القبائل التي دفعت الجزيه لا بن هادي (سلطان نجد)

المشاركة الأصلية كتبت بواسطة أبا الذموم

الرجاء من الاخوان الاعضاء ضبط النفس والاحترام .
اخوي براك المخاريم أرررررررررررحب
والله الذي لا إله الا هو إنكم يالدواسر كفو واخص بالذات ربعك المخاريم ( لاد المنيعي ) ومشاكيل وقروم وانتم منسب طيب من اول وتالي .

أحد الاخوان في إحدى الردود يقول إن لقب ( بجّاد ) للشيج جعفر بن عبود شيخ ال مسعود هذا صحيح وما فيه جدال.
ايضاً لقب ( بجّاد ) لقب للشيخ الفارس سمره بن سعود الهلقمي امير المخاريم في الجهل وقصة الفارس والشاعر الدويخ بن هادي بن شداد ال غيث ال عاطف مع الهلقمي معروفه وهي :

اخذت ذلول للفارس الدويخ بن هادي بن شداد ال غيث ال عاطف من ا بن رشيد أمير حائل في ذلك الحين حيث اتوا مزكية بن رشيد ليأخذوا زكات اهل الوادي وكان بن رشيد إذا علم بذلول طيبه أخذها من صاحبها ولو بالقوة فعلموا مزكية بن رشيد بذلول الدويخ واخذوها وذهبوا بها إلى حائل وادخلها بن رشيد في حوش الهجن المنقيه , أما الدويخ فلن يجد له حيله في استرجاع ذلوله فقصد له قصيدة يستنجد فيها بالشيخ/ سمرة الهلقمي وجماعته المخاريم لحيث إنهم اهل فزعة ومعروفين بنصرة من يستنجد بهم حيث قال في قصيدته:

يافاطري ياللي تشيلين الأضماد
نوب مع قوم ونـوب وحدهـا
انا احمد الله يومهـا ذم بجـاد
شوق الطموح اللي تنثر جعدها
ذم لصبيان المنيعـي بالأكـاد
قوم تسرع بالبلى في هددهـا
حلفتنا اني ماقتفيهـم بسـوّاد
مادامت الدنياوهم في طردهـا



وعندما وصلت القصيدة إلى الشيخ/سمرة الهلقمي رحمه الله تخير رجال من المخاريم وارسلهم إلى حائل في طلب الذلول فواصلوا السير حتى وصلوا إلى حائل فقتلوا حارس الهجن واخذوا ذلول الدويخ واتوا بها إلى الهلقمي فسلمها لصاحبها ثم بعد ذلك رد الشاعر/مترك بن عبد الله بن فلحان المخاريم قصيدة رد على قصيدة الدويخ حيث قال:

ياراكب اللي كنهـا الهيـق لاحـاد
مالمسها المرقاع في خـف يدهـا
تنصى الدويخ من ورا ضلع مغمـاد
ثم بشـره بالفاطـر اللـي فقدهـا
لاهو قصير ولا خويٍ علـى الـزاد
مير قومتنا ابياتـه اللـي قصدهـا
حطيتهـا ذم لنـا يابـن الأجـواد
وإنا برييـن مـن اللـي عمدهـا
من بعدها راحـو مناعيـر الأولاد
ثم جوبها غصب من اللي جحدهـا
من وسط حائل جوبها غصب واعناد
قوم تواعدكم وفـت فـي وعدهـا
جتك الذلول وفوقها الخرج واشـداد
وتفقد اللـي باقـي مـن وهدهـا
هذي عوايدنا على وقـت الأجـداد
لاكبرت القاله نجـي فـي نصدهـا


تقبلوا فائق الاحترام

المشاركة الأصلية كتبت بواسطة اخو رفعه

ياخوان ونعم والله بقحطان وونعم ببن هادي وهدابا البدو له مافيها خلاف
لكن سيطرة محمد بن هادي على نجد فيها تفاصيل كثيره لانه كان يحدث معارك بينهم وبين بعض بين عتيبه وقحطان وبين قحطان ومطير والدواسر قحطان ويتحالفون ضد قحطان مره ومره معهم

وعشان اوضح لكم اكثر سوف اطرح كم سؤال
قبل ان تاتي قحطان لنجد كانوا مطير هم القوه المسيطره وقبلهم عنزه وقبل عنزه بنو لام كما هو معروف عند ابسط المؤرخين فهل نعتبر انهم حكموا نجد (والدويش كان ياخذ الجزيه وقبلهم شيخ الشيوخ ابن هذال العنزي)

مادور الامام بن تركي ال سعود والدوله السعوديه الثانيه اذا كان محمد بن هادي هو حاكم نجد وهو من ياخذ الجزيه وابن هادي نفسه يقول للامام( حنا لك اطوع من عيبر ومسعود) وهما عبدان للامام ال سعود وهو عند الامام ضيف والامام لايسلم عليه ولا يناظر فيه وبعد ثلاثة ايام اوقفه ابن هادي وقال هذه القصيده ومعطيه اجود خيوله نايف ومدري وش الثاني
المهم

انا ابي اوضح لكم ان هناك قوه مسيطره (طارئه) وتتحول هذه القوه من قبيله الى قبيله بظروف تطري عليها
اي انهم يتعاملون مع قحطان كقوه طارئه في بقعه جغرافيه وليست كحكم قائم لا يتحول بسرعة القوه الطارئه وبمثل ضروفها

وانا والله ابي ابين لكم
فيه كلمه دايم نقولها (ترى لاني قحطاني ولا عتيبي) اذا تكلمنا في مثل ذا المواضيع
(لو البدو فيهم الي حكم نجد فلا فيه الا ابن هادي)
يعني مافيهم الي حكم نجد
البدو تحت مضلة الامام والامام حضري من بني حنيفه وحنا دايم مانزوج الحضر ونعتبرهم اقل منا (هذه الحقيقه)
والبدو شيوخهم وفرسانهم تحت حكم الامام
ليش نلعب على انفسنا

المشاركة الأصلية كتبت بواسطة متعب الضيغمي

هذا ما ورثناة والذي ينكر ان ابن هادي لم يفرض الجزية على القبائل في نجد
فهاذا للاسف لايفقة من التاريخ شي
والدليل على سيطرة قحطان لنجد من قبل ابن هادي مشهورة بعد ذلك حصل التحالف بين قبيلة عتيبة وحرب

والبقوم لطرد ابن هادي فظطر للتخلي عن بعض ديارة وهاذة حقيقة والذي لايعلم اب ابن حميد قد اهدى الهدو لابن

هادي فهاذا جاحد للحقيقة

ولم يجليها احد

ارجوا ان تكون قد وضحت الفكرة

وللمعلومية لم ينزل الى نجد من قحطان سوى فخذ الجحاد رربع ابن قرملة وربع ابن شفلوت من عبيدة فقط

وبحسب علمي وسمعت من شيباني ان عتيبة دفعت الجزية لابن شفلوت
ارجوا ان اكون خفيف الضل عليكم

المشاركة الأصلية كتبت بواسطة براك المخاريم

شارب الفناجيل وش رايك نجعل بيننا كتب التاريخ اللى أرخت لمعركه تين ونجعلها قاعده نستدل بها وبالنصوص والصفحات الا يرضيك هذا الكلام افضل من قيل وقال وكثره جدال،،،
ايرضيك كتاب عنوان المجد فى تاريخ نجد لابن بشر وكتاب ابن غنام المعاصر لتلك المعركه وغيرهم من الكتاب المعاصرين لاحداث معركه تين،،،
وان كنت غير راضى فأسمحلى سيصبح النقاش عقيم ونخرج به بلا فائده لا لك ولا للقراء،،،
سأنتظر موافقتك على هالاساس العلمى من النقاش بما انك لاتأخذ بقولى فى ان مشخر الفرسان شارك ذيب بن هدلان من الروايات الشفهيه وتستند على كتاب ابطال الصحراء للسديرى سنجعل الروايات الشفهيه على جانب،،،
تحياتى

المشاركة الأصلية كتبت بواسطة اخو رفعه

ياخوان ونعم والله بقحطان وونعم ببن هادي وهدابا البدو له مافيها خلاف
لكن سيطرة محمد بن هادي على نجد فيها تفاصيل كثيره لانه كان يحدث معارك بينهم وبين بعض بين عتيبه وقحطان وبين قحطان ومطير والدواسر قحطان ويتحالفون ضد قحطان مره ومره معهم

وعشان اوضح لكم اكثر سوف اطرح كم سؤال
قبل ان تاتي قحطان لنجد كانوا مطير هم القوه المسيطره وقبلهم عنزه وقبل عنزه بنو لام كما هو معروف عند ابسط المؤرخين فهل نعتبر انهم حكموا نجد (والدويش كان ياخذ الجزيه وقبلهم شيخ الشيوخ ابن هذال العنزي)

مادور الامام بن تركي ال سعود والدوله السعوديه الثانيه اذا كان محمد بن هادي هو حاكم نجد وهو من ياخذ الجزيه وابن هادي نفسه يقول للامام( حنا لك اطوع من عيبر ومسعود) وهما عبدان للامام ال سعود وهو عند الامام ضيف والامام لايسلم عليه ولا يناظر فيه وبعد ثلاثة ايام اوقفه ابن هادي وقال هذه القصيده ومعطيه اجود خيوله نايف ومدري وش الثاني
المهم

انا ابي اوضح لكم ان هناك قوه مسيطره (طارئه) وتتحول هذه القوه من قبيله الى قبيله بظروف تطري عليها
اي انهم يتعاملون مع قحطان كقوه طارئه في بقعه جغرافيه وليست كحكم قائم لا يتحول بسرعة القوه الطارئه وبمثل ضروفها

وانا والله ابي ابين لكم
فيه كلمه دايم نقولها (ترى لاني قحطاني ولا عتيبي) اذا تكلمنا في مثل ذا المواضيع
(لو البدو فيهم الي حكم نجد فلا فيه الا ابن هادي)
يعني مافيهم الي حكم نجد
البدو تحت مضلة الامام والامام حضري من بني حنيفه وحنا دايم مانزوج الحضر ونعتبرهم اقل منا (هذه الحقيقه)
والبدو شيوخهم وفرسانهم تحت حكم الامام
ليش نلعب على انفسنا

المشاركة الأصلية كتبت بواسطة شارب الفناجيل

يا براك ابشر بالمصادر ان كنت تريد ولكن ما دمت انت الي اخترت ذلك فكن على قدر من المسؤليه يا دوسري
وثبت كلامك بالمصادر في الاوله وهي قصه مشخر الفرسان مع ذيب بن هدلان ومشاركته معه في حرب جيش ابن سعود هذا شرطي الاول فان فعلت ووفيت بكلامك سافي بكلامي وقحطان شاهده على في المنتدى وان راوغت فلا ني مجبور اوضح لك المصادر لان النقاش سيكون عقيم للغايه

المشاركة الأصلية كتبت بواسطة براك المخاريم

يشارب الفناجيل ماسمعت بالمثل اللى يقول وشهد شاهد من اهله؟؟
اظن شهود اثنين كافين ابا الذموم والضور
ولا تبى تقول مااقبل شهادتهم مابه اشكال اجيب لك شهاده امير المخاريم ومختومه بختمه وبشرط انك تجيب لى شهاده من امير المسارده يشهد فيها بسالفه مسعود بن شرى،،،
وان كان ماجبتها فيعقبونى الفنجال ربعى المخاريم وان كان ماجبت شهادتك فيعقبونك ربعك فناجيلك اللى تدعي شربها!!
وهذا اسمى الكامل براك بن عيد بن مسفر بن دريميح الضبان المخاريم وحط اسمك هنيا
لجل يعرف القاصى والدانى
والوعد قدام والحى بيشوف وراح انزل صوره من صك الامير الهلقمى فى منتداكم ان سمحوا قبيله قحطان الكرام
تحياتى