السلام عليكم ورحمة الله وبركاته .... اسعدالله كل منكم على وقته ان كانه صباح فيصبح وان كانه مساء فيمسي على خير

ولا اطيل عليكم هذي قصيدة للشاعر طايل الذويبي جمعت بين الجزاله وقوة القاف ومزجها بالتكلم عن مشكلة اجتماعيه فاليكم القصيدة :


يالله يامروي الفيـاض المعاطيـش
مروي ضماها من صدوق المناشـي
من وابلٍِ صادق بروقـه مراهيـش
وبلٍ علـى نبتـه تزيـن التماشـي
ياعالـم الأجـال والخاتمـه ويـش
ياكافـل أرزاق البشـر والمواشـي
تجعل لنا توبه بعـد حالـة الطيـش
قبـل الممـات وحـزة الإرتعاشـي
ومن بعد مطلوب الولي نبتدي بيش
إمـا جزالـة شعـر وإلا بـلاشـي
سـلام ياحـرٍ شهـر بالمطاريـش
حرٍ على فعـل المواجيـب ناشـي
يكفخ ولا يرضى المذله ليـا نيـش
يموت مايرضـى الكرامـه تناشـي
تفخر هوازن كل ما قالـوا تعيـش
شاعر وفي شعره يزيـد إندهاشـي
هذاك أبو نواف في مقـدم الجيـش
لو إنه ابعـد مـن ديـار النجاشـي
حرٍ ليا جاء لازمه ينهـض الريـش
تاريـخ مايمحـاه حاقـد وواشـي
يطري عليه لاغشى الجو تشويـش
وقامت همومي تدرج وسط جاشـي
وقول إله في القلب مثل المناقيـش
ومن ما تشوف العين زاد إرتباشـي
أشوف ناسٍ همهـا لقمـة العيـش
ناسٍ تبيـع الـدم الاحمـر بلاشـي
اللي لهـرج أم الخلاخـل دراويـش
وإن قلت ربعك قال ربعـي معاشـي
ضاعت ملازيم العيـال المداغيـش
ياحيف وين أهل النفوس الهشاشـي
اللي لهم ميقـاف ليـل ومغابيـش
وميقاف لا قالوا طريـح الفراشـي
جاء عقبهم قوم الحيل والبخاشيـش
أطيبهم اللي في المراجـل دباشـي
هذا سمين العلـم والسالفـه ويـش
وش حيلتي في أهل القلوب الغشاشي
وختامها صلوا على صفوة قريـش
عـداد ماهلـت صـدوق المناشـي

__________________
يـــا عويـــنــــه يحـســب ان قــد ذا جـــدانـــــا ,,,,

مــادرى ان عـــســـر الـحــديــد الــنــا يــلــيـــنــا ,,,,

لاهنت
يعطيك العافيه

اخوي عبدالله جزل ولاتجيب لأالجزل صح لسانك ولسان الشاعر قصيدة معبره............

__________________

خالد مرحبا بك وشاكر مرورك

__________________
يـــا عويـــنــــه يحـســب ان قــد ذا جـــدانـــــا ,,,,

مــادرى ان عـــســـر الـحــديــد الــنــا يــلــيـــنــا ,,,,

ابو فيصل مرحباااااااا ملاااااااااااايين والله لا يهينك وشاكر مرورك

__________________
يـــا عويـــنــــه يحـســب ان قــد ذا جـــدانـــــا ,,,,

مــادرى ان عـــســـر الـحــديــد الــنــا يــلــيـــنــا ,,,,

صح الله لسانك

اررررررررررررحب يا سلطان نجد والله يحييك وشاكر لك المروور

__________________
يـــا عويـــنــــه يحـســب ان قــد ذا جـــدانـــــا ,,,,

مــادرى ان عـــســـر الـحــديــد الــنــا يــلــيـــنــا ,,,,