف ان السوق طيب
والواحد ما يجحد الفضل وبالنسبة فالحمد لله استفدت من الاسهم ولكن بعد ما اقلتني وشيبت راسي


اللي بعدي يتكلم يعتبر عن ظاهرة سيئة وهو اذا وقفت عند الاشارة وتناظر في اللي جنبك الا وهو جالس

يحفر في انفه ويستخرج نفط هخهخهخهخهخهخه تحدث عن ذلك وعن شعورك خلالها

__________________

السلام عليكم
التنقب عن النفط داخل الانف هو من مشكلات العصر والتي ابتلي بها الصغير والكبير .... وتوارثها الاجيال اب عن جد ...
وايضا من المشكلات الاخرى هو قيام بعض المتطفلين بالبحث والتقصي عن الاشخاص الذي يصيدون السمك ويقطفون الورود فتجدهم يتواجدون حول الاشارات وعند مغاسل المساجد الخ .....
وتجد بعض هؤلاء الاشخاص اصابعهم دائمة الحركه وخشومهم متفتحه زياده عن اللزوم .... وهذامن اسباب دعوات الغرب لتّفتح....
فقامت الحكومه ايدها الله بصنع واختراع مايسمى المناديل ( خرقه ) تجنبا لحوادث السير التي راح ضحيتها الارواح البريئه يسبب انزلاقات الطرق .... وبعض الاشخاص هداهم الله عند البحث والتقصي داخل الحديقه يجد نفسه في حرج شديد عندما يجد احدى الورود ملقات على الارض فتجده يسارع في فحكها في باطن القدم أو احدا الجدران ( واذا ورط سرطها عياذا بالله ) .

آسف عاى الاطاله
اللي بعدي يتكلم عن ماذا يصنع اذا وجد حذيانه ( اكرمكم الله ) مسروقه .

السلام عليكم ورحمة الله وبركاته
صباح الفل يابني عمي ولاهنتوا على مواضيعكم اللي تهبل من الروعه والفله والوناسة صراحة
اما من طرف وانتم بكرامه الحذيان اللذي يطلق عليه كفرات الرجل والنساء اي وبشكل عام ((تقول يشرح الطقس حسن كراني ))
المهم يعني وبشعور اي مواطن سعودي وبروح متفلته وظغط واصل درجة التشنج بيقعد يلعن على من سرقها
وجعل رجلية تكسر وفيه مايخطيه ثما يظربها ويسكها حادر لاهله وش يسوي شيبانا من قبل ماشكوا رجليه وراء الابل
والغنم في روس الجبال ماشكوا لذلك يروح ويطلب العوض من ربه
شكلي ثقلت عليكم بلفستي وتعبير ي السامج ماعليه تحملوا
اللي بعدي يهرج عن وش عنه يارب
تعبت مدري وش اختارلكم
تدرون
مدري
تدرون.........
سياسة بوش ههههههههههههه يبي يبلشكم

__________________

ابدعت يا ابن الذيب الأسود .... يازين الواحد يمشي حفيان للبيت .. يحس بنشاط غير طبيعي ..

خصوصاً اذا كان الجو حار .......

اما بالنسبه للورع بوش .... فهذي قصته ...

ينتمي بوش إلى أسرة عرفت بالعمل التخريبي و الإرهابي، فجده المهستر برسكوت بوش خدم جزراً في مجلس الشيوخ
الفدرالي بين سنتي 1952 و 1963، وعمل والده فراش في البرلمان الفدرالي سنة 1966 ثم نائباً لرئيس الفراشين في الفترة من
1981 إلى 1989، يعني الولد معقد كل يوم يعيرونه العيال في المدرسة
وأصبح ابوه فيما بعد الجزار الواحد والأربعين للولايات المتحدة الأميركية سنة 1989،(( اكيد غير المهنة من فراش الى جزار )),
إضافة إلى أن أخاه جب بوش لا يزال يتقلد منصب حلاق ولاية فلوريدا ( الرجال راعي كشخه).

انضم بوش الابن إلى قائمة صيع الولايات الأميركية الذين فازوا بمنصب الرئاسة مثل الصايع المشهور جيمي كارتر الذي كان
أكبر مفحط في ولاية جورجيا، و رونالد ريغان سباك كاليفورنيا السابق، وبيل كلينتون راعي شاهي الليبتون (( الرجال تجاري بحت))
الذي كان يتحكم في حمير ولاية أركنساس. أما بوش فقد كان لديه شلة مفحطين مسوين زحمة في الشارع وهو فاضي
في ولاية تكساس لفترة بدأت عام 1994.

رئاسة الولايات المتحدة
رفع المهستر جورج بوش الابن شعار "أميركا بعد الهستره" وفلسفة "يرحم ايام التفحيط بالددسنن Tahfhit Philosophy"
بعد فوزه في سباق التفحيط و التنطيل العالمي. وقد فسر بوش شعاره وفلسفته بأنهما يهدفان إلى إعطاء الفرصة لكل
مواطن أميركي لتحقيق كل أمانيه في التحفيط والتنطيل في كل بقعة في ارجاء العالم وأن الدولة ستسعى إلى
تخفيف الأعباء عن الشباب المفحطين بتخفيض الضرائب وتوفير (( البترول)) و الضمان الاجتماعي والخدمات الصحية
والتعليمية لهم فقط.

اكيد العلامات كاملة .... متى تعلن النتايج يا لربع ...

الحبيب اللي بعدي .... ابيه يكتب عن البر وصيد الضبان

أشكر صاحب الموضوع الرائع على الفكرة والأسلوب الجميل


وأشكر كل المشاركين بالمواضيع الجميله والمضحكة

أما موضوع أخوي ذيب قحطان عن البر وصيد الضبان


فالبر بريرة والشر فالديرة

والوناسة والعلوم الغانمة كلها في البر وخص لاصار معك رجاجيل شقردية ذا يطبخ وذا يسولف ( وخص لا صارت سوالف مملحة بشوي كذب يجي عليها ضحك ماهو صاحي ) وشب الضوء ( وين شب ضوء وأنت تقنص ضبان ماتجي هذا نوع من السوالف اللي قلتلكم ) وبعدها يأتي فعل الجريمة الكبرى وهي طرد الضب وهي على أنوع أما بالسيارة ودعسه حتى يصبح أربا أربا أو الطرد الشخصي وهو قمة الروعه وخص لا صرت حافي والأرض كلها شوك تصير ماتركض بل ترقص من الشوك وعين على الضب وعين على خويك لا يدعسك أنت وضبك سوا خص لا صار السواق عليمي وفيه طريقه اخراج الضب من منزله غصبن عنه وهي على نوعين أما تعبئة مسكنه بالماء الحار أو وضع لي يعني خرطوش مويه الطرف الأول في شكمان السيارة والطرف الاخر عند خشم جحره وبهذه الطريق يجيك الضب مصطل يعني يعطيك روحه بدون أي مقاومه تقول سكران من ريحة البنزين وأذا قهرك ماطلع أدفن جحرة وأقهره

والكلام حول هذا الموضع يطول ويطول لاكن نكتفي بهذا الحد والأ طريقة الرشاش أبو عطفه توفي بالغرض كله

اللي بعدي يتكلم عن الموضوع التالي:








عن المشرف ال معمر بدون أي مجامله,,,,,,,,,,,,,,,,, خذو راحتكم هو الأن غير متصل هخهخهخهخخ

__________________



ممصمنا المبدع
تركي العلياني
ألف شكر لك

مشكورين ولا هنتوا جميع على التفاعل مع الموضوع ...

أخوي حدباء قذلة موضوعك ذا حساس ... علشان كذا قلت انا اللي باكتب عن رفيقي لا يجي واحد من الأعضاء و يقعد يحش فيه <<< فزعة معمري

آل معمر عضو ... (عفوا مشرف) رهيب يحب السوالف الطيبة و سعة الصدر و الوناسة و كل ما يبعث السرور و الفرح في النفس البشرية ... و يظهر ذلك جليا في مشاركاته المتميزة و ردوده و تعقيباته على مواضيع الأعضاء ... و لكن لديه مشكله أرجو ان يجد لها حلا سريعا ... و هذه المشكلة هي عضو ناشب في حلقه و يدور للمشاكل معه و اسمه حدباء قذلة

اللي بعدي أبيه يكتب عن حل لمشكلة آل معمر

شباب ،،،،،،،،عارف ان الموضوع قديم لكن نرجع له وعندي تعبير ولازم تقرونه


حل مشكلة ال معمر
مشكلة مشرفنا ال معمر تكمن في الاسهم ،،،،،،،،،،،،ولا ادري ايش الشركات اللي متعلق فيها ،،،،،،انصحه يبيع سيارته ويحاول يخارج نفسه بقيمة السياره ،،،،،،،،واذا باع السياره يشتري له جمل ،،،،،،،،،والجمل حيوان بري يصبر على الجوع والعطش اياما ويستطيع المشي على الرمل بكل سهوله ويسريربي البدو الجمل فهو سفينة الصحراء
فينقل متاعهم ويساعدهم على الترحال من منطقه لاخرى
والجمل حيوان اليف 0000 الخ0


اللي بعدي يتكلم عن استراحة المجالس بمنتدى قحطان