هذي المحاوره جرت بين الشاعرين بوش بن بوش وتوني بلير
حيث جاء بلير الى امريكيا لحضور الؤتمر الثنائي مع بوش ,وعندما دخل على بوش في صالة الاجتماع بدأ بهذه المحاوره وقام بوش بالرد عليه فورا,,,,,,,,,,,,,,,,
[size="6"]بلير:
الله لا يجزاك بالخير يابوش ^ورطتنا في حرب صدام ورطه
عزمتني وتقول بترول وقروش^بس الحقبقه روحتي معك غلطه
بوش:
يا بلير رد العلم عن بوش بن بوش^الله خلقنا للمقاريد سلطه
وابوي عنده للرجاجيل دنبوش^كم واحد شلنا فلوسه ونفطه
بلير:
ابوك والنعمين مير انت مربوش^تموت بالبترول وتحب شفطه
صحيح عندك مال وسلاح وجيوش^مير اتوقع لك تدهور وسقطه
بوش:
يا بلير كانك خفت يوم احتمى الهوش^حرام ما تاخذ من النفط نقطه
مثلك ترى شيراك قد راح مكروش^شوفه يصرح كل يوم بمحطه
بلير:
وراك ما تعطي شيراك عرموش^ترا مشغلنا بشيله وحطه
وليا انتهى موضوعنا نرسل طروش^ونجمع المبلغ من الربع قطه
بوش:
شيراك هذا عنده الفكر مغشوش^فرط علي في مجلس الامن فرطه
يدزه اليابان والصين ويطوش^ومجهز الفيتو لتحقيق شرطه
بلير:
يابوش انا مرهق وخايف ومدهوش^وانته تقول الحرب خدعه وخطه
اسراي واسراك امتلأ منهم الحوش^عزالله انه صابني منك جلطه
بوش:
ماقلت لك كم فيه اذاعات ودشوش^لا تكشف المعنى وانا اقول غطه
وان قالو إنا علوج واصحابنا جحوش^ماهمنا الصحاف واللي يحطه


اعجبتني هذه المحاورة ونقلتها

منقول

__________________
ربعي حباب وصيتهم من يطولة .......... أمعشية عزام ذربين الأفعال

لاهنت يا /بن عشان

ولكن منهو قائلها ...والحفيقة انها جميلة مرة ,,ولها معانى واهداف كبيرة ...

شكرا الف الف ....!!!

__________________
يا الله طلبتك دلنى كلمة المعروف .........حياتى لك يا عالم تالى قدرها

ههههههههههههههههههه...


بوش هو شاعر يالربع؟؟

__________________
اضغط هنا لزيارة مواضيع محمد آل سويدان


.الساعه درجة الحراره.

V

عدد زوار مواضيعي
V