خالد الجروي00الضيقه

[poem=font="Simplified Arabic,5,red,bold,normal" bkcolor="transparent" bkimage="" border="none,medium,red" type=1 line=0 align=center use=ex num="0,black"]
الضيقه ألي ساعتن بعد ساعه=تسكن خفوقن من هوا الريم مجروح
يارد على عد النكد والمجاعه=ويصدر أو دلوه هماجن أومشحوح
لو الوصل رجلن يجي بالشجاعه=سقت القدم ما هبت خوفي على الروح
ابغيه مالي في سواته طماعه=شوفه يراودني بصمتي على البوح
كاسي من أوصاله ملته القناعه=أوكاسي من فراقه أمفرغ أو مبحوح
شوفه دوا جرحن بلته القلاعه=قدله ثلاث أسنين أمن الحب مذبوح
في داخله نارن أتوقد أنخاعه=والقلب ضامي في رجا برقن أيلوح
والوصل لو طول قفته القطاعه=أو كم راح من خيب أوكم راح طحطوح
الموت واحد والمنايا أبساعه=لا حل يومك فراقة جسمك الروح
حكم القدر يمشي ولابه شفاعه=وأرزاق دنيانا فراشة على ضوح
أفلان يشكي زايداتن أوجاعه=أيفوح قلبه من لهب لوعته فوح
وفلان مبحر في سفينة ضياعه=سفينتن قبطانها ترثه نوح
وفلان ناصب للمذله أشراعه=دربه عوج ما يسلكه كود مفضوح
العز متداول سوات البضاعه=بريال تبنى صروح و تزعزع صروح
أو لا أحدن على شفه يبرمج أطباعه=تبقى دلال العز ببهارها أتفوح
أوتبقى الضباع الخرص ترث أضباعه=أو لا تمطر الغيمه بلا بارق أو لوح
والشاعر المبدع يضيع أبداعه=لامن جلس في طرقه يجيك ويروح
وأنا بحر شعري تسيدت قاعه=أو طرقة طرقن هايبه كل مطفوح
عوصا القوافي تحتفي لي بطاعه=ماهي بلا عوبا ولاهي بجموح [/poem]

اخي خالد حياك الله
قصيده جزله وفيهاعبروفوائد اعجبني البيت هذا

حكم القـدر يمشـي ولابـه شفاعـه
وأرزاق دنيانا فراشـة علـى ضـوح

سلمت يداك
ولك تحيتي وتقديري

جعلك تسلم ومشكور على المرور والكلام الجزل وبيض الله وجهك

انا وعدتكم بردي على السبيعي والمعذره والله حاولة انشره اكثر من مره وما قبل معي لان القصيده طويله ورجعت انشره في منتدى الفويلق