قصيده للشاعر / فلاح آل مخلص

بمناسبة الشيخ / عبدالرحمن بن مبارك بن عوير آل جميح الحبابي

يالله يالسميع يالبصير
يالواحد المتفرد الكبير

انت الحجى وانت الذرى والفزعه
وانت العلي محدد المصير

ياربي ارفع بيرقي وانصرني
وعطني لحلم حالمه تفسير

يالله جملني وسدد قولي
عند محلف حماية القصير

ضولا صواريم قحطان ضولا
ً. معمرين امجادهم تعمير

ولاهم لعبد العزيز مقدس
عهد عهد ماوشح بتغيير

هل بيرق حدد حدود المملكه
مرفوع بالتهليل والتكبير

جيوشهم من خير حسكات الوبر
وخيولهم على الحتوف تغير

مايقبل المذله قحطاني
والنصر ربي دبره تدبير

ياحلفنا جبر العضود مرقب
من له جناح من الطيور يطير

على مراقيبي نويت آهجرس
وأصخر بيوت النقى تصخير

قاضي البدو جدي ومن مناقبه
لايبهت ولا يقبل التزوير

وابي لمنهج جدي موصيني
يقول لاتطوي الرشى القصير

ولاقلت تاريخ العرب فانصفها
محرف التاريخ نافخ كير

ومن غط كلمة حق ماهوب حظه
شمس الحقايق قدت الضرير

ياعاشقين الفخر والمعزه
تسمعو عن ماضي آل عوير

لعايض بن دليم تدفع خاوه
ومن الطرف ماشدده نذير

وعوير بن عايض مثاره بالدم
دون الخوي والضيف والجوير

منقي العيبان يا أخو رزنه
عزوة ظفر ووقوعها تبرير

بعدك على وسق الشداد مبارك
خال آل بنجر سيفنا الشطير

مسفر وظافر وان ذكرت محمد
من بين يام مثل ضلع النير

عز الله إن بزيكم ياحلفنا
يفرق ولاهو يلحقه تقصير

مبارك بن عوير علمه غانم
عنوته عز وجنابه غير

كسب ونعم عند يام كلهم
وعند اقحطان وعند كل آمير

ودام المعزب مرتك(ن) وأخوانه
مامات ذكر مبارك بن عوير

قد الشداد الله يعزك قده
يامجمل آل جميح قرع الزير

وان ارتكى للمعضلات جميحي
يخلي اللي مايصير يصير

وانت انت راع الراي والمشوره
وتقوم في عتق الرقاب بخير

ومن له شداد من هل الاشده
لانشدت منه تصدق التعبير

تعطيه حقه وافي وتزيده
ثقه وباسمك جيرت تجيير

من يحترم نفسه ولا يتكبر
يلقى أحترام وشيمه وتقدير

قولو لمن غاناه ربي واكرمه
المال يفنى والعمر قصير

وخير يعدى ربع من يكنز الذهب
يسمع حكاي ويترك الشوير

من يبخل بماله على قبيلته
تلقاه من كنز النعم فقير

ومن يبغي الكنزين ينهج منهج
وارث شداد مبارك بن عوير

__________________

صح لسان الشاعر

لاهنت ياخوي حمد جعلك تسلم .

__________________
للتواصل:

fahad_alhababi@hotmail.com