[poem=font="traditional arabic,7,blue,bold,normal" bkcolor="transparent" bkimage="" border="none,4," type=1 line=1 align=center use=ex num="0,black""]
ياهاجسي للقصائد طالبينك طلب=تختار من الندر الجزلات وتجيبها
مثايل ماعليها نقد ولاعتب=متخصص في قوافيها وترتيبها
أصوغ بيت القصيده مثل صوغ الذهب=على الوصول أحماها من عذاريبها
ماهي بديعه إلى صبّيت الأبيات صب=لي سيرتٍ أكثر العربان تدريبها
كن في ضميري سنا ناراً وقوده حطب=حوادثٍ طلّعت في روسنا شيبها
فزيت فزأت من صابه سريع الندب=من كف من يقضي إديونٍ يثاريبها
هاضت شعور القريحه بعد هم وتعب=أبيات شعرٍ على المعنى نغنّي بها
غنيتها حزن ماغنيتها من طرب=واعاوي إذياب خلو في مراقيبها
فقد ابن شايق هو اللي هاضني والسبب=الملعبه ودّعت خيرة لواعيبها
قحطان جاهم على فرقاه حزن وغضب=تبكي على طيّب الوقفات من طيبها
مرحوم ياسيف قحطان الوريع الحدب=اللي كبار المواقف ينطح اصعيبها
مرحوم يااللي بك الموتر صدم وأنقلب=في رحلةٍ كاتبٍ ربّي تسابيبها
عساك في جنّة الفردوس يابو شنب=و يجيرك الله من النار ولواهيبها
من قال دنيا بنادم فانيه ما كذب=عاداتها تفجع اللي وامنٍ غيبها
سلام يالابتي قحطان ياصل العرب=يا هل الظفر والسلوم اللي نماريبها
تسليمة إجلال ناموس وعز و أدب=يا لابةٍ ضيفها يلقى تراحيبها
ترحيبةٍ عقبها يلقى مقام العجب=الحِيل والعود الازرق دايمٍ طيبها
قحطان ياربعنا ياهل الحسب والنسب=يا هل المواجيب لي كبرت مواجيبها
الله يغفر الذنوب لمن صبر و أحتسب=يا رب تجبر عزاء قحطان وتثيبها

[/poem]

__________________

رحمك الله رحمةٍ واسعه يابن شايق وموتى
المسلمين أمين يارب العالمين

__________________

صح الله لسان الشاعر

ولاهنت ياغلاب الحبابي

والله يرحم بن شايق

__________________

صح الله بدنك يافارس قحطان ولاهنت على الرد الطيّب ومشكور جزيل الشكر

__________________

فزيت فزأت من صابه سريـع النـدب

من كف من يقضي إديـونٍ يثاريبهـا

هاضت شعور القريحه بعد هم وتعـب

أبيات شعرٍ علـى المعنـى نغنّـي بهـا

غنيتها حـزن ماغنيتهـا مـن طـرب

واعاوي إذياب خلـو فـي مراقيبهـا

عطناء سيرتك الذاتيه
ونقل رائع

والله يرحم بن شايق

__________________

الأخ ابن اصريط لاهنت ومشكور على الرد الوافي

__________________

الله يحمك يابن شايق أمين وإخواننا المسلمين

__________________