[poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
محمد بن ثايب =
سلامي عليكم يالرجال المشاكيل = سلامن جديد صناعينه صناعه
عن شان ابوعبدالله نحط ونشيل = ولا نبغي الا مايسر الجماعه
حسين بن شتوي =
هلا مرحبا ترحيبه البن والهيل = بحفل اقحطان اهل الكرم والشجاعه
تهيض يابن ثايب ولا يسري الليل = بناخذ معك في الملعبه ربع ساعه
محمد بن ثايب =
وايش اللي نقزبك وانت بين الحلاليل = ياليت الصداقه لاتعود قطاعه
عساها توطاك النصوب المخاييل = علي شان تدري وايش نوع البضاعه
حسين بن شتوي =
تراني حبابي ماني بارد الحيل = وخوه هل الطالات مثلك طماعه
تبيها نظم والا تبيها مواويل = لابدك تقول اليوم سمعا وطاعه
محمد بن ثايب =
يانعم بربعك وانت ماتجزع السيل = ما دامه تعلق فيك راعي شفاعه
ياصياد ليتك لا تقع في المحابيل = تبيها براعه مير مامن براعه
حسين بن شتوي =
غزيتوا وضيعتوا جميع المحاصيل = وسببت له هواشه بليا فراعه
ترانا ليا صدنا نصيد الرجاجيل = وليا اقفي ابن ثايب نسحبه من كراعه
محمد بن ثايب =
عيونك يامحفوظ السلامه درابيل = ماينقص عليك الا الثقه والقناعه
في اذنيك شي من رصاص المعاميل = ماتسمع محاحيل العمل والزراعه
حسين بن شتوي =
ليا درات الدله تدور الفناجيل = لكن الوقاعه يالزميل الوقاعه
عسي الله يبارك في الليالي المقابيل = ما دامه نوا بالوصل عقب القطاعه [/poem]

__________________

تسلم يالغالي على النقل

__________________

أجمل شي في ألانسان قلب صافي يدعو لك

هلا وغلا ابوريان

__________________

تسلم يالغالي على النقل

__________________

هلابك وبمرورك ولاهنت

__________________

ســلامــن جــديـــد صـنـاعـيـنـه صـنــاعــه ؟؟؟؟؟؟؟؟

مشكور على النقل اخي علي

تحياتي..

لاهنت يبو مسفر ابيض وجه على النقل