الله يمسيكم بالخير الحقيقة اني مقصر معكم في المشاركات لكن اعذروني والله اني مرتبط با اشغال ومثلكم يقدر
وحبيت اشارك بهذي السالفة وعسى ان تعجبكم

ويقول الراوي:










الشاعر راشد بن حسن العجمي الملقب ( بالذيب ) كان يشتغل سوّاق في ارامكو وكانت أنظمة ارامكو تمنع السائقين أن يشيلو الطرقيه اللي يوقفون السواقين ويطلبونهم توصيلهم على طريقهم .. والشاعر راشد الله يرحمه كان يخالف التعليمات وكل هذا حيا فيه ومرجله وفي يوم من الأيام أشرت له عجوز ومعها حمار قالت وصلني يالأجودي قدام شوي قال ابشيلك بس الحمار .لا قالت له خلاص روح الله يستر عليك بيجي الذيب ويشيلني إن شاء الله تقصد راشد العجمي .. قال لها يا خاله أنا راشد الذيب .. اركبي وابشري بالخير .. وقيل انه توفي عام 1986م وهو في نجران وكان شايل معه شخص موصله إلى قرية في نجران وحصل عليهم حادث رحمه الله ..
وله في ذلك أبيات جميلة منها:



[poem=font="Simplified Arabic,4,black,normal,normal" bkcolor="white" bkimage="backgrounds/25.gif" border="outset,4,burlywood" type=0 line=0 align=center use=ex num="0,black"]
لالقيــــت اللي على السكة لحــــــــــاله يلتفت ويــــــقول وين الطيبيني
أوقف المـــــوتر حـــــيا وابغى الجماله يوم ولد الــــــلاش وجهه مايبيني
حالف مـــا آخذ على الطرقي ريـــــــاله بالثلاث مـــــــــحرم إنها ماتجيني
والـــــولد لاطــــاب طيبه من خـــــــواله والخوال تسال قبل الوالديني[/poem]

بيض الله وجهك يابن خزيم على الإضافه الرائعة..

وللأسف ذي الأيام اختلط الحابل بالنابل ماعاد تعرف الطيب من الردي..

والله إني مره تعطلت على خط وادي الدواسر في مقطعه الساعة 2 في الليل وساعتين أأشر وماحد وقف لي..

والله يرحم راشد العجمي ويرحم جميع أموات المسلمين..

ومشكور..


أخوك/ ناصر

__________________
الباب الاسود !!

ارررحب ياناصر

وما من قصور وانا اخوك يكفينا حضورك وطلتك علينا

وتسلم على سالفة الذيب والله يرحمه ان شالله

__________________

ابن خريم : من طول الغيبات جاب الغنايم .

يكفينا حضورك وانا اخوك .

لاهنت على السالفة والابيات الأكثر من رائعة ، وتحمل الكثير من معاني الوفاء التي اندثرت مع ابائنا واجدادنا ، الا من القليل والقليل جدا .


اكرر شكري لك يابن خريم ولا هنت

اخـــ السيف النادر ـــــوك

.

__________________
[frame="1 80"][poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يوم ان كل من عميله تبرا=حطيت الاجرب لي عميل مباري
نعم الرفيق الى سطا ثم جرا=يودع مناعير النشامى حباري[/poem]
الامام تركي بن عبد الله[/frame]

لاهنت ياناصر
وانت يافارس ؟ ناصر
والسيف النادر
ويعطيكم العافية

عشت والله ياابن خريم عشت
هذي سالفه ذربه وراعيها ذرب واللي نقلها لنا ذرب
يعطيك العافيه على المشاركه الجزله
اخوك
خالد

__________________
[frame="4 60"]لااله الاانت سبحانك اني كنت من الظالمين [/frame]