مساكم الله بالخير.......

زينة المجلس...يكون فيه واحدٍ حكواتي...( مكلماني )....يعني يسولف، مايهم تكون سواليفه صدق والا تصنيف من عنده ...أو سامعها من غيره...ويرويها .
ولو كانت كذب( حكي مصفصف )...تعتمد على اللّي يتكلم...واسلوبه في سرد السالفة .
...واهل السوالف هذي...منهم من يكذب ويعتقد انك ما تدري .
ومنهم من يكذب ويدري انّك تدري بس ( ما جاب خبرك ) .
من ضمن السوالف اللي صاحبها يدري انها كذبة ...ويدري انك تدري ...
( وش دراك انها كذبة....قال من كبرها )
....يقول...
==================================
مرة طلعت للبر...وابعدت عن الزفت...ومعي جمس....وانا امشي ما دريت الا والموتر يناتع...ويطفي بي وانا في بر....ما حولي أحد .
...حولت والتفتّ يمين ويســـار....ما حولي أحد .
...وانا ظر الموتر وش فيه ...اثر البنزيـــم....قاضي ...والأمبير خربان .
...وش السوات...ياربي .
....واقعد اهوجس...والى هاك الورير...كل ماله ويقرب....والاه طيارةٍ مارةٍ من فوقي .
...وانا اللي أطمر من غير راي....وآخذ بندقي من الغمارة ..الخرازة....وأسميّ بالله...واتويقع في تانكي البنزيم....وأثوّر!!!!!!!!!!!!!!!!!!!!!
....وانقز للصندوق وآخذ هاك السطل والحق الطيارة....واتلقى البزيم...الين امتلى السطل!!!!!!!!!!!!!!
....ويلهمني ربي....وآخذ علكٍ معي وأحطــّه في البندق...واتويقع في خفس البنزيم....واعطيها اياه ....يوم انسدّ .
....واجي لموتري...واحقنه...وأشغله وامشي....لا دروا عني وش سويت...وهم ما جاهم مني ضرر !!!!!!!!!!!