السلام عليكم ورحمة الله وبركاته ونعم بال عبود

__________________

طرفنا ورى تثليث غرب وربعنا
على الطارف الشرقي ورى ديرة الياسي
تغازوبها يوم العدا يرهبونها
على قاطعات البيد من كل عرماسي

والله اني كنت ابغى ارد لكن الاخوان كفوا ووفوا تقبل تحياتي

ابو خالد الجحدري

السلام عليكم

احيي فيك متابعتك وحرصك للموضوع
من ناحيتي انا شخصياص لا اود الخوض في هذه الامور وقد قلت سابقاً
انني لا ابحث عن اجابة ولكن للتوضيح فقط. علماً بانه متى ما تبين لي الصواب اخذت به
منك ومن غيرك وانا آخذ بكل وجهات النظر وبكل الاقوال حتى استدل بما تؤيده الحجج والبراهين.

اما وقد اوضحت انت وجهة نظرك وما ترى انه الصحيح فارحب بما تقول
واترك الحكم للقاريء والمتابع.
بل واعطي نفسي فرصة اخرى لمراجعة كل الاقوال وما يقوله الرواة والشعراء.


واختلاف وجهات النظر لا يعيب هذا الامر علينا والعلم الغانم عند احدنا كأنه لنا جميعاً.

__________________
مجموعة من صوري





مدونتي

إلى جميع الاخوان بعد التحية والسلام
الخطأ وارد من الجميع لكن حبيت أوضح لكم شي وهذي معلوماتي

أولاً اللي قال هذه القصيدة:

[poem=font="Simplified Arabic,4,crimson,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]
الله اعلم يانجمة البدوان = ياوين منزل ذيب ابن عبود .

ليلة تفرقنا من الخلجان =والعين تسهر كن بها عود .

ياراكب من عندنا شقران = حر ٍ أصيل ٍ بالرسن مشدود.

من الركا يسرح مع الاذان=والعصر مع خشم القويد يحود.

تلقى طوارفهم وراء كتمان = ما بين شوك وطلعة النفوذ .

سلّم على شيخ ٍ معه سلفان = إعداد ماهل المطر برعود.

حماية الشرفا من العدوان = ونعم ٍ بهم لازعزعوا مسعود.[/poem]القائل هو الشيخ الفارس عشق بن زيد بن شفلوت قالها بعد إن كان كان قصير للشيخ الفارس ذيب بن جعفر بن منيس بن عبود في الفرشة حول بيشة ورحل الشيخ عشق ابن شفلوت إلى نجد في وادي الركا ورحل الشيخ ذيب بن عبود إلى تثليث قام الشيخ عشق بن شفلوت وتذكر أيام القصرة بينه وبين الشيخ ذيب بن عبود وقال هذه القصيده.

اللي قال البيت الشعري :
[poem=font="Simplified Arabic,4,crimson,bold,normal" bkcolor="transparent" bkimage="backgrounds/1.gif" border="none,medium,gray" type=2 line=0 align=center use=ex num="0,black"]

يا مسوي الفنجال كثّر بهاره =عدّه على عروان واثنه لابو ذيب .

وعدّه على الشاوي متيه ابكاره =ضويحي يا شوق البني الرعابيب.[/poem] القائل هو الشاعرعبدالهادي بن شعواء آل سبعان الخنافر بعد وقعة عقيلان بين آل مسعود بقيادة الفارس جعفر بن منيس بن عبود ومعهم آل الجرو بقيادة الفارس ضويحي بن عبيدالله بن عريج ضد عتيبة بقيادة الفارس محمد بن هندي بن حميد .

والمقصود من [ عروان ] هو الفارس عروان بن منيشط آل جاهل آل مسعود.
والمقصود من [ ابو ذيب ] هو الفارس جعفر بن منيس بن عبود آل مسعود.
والمقصود من [ ضويحي ] هو الفارس ضويحي بن عبيدالله بن عريج آل الجرو .

على العموم أنا تطرقت للقصيدة في موضوع [ قحطان وعتيبة ] في قسم فرسان قبيلة قحطان


تقبلوا تحياتي ولكم مني جزيل الشكر.


أخوكم أبا الذموم.

__________________

الله يسعد مسائك اخوي ابو الذموم ..

تعقيب على ماذكرت ..

الواقعه على آل مسعود وموثقه بالقصائد وادله كثيره ..

ولو رجعت للتاريخ وراجعت الكتب والمرجعيات لأداره التصنيف لوجدت ان كلاامي صحيح مع العلم ان معلوماتي أخذها من شيبان تجاوزت اعمارهم المائه سنه وهم موجودون يعني اوثق من كتاب .. وفي ذالك الوقت اتوقع ان اكثر المغازي على قبائل محدوده والناس تعرفها من دون ما اذكرها .. لأن فيه شي تقدر تغطيه بس الشمس ماتغطيها بيدك يعني فيه اموور واضحه ما يتناقش عليها اثنين ..

اما الثلاثه الجذعان فهم اثنان اولاد ابن حميد والثالث خالهم ..

والي ذبحهم اثنين منهم ذبحوهم ال مسعود وواحد ذبحه الشاوي ...

وعلى العمووم كلنا فخر بقحطان .

الاخ الغالي حماي الشرفا أررررررررررررررررررررررررررررررحب

الله لايهينك على ماذكرت

وعلى فكره ترى ثلاثة الجذعان اللي من الحمده واجد ترى

به ثلاثة الجذعان اللي ذبحوهم الخنافر وهم من الحمده

وبه ثلاثة الجذعان اللي ذبحوهم آل مسعود وهم من الحمده

وبه ثلاثة الجذعان اللي ذبحوهم آل الجرو و وهم من الحمده وهم أبناء الشيخ محمد بن هندي بن حميد

ترى الاسماء تتشابه وما أقول إلاّ ونعم ٍ بالخنافر وآل مسعود وآل الجرو وما على قبايل قحطان زود في ذمتي إنهم وافين وافين وافين

أخوك أبا الذموم

__________________

سيل الرفايا
حسين آل حمدان
ابو خالد الجحدري
حماي الشرفا

أبا الذموم


بيض الله وجيهكم وما قصرتو وأن شاء الله أن السائل لقى الأجابه إللي يبيها


أبا الذموم

ثلاثة الجذعان غصب ً بلا من

هل هم اللي من الحمده اللي ذبحوهم آل الجرو عبيده ؟


حسب معلومتي أن الثلاثه ذبحو ثار في ذيب بن شالح واللي ذبحوهم آل الجرو


أرجو تصحيح معلوماتي



تحياتي للجميع

أخوكم
بن غفره

__________________



ممصمنا المبدع
تركي العلياني
ألف شكر لك

الأخ الغالي على قلبي والشاهد الله ابن غفره أرررررررررررررررررررررررررحب وحياك الله

بالنسبه لسؤالك عن من هو المقصود من ثلاثة الجذعان في بيت الشيخ شالح بن هدلان :

عاداتنا بالصيد ناخذ خياره ******************* ثلاثة الجذعان غصب ٍ بلا من

قيلت هذه الابيات بعد مقتل الشيخ عبيد بن تركي بن حميد على يد الفارس مبارك بن غنيم آل كليفيخ الخنافر وثلاثة الجذعان المقصود منهم ليسوا أبناء الشيخ محمد بن هندي بن حميد بل هم من الحمده قتلوا في مغزى بين الخنافر وعتيبه
أما ثلاثة الجذعان أبناء الشيخ محمد بن هندي بن حميد وهم الاول : [ بنيّه واسمه نايف ] والثاني : [ عمر ] والثالث : [ ذعار ] واللي ذبحهم آل الجرو عبيده في وقعة [ ابا الرخم ] و أيضاً قتل الفارس زيد بن مناحي الحشيشي من الروسان عتيبه .

الشاهد اللي يأكد كلامي إنه قبل هذه المعركة بفتره إن الفارس مبارك بن غنيم آل كليفيخ الخنافر ذبحوه عتيبه واللي ذبحه الفارس زيد بن مناحي الحشيشي من قبيلة الروسان من عتيبه ذبحه وهو قصير ٍ له وذبحه ثار ٍ لذبح الشيخ عبيد بن تركي بن حميد اللي ذبح على يد الفارس مبارك بن غنيم آل كليفيخ الخنافر
المهم إن الفارس زيد الحشيشي تضيّف عند آل الجرو عند الفارس ضويحي بن عبيد الله بن عريج وهو جالس ٍ عندهم يهايط عليهم العتيبي قام واحد ٍ من فرسان آل الجرو اسمه عجب الا سود عمه الفارس ضويحي بن عبيد الله بن عريج وقال :
يالحشيشي كيف تجلس عندنا وأنت ذابح ٍ ولد عمنا مبارك بن غنيم آل كليفيخ الخنافر وذبحته يالحشيشي وهو قصير ٍ لكم وهو في وجهك وذبحتوه بالغدر قام الحشيشي وقال : مهو انا اللي ذبحته
المهم كثر الكلام قال الحشيشي ياآل الجرو إن كاني اللي ذبحت مبارك بن غنيم فإن الله يطرحني بينكم و يوليكم ظهري لا أيد ٍ تمنع ولا رجل ٍ ترفع و إن كانكم ظالميني فإن الله يطرحكم بين أيدي ويوليني ظهوركم لا أيد ٍ تمنع ولا رجل ٍ ترفع قالو ا آمين
المهم إن الحشيشي ذبح ذاك اليوم واللي ذبحه الفارس عجب الاسود من آل الجرو

# نستنتج من الكلام اللي سبق إن ثلاثة الجذعان اللي يقصدهم الشيخ شالح بن هدلان في قصيدته بعد مقتل الشيخ عبيد بن تركي بن حميد على يد الفارس مبارك بن غنيم آل كليفيخ الخنافر هم من الحمده واللي ذبحهم الخنافر يقول شالح بن هدلان :

هذا ولكم مني جزيل الشكر

أخوك أبا الذموم

__________________

أبا الذموم ( الفارس المغوار )

متابع لك يالغالي في أي مكان



وما تغلي إلا من يغليك وتسلم يالذيب والله يطول عمرك على طاعته

وبيض الله وجهك على سرعة الرد وأنا كان عندي لبس واحمد الله أن الرجال اللي مثلك وشرواك متواجدين معنا عبر المجالس وغيرها ياكحيلان

أشكرك جزيل الشكر وأنت كنز معلومات لا يستغنى عنه


تقبل فائق أحترامي لشخصك الكريم


أخوك
بن غفره

__________________



ممصمنا المبدع
تركي العلياني
ألف شكر لك

مشكورين والصراحه اعجبتني الابيات باول المشاركه


تحيات اخيكم الزهيري المغترب