قصيدة الدفينه
[color="rgb(139, 0, 0)"]ياشعر انا وياك حب وميانه
ومن بينا ميثاق وعهود وختوم
مطلوبك الابداع واعطى ضمانه
ومطلوبي اغنيك والبيت منضوم
واصبحت ياشعري جواهر ودانه
ولك موقف وهيبه وسامع ومفهوم
والفكر بعد الكيف جاه استكانه
والخاطر وله ايام وعلومه اعلوم
محدن كفو تزعل ياخاطر عشانه
هاذا الزمن والناس معطى ومحروم
رجلاً على الكايد يضحك ثمانه
ورجلاً على اتفه شيء مايقدر يقوم
قالوا ترا الطيب وسيعا بطانه
قلت الزمن كانه ضحك ماضحك دوم
ومن لايقدرني ابجفى مكانه
بجفاك مجلس(ن) فيك شاتم ومشتوم
وترا الفطين يبين فيه الذهانه
وولد الردي بين وهافي ومهزوم
ويانفس شومي عن دروب الاهانه
لا عاش من يرضى على الغبن مضيوم
بعد ارتفاع النفس عيبا طمانه
وبعد الخطا والذنب ماينفع اللوم
وماقسى من الغيبه ياكود الخيانه
لاشفت من تغليه بدل بك السوم
ولولا الحياء والعيب والله وامانه
اني لا اصيح بعالي الصوت مظلوم
مظلوم من وقتي وخلي وحنانه
وجروح قتاله لكن عندي عزوم
ويالحظ انا المبلي ولا لعانه
وهقتني ياحظ من بدت القوم
كلن وفى حظه وعزه وصانه
وانا مثل تايه من الدرب منجوم
عزي لقلب(ن) مانفع به صيانه
من نزف جرحه صار تالف ومعدوم
يارب وان احتجت وابغى استعانه
لاتحطلي حاجه ومن دونها رخوم
وليت الرفيق اللي وقفنا وزانه
مابار يومنا نبي منه لزوم
وليت الذي فالعين قرم وتكانه
ماطاح منها وطيحته طعنه سهوم
من قل ماله قل قدره وشانه
ومن كثر ماله كثروا احبابه اليوم
وامكن قليل المال تجفى اخوانه
والكل يتبرى ومجفي ومذموم
ومن كثر ماله فوق عالي مكانه
حتى لو انه لاش يامر ومخدوم
والمرجله والطيب ضاع اتزانه
صار اللي معه بزنز مقدر ومحشوم
اهب ياوقتن ضعافه سمانه
راحوا رجال الطيب ماتجهل سلوم
ودام الكريم معان والرب عانه
لايزعل المنعور والرزق مقسوم
ولا واهني من مهتني في زمانه
ما لاعته بقعاء ولايعرف هموم
ماحدته دنياه والوقت خانه
ومن كثرت اللوعات مايهتني نوم
غنى ابن عذبه وجاكم بيانه
من تجربه عمره ومن ضمن الالبوم
وان ماقيل قال وصح الله لسانه
ولا حرام الشعر فالبحر ماعوم
وسلامتكم
[/color]
التعديل الأخير تم بواسطة حزام العجرشي ; 07-02-2015 الساعة 01:49 AM
06-02-2015, 04:27 PM
تعليمات المشاركة
المواضيع المتشابهه
العرض العادي
