لهجات قحطانيه .... ادخل وشارك لاهنت

عفوآ للتصحيح..........
الكرثي وليس الكثري

رغاء : بكاء
لغااا : طريقة كلام
يبلم : يغطي
يلت : مثل قولتنا يلت ماجاه : )
حمس: زعل
يلط : يلمخ

الى الاخ عبيدي الدمام ...
عوق معناها المرض الله يجيرنا وياك منه مثل قولة البدو : جعلك العوق!! او جعلك عوق ابوي!!
الا على طاري الكلمات الي نسمعها ولانعرف مصدرها الاصلي تراها واجد وعند كل القبايل .. وانا عندي كلمة ارجو من الاخوان الي يعرفون اصلها يعلمون به.. انا خابر يوم اني بزر كان تقول جدتي الله يمد في عمرها ياورع اهكب جعلك سلال ام مهيد!! اموت واعرف منهي ام مهــيــد و وش قصتها !!

عابر اعجبتني كلمة خبقبق ههههههه حنا نسميه شباااا
عذبي تقول برق بشد الراء هذي مايبيلها شيء وتستخدم للحين بمعنى يخايل شيء بتدقيق
سحل عينه : يخايل له شيء بنظرة خاطفة بدون مايلتفت

يجود : (بشد الواو ) يمسك او يلزم.
يزر : يمسك ولكن بقوة وبقبضة اليد وخصوصا الثوب.
يباري : يمشي بجنب شيء مثل قولتنا يباري الساس.
يشقل : يرفع شيء بسرعه.
شنق: شنق يعني صوب. مثلا قولة البدو الرياجيل في شنق والنسوان في شنق.
على طيري: اتوقع قد فسروا معناها الشباب يعني في الجهة المقابلة.
على شطر: يعني على جنب.
كل ماطارا لي شيء شديد بحدر عليكم ياعيال ,,,,,,,و فمان الله

ما يضيع القوم الا الدليله-------------
ساوضها عن طريق هذه القصه ---ذهبت مع جدي لنحضر زواج رجل من راحة سنحان في الدمام فاني اقول للجدي لاتشيل هم انا اعرف الطريق مثل مثل ما اعرف اسمي ثم قال يالله يالذيب وفجاه ضيعت الطريق
فقال جدي بقعا تحدك يالدليله
صدق ما يضيع القوم الا الدليله ------------ ومسكها علي الله يجزاه خير اسبوع كامل وهو يقول
الله يالدليله

يهل العبيري : يرغي : يبكي
لعب به السبله: صدعه

__________________

أيست الاخبار من صوبكم ياهل الجنـوب == داركم عقب البطـا سعد ابو من زارها
عن هوا المزيون والله حلف(ن) مااتوب == ون مشيت دروب يمـه سلكت خيارهــا
من عقب فرقا هـوى البــال قلبي شفوق == والضمــاير عقــب فرقاه شـبـت نارهــا
ويح ويحي ويحاااااااااااه. ............

.

الله يعطيك العافية ياهاجري




باقي عندي كلمة :

هَــــلم : بفتح الهاء بمعنى تعال واصلها بالفصيح هــلم إلي

.

__________________
يرزقني رزاق الهوايش بجحارها
لا خايلت برق ولا هي بحـــــــايله

السلام عليكم ساوضح بعض كلمات لدينا في وقشة(رفيدة قحطان)خاصة لاني لااعرف عن بقية قبائل رفيدة
الاوهي ان الجيم في بعض الكلمات ننطقها ياء
مثلا= ----------اجلغه---فهي لدا عبيدة والحباب وسنحان والبشاريه واغلب رفيدة تنطق كما هي
اما لدينا تنطق =بكسر الالف وفتح اللام والغين
وايضا المسجد تنطق لدينا المسيد=بتشديد وكسر الياء
اما معنى =اجلغه فهي كأن تقول في كرة الطائرة------ اكبسه ---------- والعذر لااستطيع توضيحها باكثر من ذلك
وشكرااااااااااااااااااااااااااااااااااا

مناصرة لأخي العبرود:
لابارك الله في العرافة والسلومي
ان كان ماهي علي شرع الله والرسولي
...::: فتى سروم :::...