صبحكم / مساكم الله بالخير

قصيده اعجبتني لشاعر صراحه اتابعه كثير الشاعر خالد القحطاني اللي اكن له في قلبي معزه وتقدير واجلال


(علاقة الزمن )


القصيده :





الكي ما ينفع الي ما حما كيه
يبطي وهو يونس الكيه بمعلاقه


مثل الي قدم يبي حسنه لقا سيه
وعلى ما مدت يمينه ذاق ما ذاقه


والناس لناس والاعمال بالنيه
وكلن على نيته تبين اخلاقه


لاكن في وقتنا خمسين بالميه
من نيته دايمن للخير سباقه


رجال ياكل ويوكلك اللحمه نيه
وابسط ما يفعل رفيقه يكشف اوراقه


يقفاه بعلوم مكشوفه ومخفيه
ويجيك يمحق سعوه من تمحاقه


من كثر ماشاف منه ترقل اللحيه
لاعاد يطيقه ولا حتى الصبر طاقه


يذبح ويصلخ ويلعن ميته وحيه
واجي مدرعم كذى من الباب لطاقه


اتشب وما تصبح الا وانت في هيه
تنشب ومالك جمل فيها ولا ناقه


ولا جيت بكره لا هو وياه فالفيه
ما كنه امس يتحلطم يبغي فراقه


لاكن اظن البلا والسم في الحيه
وحجلان ما يتبع الا درب خناقه


رجال يمشي بلا عزه وغاريه
احسن له يشل ولا ينبتر ساقه


عشان يسلم من الروحات والجيه
ويلقا بدال الاهانه رفق وشفاقه


يومن طرات الرجل نفسه غناويه
ويشوم ما يلتفت في كلمة العاقه


ورجله من اهل الردا والخبث مثنيه
وما تنحني هامته الا لخلاقه


لله الاعمال مجهودات فرديه
وكلن ورزقه وربي قسم ارزاقه


ومن يشكر الله تقبل له دعاويه
بارزق والروح للاموات لحاقه


واعلم ترا النفس ماموره ومنهيه
والراس لا طال شفت الصبح حلاقه


اصبر ويجيك الخبر شويه شويه
وراعي الدبش ما نفعه مقابل نياقه


ما ينفع الا العمل بصادق النيه
وكلن على نيته تبين اخلاقه






للشاعر الكبير / خالد القحطاني

ارررحب يا ناصر والله اني صادق ..

قيصده جزززززززله وموضوعها في الصمييييم ..

ماني مستغرب منك ذا القصايد الهادفه يا الذيب ..

صح الله السانك والسان خالد مدد بلا عدد ..

تقبل مروري نفداك ..

دمت لمحبك يا القررررررم..

__________________

صح لسان القايل والناقل


رائعه من خالد القحطاني


لاهنت يالقرم

فلاح ارحب الله حيه انورت القصيده بمرورك فديتك لاهنت طال عمرك

صح بدنك اخوي ابراهيم لاهنت بارك الله فيك

أخوي ناصر الله يصح لسانك ولسانه عادتك على الفرايد الجميله لاعدمناك ...

__________________

لاهنت اخوي سفر بارك الله فيك وفي حضورك طال عمرك تلاميذ حنا عندكم ويكفيني فخر اني اتعلم من قحطان وعلى راسهم ابن حمري