[poem=font="Simplified Arabic,6,black,bold,normal" bkcolor="transparent" bkimage="backgrounds/7.gif" border="inset,medium,gray" type=1 line=0 align=center use=ex num="0,black"]
وقوف الحر قدام الحرار ابماقفن مهتال = يبين قيمته لاصار ياخذها ويعطيها
على كتفه هقاوي لابتن له والحمول اثقال = ومن توه شيوخن فالشرف محدن يجاريها
وانا لاصرت في ذا الماقف اعصب غترتي فالحال = مدام ان الظفر ساعة صبر والعز قافيها
نخوني لابتي ياهاجسي وانا خبير اجزال = ليامن قلت حاجه قيل صح لسان راعيها
وانا بنخاك دام انك على الداعي تجي تختال =ابيك منك تجملني وربعي لاتخليها
الا يامرحباوسهلا تراحيب تساق اجلال =تزاحم من غلا الضيفان لضيفان نرهيها
تراحيب الحصان اللي جدوده مضرب الامثال =سوالفها معا الاجيال تشبعها وترويها
تراحيبن ليا حسبت هي المربح وراس المال = والا صرفت بنوك المرجله بالحيل تغليها
تراحيبن تبل الكبد منبعها يصب ازلال = والا من فاحت اطيب من زراق الجاو جاويها
تراحيبن سناها بارقن يشلع قنوف اخيال = وترعد راعد النوه ليا اصطكت مناشيها
عدد ما اردف وزبر وانثر من مزنته همال = والا من سالت اسيوله تحول عن مناصيها
هلا يامرحبا شيخان واعيان وقروم ارجال =وقبايل شرفونا ثمن الوالي مساعيها
على راس الفهد شيخ اقحطان الناقض الفتال = ورواس الدواير والمشايخ نفتخر فيها
هلا يامرحبا باسم ال يعلى والجبل مامال = ليامنها ازهمت باسمه يفز الها ويكفيها
وقفنا في حفل شيخن كسر غمده وقال وطال = والاقال اتعنى راسي فمد القوس باريها
وقف في ماقفه ماهمته وش قالت العذال = الين انه رجع باطماعة طول يناشيها
ابو امحمد نسل عل بن محي شيخن قديم افعال = ليا من قلت اخو زربه ثياب النعم تكسيها
وسيع العرف فكاك النشايب للعقد حلال = كريمن في ليال الشح من كفه سناويها
صميدع راس في وقت الجهاله ينطح العيال = كسر الاتراك باسيوفن عنوق الضد تلويها
رحمك الله ياشيخن نحت له فالزمن تمثال = فعولن في سنام المجد يبطي الوقت يمحيها
وذا اليوم ايتقدمنا على درب الوفا خيال = سعدنا ياسعدنا باول الدنيا وتاليها
تحت ظل المليك امعرب الاعمام والاخوال = ابومتعب عقيد القوم حاتمها وحاميها
وسلطان الكرم رمز الدفاع ان صك جالن جال = ولي العهد يالله تشافي آلامه وتبريها
ويبقى النايب الثاني ذرانا للحمل شيال = هو النايف عذاب اللي يرى الجره ويخطيها
ولا ننسى الامير اللي له ايمان الولا مرسال = هذا هو فيصل الخالد على العليا مقديها
عسى الله مايبدل ظلهم فوق العرب باظلال = ويجعلهم لنا ذخرن ليا ماانحاس صافيها
واختمها السلام ورحمة الله وارحبوا يا ارجال = تراحيب تغطي قاصر الكرمه وتوفيها [/poem]

صح للسانك اخوي روعه بارك الله فيك