هذه القصيده قالها الشاعر الكبير هادي بن حفيش سنة 1398هـ ممتدحا فيها ابن عمه حمود الجهيمي اطال الله في عمره مع العلم اننا عرفنا من الشاعر انه لايقول الشعر الا في رجل يستحقه والشعر فيمن يستحقه فيه فخر واعتزاز للشاعر نفسه.




ياهل الونيت اللي جديد موديلــه
توه على التمرين ومن الوكاله


حوض حمر ويعد بالميل ميلــــه
جمس تنومس فزته واعتدالـه


في جوهره مثل الرهاف الصقيله
وراعيه ينظر في حديده خيالـه


ريضــوا ثواني والثوانــي قليلــه
ماتاخر العجــلان مـــما طراله


بعطيــــكم كتـــاب خفيـــف مشيله
بس اكتب العنوان فوق الرساله


اخذوا كتابـــي واكسبوبــي جميله
جميله يا كبـــرها مــن جمــاله


ولاجيتــــو المفرق بليــــا دليلـــه
اللي ورى الغطط مغيبه شمــاله


تيامنـــوا لــو هي عليــكم طويلـه
ومن لا صبر ماتارد الماء حباله


زودوا عليه الين يظــهر حصيله
تمرين وابواب الــفرج فــي قبـاله


وليــا ليفتــــوا دار مــن ينعنيلــه
دار تسمى ( جو ) ديــرة حمـــاله


تلقون بـــيت مايوصـــف مثيــــله
من رفع ســــاس البيت كنه لحاله


بيــــت وجيـــه الخير دايم تجــيله
من صكته ســـود الليالي عنا له


بيت الشرف مهوب يقصــر مقيله
وبيت الكـــرم مهوب يقصر ظلاله


بيت لغــــير (حـــمود )ما يستويـــله
اللي مــــع شيخان نجـــد مجـــاله


مــــن سمــــعته تعتز كل القبيــــلة
ومن سفرته كلــــن يعشي عياله


وإن جا على ربعه حـــمول ثقـــيله
وقف لهـــا بالمـــال وافدى بحــاله


وليـــا عطـــى يعطي عطايا جزيــله
تبهج ضمير اللي عنـــــا له وجا له


مـــــاهيب مدات الــــيدين البخيــــله
مدات قـــــوت ما وراهـــا جزالـــه


يابــــنت يالــــلي تنســـلين الجديلــــه
عليـــك بالـــلي مايحســــب ريالـــه


احــــــد ماله كــــــاســــب الفشـــــيله
واحد ضعيـــف مادريـــبه ومالـــه


واحـــد امــــاله كـــاســــــب النفــــــيله
ماحســــب اللي راح واللـــي بقـا له


هـــــذاك من ضــــيف الخـــــلا يحتسيله
مثل الجهــــــــيمي جعل يكثر حلاله


لعــــــــــــل مانعتــــــــــاظ غيره بديـــــله
لا هـــــو ولا اللي من عياله غداله


اقــــــــولها لــــله مــــــــــالي وسيـــــــــله
كون افتخــر بالطيب واهل الشكاله


صــــكــــوا علــــيه وسلـــــموه العديـــــله
والــــله يسمــــح دربكـــم بالسهاله

__________________

طهور ولابأس


ومايشوف شر أبوفهد

دعواتنا له دوماً بالشفاء العاجل

ويعود لأرض الوطن سالماً معافى

__________________

قصيدة سيف الشلاحي المطيري

ياجو ماجوك عقب شيخك بجو
مظلم ولو نورك يشع ونشوفه
جوك عتام وكن غاطيه من تو
عج من القبله يهب ويلوفه
شيخ تعلا فوق منهم تعلو
حر تعشا من مضارب كفوفه
لاقيل لي يابادع القاف منهو
رديت ماخبل من تجاهل وصوفه
مثل الجدي دليل من هم تاهو
له وقفة بالطيب دوم معروفه
هذا الجهيمي لو وأعوذ من لو
العمر يهدى له ماظنه حسوفه
لاباس ياشيخ على الساق حطو
بيض الجباير بالحديد محفوفه
عله طهور كل مامنه تشكو
ترجع وبيت الله برجلك تطوفه
وختامها ياسامع القول صلو
على نبي حطه الله مروفه



رد الشيخ راشد الجهيمي

ياطير ياللي حام في صافي الجو
سلم على الشلاح مكرم ضيوفه
يامرحبا ترحيبة الخير والنو
باللي نظمها والقواف معسوفه
شاعر يصوغ الحرف هو سيده هو
دكتور للمعنا وهو فيلسوفه
ابشرك عن شيخنا اليوم شالوا
الشاش والربطات تو محذوفه
من فضل ربي راح عن شايبي السو
اقدار ربي اللي علينا عطوفه
شيخن على الطالات ويشب له ضو
والطيب كله كاملات صنوفه
ربيع للمحتاج وان كانوا جاعوا
له مجلس فني وعنده مضوفه

__________________

بعد تماثله للشفاء التام وبعد انتهاء فتره النقاهة عاد الشيخ حمود الجهيمي يوم الخميس الماضي الى ارض الوطن

__________________

السلام عليكم ورحمة الله وبركاته
اولا نسال الله العلي العظيم ان يشفي الشيخ حمود وان يلبسه الصحة والعافيه
وبنسبة لكلمة ما يستاهل فيها محذور شرعي كما ذكرها الشيخ بن عثيمين رحمه الله