مشخص الفهري و خالد الحصيّن
[poem=font="Simplified Arabic,4,darkred,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
مشخص =
ياسلام الله سلام الي صعاطيره .. تسوقـه =ناوي ٍ له نية ٍ من بين جوده والجفيـره

ان نشدت من الحصين قيل مع برقا وروقـه=واثر ابو فيصل !! من الي طيبهم في كل ديره

خالد=
مرحبا باللي ينومس ربعه بفنّـه .. وذوقـه=غير انا مدري متاه .. بيلفظ انفاسه الاخيره
الحصيّن .. في حياته ماحدٍ .. ياخذ حقوقـه=وانت توفّى .. خلّوا التاريخ يكتب عنه سيره!

مشخص=
البقا والطير ابو جنحان .. لو فكت سبوقـه=ماغدا من حق راعى الحق .. لو حبة شعيـره

أدرينك شاعر ٍ مطنوخ .. ماشـي ٍ يعوقـه=وان ذكرتك ماذكرت الا المحازم .. والذخيره

خالد=
السحاب اليا تزبّر .. والهوا تحتـه وفوقـه=بشّر اللي من ضماه .. يخش همه في ضميره
انتبه لا تفتل اشنابـك .. ولحيتـك محلوقـه=ثم اعلم بان عينك لو تكابرهـا .. صغيـره!


مشخص=
السحاب الي تزبر .. يروي الضامـي حقوقـه=ياعسى فاالامر خير ’’ وياعسى فاالامر خيـره

العهد بينـي وبينـك ,, وان زعلنـا لاتبوقـه=لاتسلطن !! وانت في سلطة !! سلاطين الجزيره


خالد=
ندري ان الغرس لاشحّت عذوقه .. من عروقه=والشجاعه ما تخلّي الرجل .. يجفل من صفيره
راعي الخلفات .. يكفينا صبوحه .. عن غبوقه=ولا نجي بينه وبين نياقه .. ومبـركْ بعيـره!


مشخص=

العسل يلي تحبه تلحسه .. ولاتحوقه=لاتسل السيف ياخالد ,, ويرجع في جفيره

الثبيتي كل ماغنى .. تحمسني طروقه=علم الي يعشق العرضه وكفه فوق زيره !

خالد=
انت غافل .. والحنش ناعم .. وسمّه في شدوقه=عش حياتك .. وانتبه تربط مصيرك في مصيره
الذهب لو لا بريقه ما ارتفع فالسوق .. سوقـه=وانت تقدر تشتريه .. وتعرس .. وتاخذ منيره!


مشخص=
الحنش والسم .. خله لاتجيه .. ولاتذوقـه=كل واحد له مكان ,, وكل واحد له مسيره

تلبس البشت الحساوي .. ماتبرْق في شقوقه=غلطة الجاهل سلام !! وغلطة العاقل كبيره


خالد=

لا توصيني .. ووص اللي معه رِجلٍ سبوقـه=لا انثنت رجله وهو .. بين الجماهير الغفيـره
لو دريت ان عبرتك .. بين البلاعيم مخنوقـه=كان ما جيت وجلست آحرّك .. سلوك الظفيره!


مشخص=
لاتخاف !! الا ليا مديت باليمنى .. السروقه=وقفتي وقفة عقيد القوم ,, للقوم المغيره

أحسبنك ,, تنقل الاحداث والنيه ,, صدوقه=واثرك الي حبته ,, وسط الرحاه المستديره


خالد=
كل رجلٍ عنده احساس وشعورٍ فـي خفوقـه=وانت ما انته بالحديث اللي رواه ابي هريـره
يا سحابٍ تبكي رعوده .. ولا تضحك بروقـه=الهبوب تهب فوق الغصن .. لين يطير طيره!

مشخص=
والله ان الصبر زين ,, وحيلة الي مايطوقه=يبتعد عن حب هيفا ويتنازل عن سميره

دام ابو فيصل ,, حزين ودمعته في وسط موقه=مارتكى فوق الشداد الا الكبير من العشيره [/poem]

__________________
المشكله انك ولد عم وقريب
ان طمنتها فاللحيه والشارب فوقها

[poem=font="Simplified Arabic,4,darkred,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
سعــــد القحطاني =
اسعد الله ليلةٍ تجمع قلوبٍ نظاف = للمصامخ عبر موقع وكل بمنطقه
قاف مع خولان بن شتوي بـ 90 قاف = وعند مضواح ابن عامر بيتين .. معلقه
مضــــواح ابن شتوي=
اسعد الله ليلة العمر والمعني عفاف = ينكسر شوف المعاني خجل في منطقه
انت ساري ليل بشر عسى مابه خلاف = انتبه لي زين والعلم ليه تلفقه
سعــــد القحطاني=
من تبسُم بالرهايف تحت حِدب الرهاف = الرهاف بحدْها تلهبه ما تخنقه
اربعه وإثقالها 2 و ثنينٍ خِفاف = جبت واحد جنب واحد عساه يوَثقه
مضــــواح ابن شتوي=
التبسم بعض الاحيان يعقبه ارتجاف = والتماني سرها من تحقق حققه
والعلوم 2 والقاع صايبها جفاف = كيف اصدق واحدٍ ماحدٍ قد صدقه
سعــــد القحطاني =
إن تراجف عود .. قالو له إسنينه عجاف = ليش يرجف والمقَبْسْ .. ذخيرة بندقه
لا تهاوز لك بسله مطوقها غِلاف = كان تبغى لا وزَت في خصيمك .. تِزهقه

مضــــواح ابن شتوي =
اثرك اللي تدعس الجمر الاحمر ماتخاف = ماتهاب امن الخطر ياسعد والمشنقه
من بغى له سلة ٍ ما لقى قرن الزراف = مثل من يبغى من الفاس لحمه وامرقه
سعــــد القحطاني =
شفت اخوك اللي تحسبه لكيعٍ مايشاف ؟ = قد لويت ايديته قبل فصْي يسرقه
تمظي الأيام وانته تجَمْع في قِطاف ! = كم نقاط جابها اللي ما رجلٍ يسبقه
مضــــواح ابن شتوي =
كنت اقول انك برى لين جبت الاعتراف = واثرك اللي يطحن السم تحت الاروقه
لحفّوها يا اخويانا تحت خام اللحاف = قبل ماتدري هل الدين وشيوخ الفقه
سعــــد القحطاني =
لاتحاول تستعي قبل سبعه فالطواف = البارود اللي يبي ينشقه جا وإنشقه
يالحبابي لايجي في السواليف التفاف = وانت واحد من هل الفقه محسوب وثقه
مضــــواح ابن شتوي =
كنت تاجر مير فلست والمقسوم طاف = ودي اظرب ياخويي مثل ثم دققه
ون فهمته يالعبيدي . ترى . من شاف عاف = بس . من يستاهل العود الازرق له سقه
سعــــد القحطاني =
لا تخلون السوالف توصْف هاف هاف = يارجالٍ ذاهنه .. كل طرقٍ تطرقه
الطريق الجرهدي كان جا فيه إنعطاف = ماتخارج غير من راد ربه يعتقه
مضــــواح ابن شتوي =
الختام المسك والعلم مافيه اختلاف = الفلك دوار والطيب كلٍ يعشقه
المهم ان الجلوجي نجح في الاكتشاف = اكتشف كم عد يكفي ظوامي المنطقه[/poem]

__________________
المشكله انك ولد عم وقريب
ان طمنتها فاللحيه والشارب فوقها

سعد القحطاني ، عبدالله الفهري
في 19 / 11 / 1428هـ

[poem=font="Arabic Transparent,4,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
سعد=
يامرحبا يالفهري اللي قد تقهوى عند بوش=ويقال رايس قدْمت دعوه لكن .. ويش القِرا
ليل الشتاء بادي وليلك ياصبي ليلٍ دغوش=اماتجي قدام هقـوة مـن هقـى والا ورى
عبدالله=
وابك البقا يا الفهري المحبوب يا الوجه البشوش=ومعزبي يعجبك يا ذيبـان .. والسـاري سـرا
ما لك وليل السبع لا من صار في .. ليله يهوش=والهقوه اللي ما تجمل خلهـا .. تحـت الثـرا
سعد=
مصيبه .. يطول اللسان احيان والخشم مخفوش=معزبـي ومعزبـك وش فرقهـم ياهـل تـرى
ياكثر مدات الطـروش وكثـر ردات الطـروش=في ما مضى ذيب وجبل .. واليوم بيع ومشترا
عبدالله=

واكبر مصيبه لا غدا .. فالخِده البيضا خـدوش=وهذا وهذا فرقهم فاللي حصل .. واللي جـرى
المجد يصنع بالعرق .. ما هوب يشرا بالقروش=والمجد للي يطلبه .. ما هـوب للـي فالـذرا
سعد=
ترى الجواهر عاليٍ صندوقها حاول تنـوش=احسب لها مضبوط والتوقيت حسب ام القرى
اثرك حلمت انك يابو نواف قايـد للجيـوش=خطوه جريه يابطل .. وانا طرا لي ما طـرا
عبدالله=
حنا نحوش اغلى الجواهر .. مير قلي وش تحوش=سلام من سكـان قصـر العـز .. للـي فالعـرا
يا ذا الصبي نصيحتي .. لا لا تعرض من يشوش=حنا نقود الجيش وانته يا ولـد .. ماسـك سـرا
سعد=
انتم تحوشون الجواهر حوش من ضمن العفـوش=ياساكنين القصـر مـن بيـن المضَـرْب والفـرا
اثرك تشوش .. وشايفك من عصر وآقول مخروش=مادام هـذي شوشتـك .. اكيـد جرحـك مابـرى
عبدالله=
رد المطيه يا ولد .. واحذر تكت (ا)بهـا الفـروش=واعرف ترا اللي جاهل(ن) بالوضع غيـر اللـي درا
اللي سواتك لا انخرش . مدري عرش . ولاّ معروش=لاكن عسى راسك صفق .. فالحيده اللي فـي كـرا
سعد=
وش في صحيبي ينكر المعروف ويقول مغشـوش=وضعه خطير وحظه اقشر .. بلْش والجيب انفرا
طارت طيور وحلْقَت .. وطيور باتت فالعشوش=من بعد هذي لاتقول إن حن جماعـه وإخشـرا
عبدالله=

انا صحيبك مير انا من عادتي رجل(ن) بطوش=ابطش بمن غره زمانه . والبـرا لهـل البـرا
الله يا كثر الجنايز فوق .. عاريـة النعـوش=فك الشراكه خلنا يا صاحبي .. بـس اقصـرا
سعد=
اثر العيون الله رحمها يوم حط لها رموش=لولا الرموش تظلها تنافصت لـو إجهـرا
غرزت لك في رقةٍ ماعاد تظهرك الونوش=وإنكان ربي خارجك لازم تسنن في حِـرا


[/poem]

__________________
المشكله انك ولد عم وقريب
ان طمنتها فاللحيه والشارب فوقها

توصوا في محاورات القرقاح او بن شايق .

لاهنت يالذيب

بيض الله وجيهكم

//

__________________

ابداااااااااااااع

__________________

فعلاً هذه الشبكة هي كنز معلومات ومرجع وفخر واعتزاز الله يبيض وجه من يقوم عليها ولايصح الا الصحيح وهذه هي تبقاء شامخة على طول هذه السنين .....

__________________