بسم الله الرحمن الرحيم
مع أحد روائع الأدب والحكمه والنصح الشاعر الكبير :مرشد البذال رحمه الله .
[poem=font="simplified arabic,7,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num=",black""]
يقـول مـن سـوى حسيـن الجيـل=ومـسـنـع ٍ مـعـنـاه لايـمـيـل
يقول مـن زيـن المثايـل طرايـف=فيهـن ألذربيـن الـرجـال دلـيـل
والإهبيـل القلـب مايسمـع النـدا.=ماينـفـع التـعـلـوم بالهـبـيـل
ياسامع قولـي تـرى بـه نصيحـه=الإ إن كـان أنـه علـيـك ثقـيـل
ترى المرجله حمل(ن) تشيله لحالـك=والإ السفـاه أبليـس عنـك يشيـل
يرقص قـدم وجهـك ويمـدح فعلـك=ويعـاونـك ياخـيـبـة الـزمـيـل
لعين(ن) يوصلـك المهالـك وينثنـي=وتقعـد بمظمـأ مامـعـك صمـيـل
من طاع شور بليس والنفس والهوى=عاف النهـار وحـب مسـرى الليـل
يارجل أبـا أوصيـك منـي وصيـة=وأحـرص علـى حفظانهـا بالحيـل
من لايحـوش بـأول العمـر طولـه=تالـي شبابـه صـعـب التبـديـل
مـن فـات عمـره مامـدح بافعالـه=قعـد بـوسـط الطيبـيـن رزيــل
أول فعـول الخـيـر درب الطـاعـة=ليـا خضـعـت لخالـقـك تسـيـل
نـور بوجهـك وأندفـاع(ن) باجلـك=ويمشـي أرزاقـك بــلا تعطـيـل
ترى راعـي الطاعـة رفيـع جاهـه=يصيـر بعيـون الـرجـال جلـيـل
الدين دين القلـب وإصـلاح العمـل=وكف اللغى مـن كثـر قـال وقيـل
والنيـه الزينـه تـراهـا تظـهـرك=من اّمـن بربـه صـار لـه كفيـل
أوصيـك برضـى والدينـك وصيـة=والـدك لايمسـي علـيـك غلـيـل
تـراك لـو تـدري بحبـك عـنـده=ماصـرت لـه بالمعصيـات جبـيـل
والوالـدة مخصـوص عظـم قدرهـا=شيالـتـك بالبـطـن والشـلـيـل
تسعة شهـور تنقلـك فـي جوفهـا=وعاميـن ترضعـك الحليـب طفيـل
إذا أخـذت يـوم مونـس ماترضـع=غـد ا علـيـك أعبـارهـا همـيـل
عافت لذيـذ النـوم والـزاد عافتـه=وتشاغـلـن أفكـارهـا تشـغـيـل
ياقـرد حـظ اللـي يعـق الـوالـد=هـذاك وسـط النـار لــه مقـيـل
تـرى حقـوق الوالـديـن كثـيـرة=لاشـك أنـا أمثـل لـكـم تمثـيـل
وأنــا بديـهـي ولانــي عـالـم=لاشـك أعـرف مـن الكثيـر قليـل
أيضـاّّ وبيـن فـي كـلام(ن) ثانـي=كـلام يحـلـي عتـمـة التعلـيـل
إذا صـار بيـن الجالسيـن مباحثـه=وتسائلـوا مـن بينـهـم تسئـيـل
إذا قايسـوا لفـلان وفـلان وزنهـم=معـلـوم مـاهـذا لــذاك عـديـل
أحـد أذا مـنـه حـكـم بفعـولـه=مـا للـردى فـي ماقفـه تدخـيـل
مثل القمـر فعلـه وهـو قـروا لـه=مالـه لقبسـات النـجـوم مثـيـل
واحـد إذا شافـوا فتايـش علومـه=قالـوا عسـى أم(ن) جابتـه تحيـل
حـي علـى الرملـه ومـيـت ودره=و أظـن كيـده صـار فـي تظليـل
دروب المراجـل يتعـبـن كثـيـرة=فيـهـا دروب معـجـزات تهـيـل
المرجلـه فـي كـل فعـل طـيـب=فعـل يصـيـر لصاحـبـه قنـديـل
أشر الحيـا والعقـل والحـق أمشـه=وعلـى حقـوق الـنـاس لاتعـيـل
من داس قدر الناس داسـوا كرامتـه=يجـيـه سـبـع نكـلـه تنكـيـل
بعض الرجال إذا حضر فـي مجلـس=جالـه بوسـط الصامتيـن صهيـل
ماهو صهيل حصان من زود السطـر=صهـيـل عـيـر شـايـل جلـيـل
متهـزي بالنـاس وهـو الـهـزوه=ولايختشـي مـن خبـقـه الزبـيـل
لو تنصحـه مايعتبـر فـي كلامـك=فيـه الهـبـال مخـيـم ومحـيـل
وبعض الرجال إذا حضـر فـزوا لـه=شوفـه شـرف ومشاهـده جمـيـل
إذا نشدتـه جـاك زيـن أعجـوبـه=مثـل الحليـب مقنّـد ٍ ٍ فـي هيـل
وان مانشـد خـلا كلامـه عـنـده=ولا يعتـرض للنـاس فـي سبـيـل
قصـر لسانـه مـن شكالـة رأسـه=والأ بــدرب المرجـلـه حلحـيـل
وترى كبيـر النفـس تكـره طينتـه=مـرد راعــي الكـبـر للتسفـيـل
إذا حصـل ثــور كبـيـر رأســه=يشـيـل كـبـر ولا وراه حصـيـل
إذا قعـد وسـط الـرجـال مزلـغـم=وهرجـه يرتـل هرجـتـه ترتـيـل
يغتـر فيـه الأجنبـي وأن شـافـه=واللـي يعرفونـه تــراه دحـيـل
ينوي منـاوي الحـر وهـو البومـه=يبـي يصيـر الـرأس وهـو الذيـل
الكـبـر لله واحـــد سبـحـانـه=معطـي العطايـا البـاري الجـزيـل
ترى الكذب عذروب الرجال وعارهـم=راعيـه لايجـزع مــن التفشـيـل
شاهـد علـى شـئ وهـو ماشافـه=ومصـور هــرج وهــو ماقـيـل
هــذاك بالدنـيـا كبـيـر عــاره=وبالأخـرة فـي حـامـي المللـيـل
راعـي الظليمـة ماتسـرك حـالـه=حتـى الشفاعـة عـنـه تستقـيـل
واللـي قتـل نفـس بغيـر السنـه=تــراه يـاقـع مثلـهـا قـتـيـل
وإن طال عمـره مـن قـرادة حظـه=حسابـه قـدم ماينـفـع التمهـيـل
قدمـه كـتـاب مايـغـر ويـوهـم=محصـل كــل العـمـل تحصـيـل
يـوم الحشـر كـل يـفـر كتـابـه=ومشكـل مافـعـل بــه تشكـيـل
أحد كتابـه فـي سقـر يرمـي بـه=و أحد علـى الجنـة معـه تحويـل
والله إذا مـنـه نــواك برحـمـه=نـزل علـيـك أسبابـهـا تنـزيـل
خـلاك فـي دنيـاك عبـد صـالـح=من رحمتـه مضفـي عليـك شليـل
إذا من ربـك عـاد لـك فـي نعمـه=وأنعـم علـيـك بـمـده الفضـيـل
أحرص من الطغيـان وأحفـظ مالـك=وعلـى اللـوازم لاتصيـر بخـيـل
أظهـر زكـاة المـال وأدّ حقـوقـه=أعـط الضعيـف وجنـب التسبـيـل
وترى العطا من غير حاجـة ضايـع=مثـل دفـق مـاء بالتـراب يسيـل
إذا صار معـروف الأثنيـن مماطـل=حـيـال والأ لــك وراه شـغـيـل
لايربح الطالب ولا أجر لمـن عطـى=بالبطـل مابيـن الأثنـيـن عـزيـل
ياراعـي النعـمـه تحـمـد ربــك=لا تحسـب أن اليـسـر مستطـيـل
لا تأمـن الدنـيـا تـراهـا مـغـره=هنـوف تعاشـر كـل وقـت خليـل
تفتـر بـيـن أقبالـهـا وقفايـهـا=فـر الهبـوب الصـلـف للتكـويـل
أحـد تزيـن لـه مـبـادئ وقـتـه=وأحـد عليـه بـلا خمـال تعـيـل
إن أقبلـت نـم حـدر جـذع نخلـه=وعليـك العثـوق المرطبـات تميـل
وأن أدبـرت لاتعتبـر فـي قـوتـك=لـو أن حيلـك مثـل حيـل الفـيـل
تـراك لـو أنـك شجـاع صـامـل=تصيـر مـن جـور الزمـان ثعيـل
وأصبر إذا مسك مـن الوقـت شـده=تــراه ماينـفـع كثـيـر الـويـل
والصبر موعـود بالأفـراج صاحبـه=ولا شــده الإ عقبـهـا تسهـيـل
ولاتفضي أسرارك على كـل صاحـب=إذا صـرت ممـا صايـبـك علـيـل
تغتر فـي رجـل(ن) قبـل تجروبـه=تخمـل عليـه بهقـوتـك تخمـيـل
وهو مايقـر العلـم بيـن ضلوعـه=الإ أن يـقـر الـدهـن بالغربـيـل
تـراه للعـدوان ينشـر سـرايـرك=والسـوء علمـه للمـعـادي تـيـل
بعـض رجـال الوقـت هـذا مغـره=والـي تومـنـه الـسـدود قلـيـل
أيضـاّّ إذا رابعـت رابــع طـيـب=كد بـأن فعلـه مثـل نجـم سهيـل
تـرى الرجـال يطالعـون قريـنـك=دايـم علـيـك عيونـهـم دربـيـل
إن مانجحـت بعينهـم مـن فعـلـك=وإلا حسبـت مـن الخمـام دويــل
خـذ النصيحـه ياشخـص والزمهـا=كملتـهـا باوصافـهـا تكـمـيـل
وإن كان ماتفهم عقب ماذكرت لـك.؟=تـراك حـيـوان غــداه قصـيـل
واليوم أنـا أطلـب خالقـي بالتوبـه=وإلا السـوالـف مالـهـا ظـويـل
يالله عـفـوك ياوسـيـع الرحـمـه=يـا لمايـن اللـي ماعليـك وكيـل
يارافـع الرايـات يالفـرد الصـمـد=تلطـف العبـد فــي ذراك دخـيـل
أطلبـك يامـولاي تسـمـح عـنـي=وإلا العـمـل ماينـمـدح بالحـيـل
ترى أبـن أدم لـو تطيـب أعمالـه=لازم ذنـوبـه يرجـحـن بالكـيـل
يالعبـد لاترهيـك طيـب أعمـالـك=تـراك فـي يـوم الحسـاب ذلـيـل
إن كـان ربـك مانعشـك برحـمـه=وإلا تـرى لـك منـزل فـي ويــل
يالعبـد لاتغويـك عجـات الصـبـا=وأن القـوي لازم يصـيـر هـزيـل
ترى طربة الدنيـا وعجـات الصبـا=أحــلام لـيـل مالـهـا ذبـيــل
ترى كل شئ(ن) له حساب وينتهـي=والعمـر يقضـي والزمـان طويـل
وإذا أعترفت بحالـة الكبـر والهـزل=توك تسنع عدلهـا والميـل.....؟؟؟؟
مسكين يامن فات وقته على الجهـل=وأبليس له فـي كـل وقـت عميـل
أبليـس غـر أدم بشيـن أعمـالـه=ليـن أظهـره مـن جنـةٍ ٍ ونخيـل
وأن تعتبـر باللـي مشـى قـدامـك=تــراه نــزال وأنــت رحـيـل
لاتحسـب أنـك يالفقـيـر معـمـر=والموت قبلك كم أخذ من جيـل...؟؟
المـوت ماخـلا الرسـول محـمـد=اللـي يجيـه الوحـي تالـي اليـل
والمـوت ماخـلا رجـال الطـاعـه=الأنـبـيـاء فـعـالـة الجـمـيـل
والمـوت ماخـلا رجـال الشجاعـة=كبـار الصحـون ومقحميـن الخيـل
تسدحوا حـدر الثـرى عقـب غيـره=توسـدوا عقـب الحـريـر نثـيـل
راحـوا مـن الدنيـا بقطعـة خامـه=وشـوى رمـل مـن جبـال رميـل
واللـي فعـل منهـم فعـول زيـنـه=بقـت سمعتـة والأ الحيـاة تـزيـل
المـوت ماخـلا خبيـثٍ ٍ وطـيـب=كـلٍ ٍ إذا جــت حـزتـه يشـيـل
هـذي منازلهـم وهـذي وسومهـم=حنـا بعـد فـي وسطـهـا نـزيـل
حياةٍ ٍ وراها الموت وش ينبغي بها.؟؟=عقـب العسـل شـرى وحنظلـيـل
شعيب عاش ألف عديد مـن الدهـر=وقبل أنتـزاع الـروح نشـد وسيـل
قالوا شبعت.؟ وقال كنـي داخـل.!!=مع هالباب وأجـري يـم ذاك هذيـل
وقارون مافكـه مـن المـوت مالـه=ولافـك عنتـر سيـفـه الصقـيـل
عندي خبـر بالعمـر مثـل العدولـه=يقضـي بهـا المعـدل مـن العديـل
يالله حـسـن الخاتـمـة يـاربـي=نهارنـا وســط اللـحـود نـزيـل
نهـار مقعـادي وحـيـدٍ ٍ لحـالـي=ولا صاحـب عـنـدي ولا خلـيـل
حطونـي الأحبـاب وأقفـوا عـنـي=وغـدا لهـم يـوم الفـراق عويـل
يالله تـأمـن وحشـتـي بالحـالـي=تمـن مخـافـة عـبـدك الذلـيـل
عـن حـر شمـس الأخـرة ياربـي=تظلـنـي فــي ظـلـك الظلـيـل
تمت وصلـى الله علـى سيـد المـلا=وتمـت وعمـر السامعيـن طـويـل[/poem]