البارحة والقمر شوفي على نورة
قمراء ومبعد عن البنيان واتعاسه
سهران والنفس مشتاقه ومقهورة
والقلب خطراً علينا يحبس انفاسه
ياقلب وحزام طيعه واستمع شورة
لايبتلش بك مع همه ومع ناسه
الله من الهم والاحوال مستورة
ومغربل الهم عايف جمع جلاسه
هموم ماهيب هم مشجع الكورة
ولاهيب هم المروس لاجل مرواسه
ياقلب ماجور والعينين ماجورة
وياراس يفداك منهو هافيً راسه
عايش زماني ونفسي فيه مجبورة
قايس هدومي وكلن حسب مقياسه
وجروحنا ضيم والاحباب معذورة
غالين ياجرح والاوضاع منحاسه
اعاتب الوقت والايام مخبورة
وسود الليالي خذينا منها دراسه
اللي نحبه عجزنا نملك شعورة
واللي هوانا عجزنا نبادل احساسه

وسلامتكم

ابدددعت

الابداع في مرورك
وشرواك

صح لسان الشاعر
دره من درر الشعر لاعدمناك

__________________

صح بدنك وشهادة جزيلة من شاعرا جزيل