قحطان يا ربعي سلامي سلامي

[poem=font="times new roman,6,black,normal,normal" bkcolor="transparent" bkimage="backgrounds/7.gif" border="none,4,gray" type=2 line=1 align=center use=ex num="1,black""]
قحطان يا ربعي سلامي سلامي=يا اهل الظفر يا اهل السطر والجماله

انتوا بعد ربي حزامي حزامي=وانتوا على الدنيا زباين شكاله

وقفاتكم يوم اصطكاك الزحامي=عندي تساوي عرش قيصر وماله

وانا ولدكم قلت والقول سامي=امدح عيال امضيم في كل حاله

ربعي بني عمي سوات الغمامي=وامجادهم وبلٍ تجدّد خياله

يا ما وردنا الموت ورد الضوامي=وانصدّر بنصرٍ تهلّل اهلاله

عدوّنا من فعلنا ما ينامي=يبقا على ما قيل مشغول باله

من عقب ما كان العديم القطامي=تصبح يمينه من سطرنا شماله

لي قلت انا قحطان يمشي نظامي=من ذلّنا عينه تباري ظلاله

النور يصبح في عيونه ظلامي=كنّه يشوف الموت جالس قباله

افعالنا تلجم عدانا لجامي=حن سعد عين اللي خذانا رجاله

يوم ان حلال القوم يمسي حيامي=تشرب بهايمنا من الماء زلاله

تاكل بهايمنا لذيذ الطعامي=قبل ان يجي في السوق كيس النخاله

ترعا مراعيها حلالٍ حرامي=واسيوف صبيان اقحطان الكفاله

من شاف فزعتنا يجيه انفصامي=لو كان ما له في القضيّه ولا له

هيبة محيطات وبحورٍ طوامي=وهيبة ملوكٍ صايبنها جهاله

كنكم بنا يوم الجرز والحسامي=يلقا العدو منّا عذاب ونكاله

فينا الولد عيزه خوال وعمامي=وابوه جدّه ناشدٍ عن خواله

يا حي حيّه من صبيٍّ همامي=ما هو بعن فعل النواميس داله

شوقٍ لنا في المعضلات الجسامي=واليا ثقل حمل اقحطان ارتكا له

حنّا ولدنا قبل سن الفطامي=يفطر شجاعه وايتغدّى صماله

حنّا ولدنا ما يسمّى غلامي=صاحب فضيله والا صاحب جلاله

حنّا على الدنيا عزاز كرامي=واللي يجارينا تقطّع احباله

حنّا عيال امضيم ما حن نضَامي=حنّا عيال امضيم عز واصاله

اسم يجلجل دون كل الاسامي=اسم تفرّد بالمحبّه الحاله

وتقديري الخالص وكل احترامي=للمجتمع كلّه.. جنوبه شماله

واختامها.. نذكر شفيع الانامي=صلى الله وسلم على احمد واله[/poem]

شاعر من الوزن الثقيل
لا اعلم هل معرفك هتاش اسمك الحقيقي
او مجرد لقب
على كل حال هذه القصيدة لاينجبها الا فحول الشعراء
صح لسانك واعتلى فوق الثريا شانك
وبنتظار جديدك

صح بدنك يا الامير ولا هنت
هتاش مجرد لقب الله يطول عمرك

هـيـبـة محـيـطـات وبـحــورٍ طــوامــي وهـيـبـة مــلــوكٍ صايـبـنـهـا جـهـالــه
كنـكـم بـنـا يــوم الـجـرز والحـسـامـي يـلـقـا الـعــدو مـنّــا عـــذاب ونـكـالــه
فيـنـا الـولـد عـيـزه خــوال وعـمـامـي وابـــوه جـــدّه نـاشــدٍ عــــن خــوالــه
يــا حــي حـيّـه مــن صـبــيٍّ هـمـامـي مـا هــو بـعـن فـعـل النوامـيـس دالــه
شـوقٍ لنـا فـي المعضـلات الجسامـي واليـا ثقـل حمـل اقحـطـان ارتـكـا لــه
حـنّــا ولـدنــا قـبــل ســــن الـفـطـامـي يـفـطـر شـجـاعـه وايـتـغـدّى صـمـالـه


صح لسانك الله اكبر عليك ي هتااااش

صح بدنك لبا روحك

__________________
الحمد لله