هذه قصيدة للشيخ والفارس المشهور/ قاسي بن عضيب العاصمي القحطاني

حصلت عليها من احدى المخطوطات القديمة ، وبالبحث للتأكد من هل سبق نشرها ام لا وجدت انه نشر بعض من ابياتها في احدى الصحف المحلية وليست كاملة.

وإليكم القصيدة كاملة.

[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يا سابقي رضعتك الفلو عشرين = لين انشخلتي مثل ظبي المسايل
وشاروا عليّ نعليك قلنا معيين = وعقب اللقاح العام نبغيك حايل
والى نعشت الراس بالحبل تعطين = راسك ولا نعتاض فيك البدايل
ابي ليا ما ارخيت انا الحبل تهوين = اهواي شيهان ربيب الخمايل
الله يجيرك من عيون الشياطين = وارجي من المولى عليك المهايل
على الحذايا والمسامير تاطين = واللاش ما هو عن جواده بسايل
اعطيك من البر النقي ما تشهين = والماء عليك ارهيه ويا العدايل
ويحلب لك اللي درها فيه تشفين = عثوا السنام اللي به الني طايل
من رعيها للقفر بين الحفيفين = بربعي مروية الغلب في الدبايل
"عواصم" بالهوش ماهم بعمسين = ضارين في هداتهم بالفصايل
الى اعتلينا شقص الآذان عجلين = بمصقلات تودع الراس مايل
الخيل نجعلها سواة الحراذين = بدهم العروق اللي تشق الوشايل
لا صاح صياح وحنا مغرين = والكون صوب اللي من البوش ذايل
والى لحقناهم بالاشناق مرخين = لازم يعود دقها والجلايل
يا سابقي مامثلك انتي تريحين = لاعدت بين "مطير" و"الاد وايل"
كم مرة عنا يشدون عجلين = "علوى" مسقين الحريب الغلايل
كاشوا خوالي و"الدواسر" مشكين = وراحت عليكم ياخجيما سحايل
قلته وانا من روس قوم سلاطين = قبيلتي قحطان خير القبايل[/poem]

ــــــــــــــــــــــــــــــــــــــــــ


ولكم خالص نحياتي

اخوكم/ ابن شديد ال مخثله

ارررررررررررحب يابن شديد تراحيب الحيا ..

حيه وحي ماجاب ..

جعل يمنآك ماتعطب يا القرم ..

وصح الله السان للشيخ والفارس / قاسي بن عضيب العاصمي مدد بلا عدد ..

جزل يا الذيب واختيارك جزل ..

تقبل مروري نفداك ..

أخوي إبن شديد ...

السلام عليكم ورحمة الله وبركاته .....

ليست هذه أولى مبادراتك ياكاسب المدح والطالات بيض الله وجهك وال حشر بيت كبير وفرسان وتاريخهم يبيض

الوجه وقصيدة على فعل شهادة حق ....

سلمت ودمت ولا تحرمنا من روائعك يارائع .......

__________________

ابي ليا ما ارخيت انا الحبل تهوين

اهواي شيهـان ربيـب الخمايـل

الله يجيرك من عيـون الشياطيـن

وارجي من المولى عليك المهايـل

يامال الجنه

الله يرحمه ويسكنه فسيح جناته

التاريخ ما فيه حيله

الله لا يهينك ويرحم والديك على النقل الحصري الدسم

تحياتي0000000000اخوك

__________________
[frame="7 80"]

صدق من قال يازين العلوم ان سلمت التكرار

وكذب من قال ترديد السوالف ما يسمجها

[/frame]

ارحب ترحيبه اقحطان ياالقرم

يامال الغنايم يابن شديد جعلنا مانعدمك

سباق على علوم المرجله والطيب لكنه ساسك الطيب يعيي الا بالطيب الله يطيب فيك وفي شيبان جابوك

وال حشر فعايلهم فرق بين العرب وربي مجملهم تو عدوهم كم من سربه كسروهم وكم من ديره رعوا قفرها ال عاصم قبل غيرهم

ومليون نعم بك وبهم

تبقا وتسلم يافلاح

ويمناك مايجيها العطب

وماعليك زود ياكحيلان


اشكرك كل الشكر على مرورك الكريم


لاعدمتك

أرحب يا ابن شديّد ..

بيّض الله وجهك يا ذيبان ..

وصح الله لسان الشيخ الفارس قاسي بن عضيب ..

ونعم بربعه الآد عاصم ..

لاهنت على الطرح الحصري والمميز ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

مرحبا يا ابو مبارك

وعليكم السلام ورحمة الله وبركاته

ووجهك ابيض وماعليك زود ياالقرم


اشكرك كل الشكر على مرور الكريم وشادتك التي اعتز بها لاعدمتك


خالص تحياتي وتقديري لشخصك الكريم

قلته وانا من روس قوم سلاطيـن
..........................قبيلتـي قحطـان خيـر القبـايـل

ارحب يابن شديد وبيض الله وجهك على الطرح الرائع

ورحم الله الشيخ قاسي بن جخدب بن عضيب رحمه واسعه وهذه القصيده قالها يوم نزحت ال عاصم شمال

وللمعلومية الكثير من الناس يحسبون قاسي من ال حشر وهو وال حشر عيال عم وليس منهم وكلهم من العضبه .

وتقبل مروري

__________________


http://www.qahtaan.com/works/up/get....fmnp1261962149

تسلم يمناك يابن شديد :
على هذه القصيدة للفارس قاسي بن عضيب يرحمه الله
فاْنت مميز في مواضيعك وبيض الله وجهك: