رحم الله الشيخ مسعود ابن شري

والقصه الحقيقيه هي كما اوردها ---- الاخ جعفر ابن شري

والقصه هذه مشهوره ومعروفه ---- وسمعتها من شيبان ثقات من الخنافر --- ومن بعض شيبان عبيده

وانا اشره على بعض الاخوه اللي يقولون اسطوره او خرافه

ففي جيلنا الحالي تعتبر عند الشباب وانصاف الشباب خرافه ---- لانهم عايشين على افلام الكراتين الخرافيه

والبلاي ستيشن

هؤلاء الابطال ليس في الجيل الحاضر من هو في مستواهم من حيث -- الشجاعه-- والكرم--والشهامه

وانا اجزم بأن الواحد منهم يساوي الف من رجال اليوم

اتركوا هؤلاء الابطال -- فتاريخهم معروف في الجزيره العربيه ---- وليس عند بعض اطفال الانترنت

السلام عليكم ورحمة الله وبركاته
أسعد الله أن في قحطان ألف من ضرب أبن شري
أبوعشق000

بسم الله الرحمن الرحيم السلام عليكم ورحمة الله وبركاته
القصة حقيقية ووالله ماودي انها تذكر لأنها تثير النعرات وليس لها داعي وقحطان حتى الأجانب العجم يعرفون قحطان ويعرفون نخوتهم العربية الأصيله فما بالك بالقبائل العربية الا من يجحد ومايجحد الا الفسل اللي قد اندق خشمه والقصة مامعناها أن آل قويد انهم هينين والله وسبعين نعم بهم وبالدواسر والقصة ناقصة مع احترامي للأخوان وفيه واحد هاجري له طرف أساسي في القصة على العموم ماودنا مثل ذي القصص تكرر ماهو علشان شي بس قحطان شامخة وعلومهم غانمة ولا على القبايل زود




أخوكم:

__________________
يالله إنـي طالبـك عـفـو وغـفـران وسـمـاح = ياللذي تجزي علـى الحسنـه بعشـر أمثالهـا
هـذي الدنـيـا ماتـسـوى لا تـعـب ولا كـفـاح = دام مـاهـي دار خـلـد لـيـه أنــا أتعـنـى لـهـا
عيشتى عيشـت غريـب وادع الغربـه وراح= أو كـمـا عـابـر سبـيـل دوم يـشــد رحـالـهـا
أو كما تايـه بصحـراء مالقـى شربـت قـراح = أو كمـا إللـي تحـت شـجـرة نـاعـم بظلالـهـا
كلـهـا أيــام وليـالـي ثــم قـالـوا فـــلان راح=أخـذه المـوت وحياتـه غــاب نــور هلالـهـا

الشاعر محمد بن مزهر الرفيدي

بسم الله الرحمن الرحيم وبه نستعين
نعم انا مع اخوى العز يز .. ابو مسفر القحطاني القصه في طرفها ها جري .. وحرمه اللي دلت احدى اسرى ال قويد عند ابن شري على نسيبه الهاجري ..والقصه حقيقيه ولا غبار عليها..
يا جماعه هذا تا ريخ مايرحم ..ثمن جميع منتديات القبائل تكتب عن قبيله قحطان من اجابيات وسلبيات..
وشكرا للجميع

السلام عليكم ورحمة الله وبركاته :
والله ونعم في الشيخ ابن شري شيخ المسارده
الله يرحمه ويسكنه فسيح جناته .

الف شكر للاخ ابن الارق والمشبهاني


على الايضاح الجميييييييييييييييييل



الا انني ارى ان الاخ عطر الرياض لم يظهر

__________________
« اللهم كما أحسنت خَلقي فحسن خُلقي »

أولاً اشكر اخوي عطر الرياض على هذه المشاركه اللتي يسائل فيها عن قصة مسعود بن شري وصديقه الخنفري ابن طلحاب وهذي قصه ماهي بترفع روس قبيلة المسارده وال شري وبس بل ترفع روس قحطان ( عيال الشايب ) كلهم
والقصه هي حسب ما سمعت من شيبانا والله اعلم :-
ان مسعود ابن شري كان في ديرة الدواسر ضيف عندهم وعزموه يوم من الايام على الغداء وكان له صديق خنفري يقال له ابن طلحاب ويوم دخل مسعود بن شري على الدواسر الا والله صديقه ابن طلحاب معلق في عمود البيت ومشقوق جنبه الايمن ومطلعين كليته اليمنى وشاقين جنبه الايسر ومطلعين كليته اليسرى وقام ابن طلحاب يزهم مسعود ابن شري تكفى يامسعود ..... تكفى يابن شري ..... ؟ قال مسعود يابن طلحاب والله لو اني بدري اني لافكيتك انك بتحيا والله لافكك اليوم لاكن انت ميت ميت لاكن والله لاخذ فيك من الدواسر 100 رجال وفعلا راح من عندهم وكل مواجهه له دوسري ذبحه حتى انه اسر مجموعه من الدواسر وقام وذبح منهم 3 والباقي خلاهم احيا وقطع روسهم وقال لزوجته حطي روسهم اثاثي للقدر حتى ايشوفون ربعهم ماشفت في رفيق عمري ابن طلحاب وقامت زوجته وحطت رووس الرياجيل اثاثي للقدر حتى ان اخويا الدواسر المقيدين يسمعون عيون اخوياهم يوم تفقع من حر النار وعلى هذا الحال مسعود ابن شري صال وجال في الدواسر اللين ذبح منهم 99 لحيه ويوم قرب ايموت وصى عياله انه ذبح 99 وباقي غلاق ال 100 فقاموا اعياله بتكملة الميه بر بدين ابوهم وزادو عليها حوالي 9 وهذي قصة مسعود ابن شري حسب ماسمعنا من شيبانا
وسامحوني على الاطاله عليكم .......................... وانتظر ردودكم

__________________

مشكورين على تبيين القصه لنا وبيض الله وجيهكم

السلام عليكم ورحمة الله وبركاته


ارحب ياجعفر بن شري .وبيض الله وجهك وجمل الله حالك على السالفه.

اخوي انت من احفاد مسعود بن شري ممكن توضح لنا دور الها جري في هاذي القصه نسمع من كبارنا ان في

طرف السا لفه هاجري هل هاذا صحيح؟ وشكرا للجميع

سلمتوا على التوضيح جماعة الخير لا هنتوا ....

يعطيكم العافيه و ما قصرتوا ...