[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=1 align=center use=ex num="0,black"]
في تمام الساعه الرابعه وأربـع دقايـق = من مسا يوم الخميس الموافق ست طعش

شفـت لـي زولٍ مـن الطاقـه يوايـق = وارتبشت وعرش قلبي تزلـزل وارتعـش

غير ساعة شافني من عقب ما كان يتهايق = صك باب النافذه واختفـا عنـي وخـش

وان شكيت بحب منهو على الخفرات فايق = بالجمال وعينه اللي كما عيـن الوحـش

في حياتي ما بعد شفت مثلـه فالخلايـق = كامل الأوصاف والعمر بس أربع طعـش

لو يشوفه ريسٍ عنـد توقيـع الوثايـق = اختلف ثم طاح منه القلـم ثـم ارتبـش

وان نظر به واحدن خاطره بالهم ضايـق = انشرح صدره وقلبـه تنعنـش وانتعـش

اشهد إنه ولّع القلب وأشعل بـه حرايـق = وان بغيت اجيه لدرب من دونـه عتـش

صرت بس أقابل الباب وأرعى للطوايـق = فالضحى والظهر والعصر وغروب وغبش[/poem]




المعلقة ..

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=1 align=center use=ex num="0,black"]
يـقــول الـلــي بـرســم القـافـيـات=يصوغ القاف صـوغ مجوهـرات
إلــى مـنـه بـغــا نـظــم القـصـيـد=فـــلا يـخـتـار غــيــر الـطـيـبـات
تـنـقـا مـــن نـظـيـفـات الـلـحــون=علـى كيـفـه مــن الـقـاف كلـمـات
محـاريـف القـوافـي لــو تعـصـت=أصخرهـا ولــو هــي عاصـيـات
تـخـيـرت الـكــلام الــلــي يـفـيــد=وجـنــبــت الـعــلــوم الـتـافـهــات
وأنــا قـاسـيـت شـــدات الـزمــان=وذقـــت أمــرارهــا والـحـالـيـات
ومـن قاسـى علـى الدنـيـا شـدايـد=يـفـيـد ويستـفـيـد مـــن الـحـيــات
وأنــا مـانـي بـقـول انــي خـبـيـر=ولانـــي بـــا ادعـــي بـمـقــولات
درسـت مـن المعرفـه مــا تيـسـر=وصرت اعرف علوم ٍ موجـزات
وعشـت مــن الحـيـاة الله واعـلـم=عن اللـي مـن سنيـن العمـر فـات
عـرفـت اطــوار نـيـات الـرجـال=وشـفـت اسـرارهــا المتخـالـفـات
ومـيـزت الرفـيـع مــن الـوضـيـع=وقـلــت الـحــق والـعـلـم الـثـبـات
ترى في الناس من يجلى الهمـوم=عــن المضـيـوم عـنــد النـايـبـات
يسـد الـنـوب مــن كــل النـواحـي=ويــركــي لـلـحـمـول الـكـايــدات
عـزيـز النـفـس لــو مـالـه قـلـيـل=ايـديـنــه بـالـوفــا مـسـتـاصــلات
عـزيـز النـفـس لــو مـالـه قـلـيـل=احــبــالـــه لــلــمــكــارم واردات
عـزيـز النـفـس لــو مـالـه قـلـيـل=اشـبــوره لـلـمـراجـل طــايــلات
ولا ظنـيـت بـــه ظـــن ٍ بـطـيـب=تشـوف رســوم ظـنـك راسـيـات
وليـمـنـك نـخـيـتـه فــــي لــــزوم=بـذل لـك فـي قـضـاه المعـجـزات
وليمـنـك نصيـتـه وأنــت ضـيـف=يـقــوم لـــك بجـمـيـع الـواجـبـات
وفـيـهـم مـــن يـزيــد الـهــم غـــم=ولا يـنـطـح وجـيــه الـمـكـرمـات
واضعيـف النفـس لـو مالـه كثيـر=ســواً بــه فــي حيـاتـه والمـمـات
واضعيـف النفـس لـو مالـه كثيـر=عـن الطـولـه شـبـوره قـاصـرات
واضعيـف النفـس نـذل ٍ مـا يفـيـد=وجــــوده والــعــدم مـتـسـاويـات
بـخـيـل ٍ فــــوق دنــيــاه وذلــيــل=وعـن الامجـاد طبـوعـه شــاذات
يقـولـه واحــد ٍ جـــرب وشـــاف=وصـار يـقـول عـقـب التجـربـات
عـلـى قــول الــذي بالـقـول فــاز=سبقنـي فـي العصـور الماضيـات
جـــزا الله الـشـدايـد كـــل خـيــر=عـرفـت بـهـا الـقـدا والمخطـيـات
وعرفت بهـا العـدو مـن الصديـق=جــزاهــا الله عــنــي بـحـسـنـات
فـيـا سـامـع كـلامـي لـــك عـلــي=نـصـايـح كـالـجـواهـر غـالـيــات
ولا اريــد الـجـزا إلا مــن الـهـي=ثــــواب الله خــيــر الـجــايــزات
علـيـك بـطـاعـة الله ذو الـجــلال=الــــه الــكـــون رب الـكـايـنــات
جليـل الملـك ذو العـرش العظـيـم=ومــن الافــلاك بـامـره دايـــرات
مغيـث المستغيـث إلـيـا استـغـاث=وقــهــار الـجـبـابــرة الـطــغــات
ولــي الأمــر عـالــم كـــل شـــي=ولا تـخـفــى عـلـيــه الـخـافـيـات
مـحــب الـعـفـو غـفــار الـذنــوب=ولـه حسنـات الاسمـا والصـفـات
وسـيـع الحـلـم رحـمــن ٍ رحـيــم=وعــفــوه واســـــع ٍ لـلـمـغـفـرات
وهـو معبـودنـا المحـيـي الممـيـت=وعـلــم الـفـقـر بـيــده والـغـنــات
علـيـك بطاعـتـه فــي كــل حـيـن=وقــم لــه بالـفـروض الـلازمــات
شـهـادتـك وصـلاتــك والـصـيــام=وحـــج الـبـيـت واداي الــزكــات
وبــر الوالـديـن احــرص عـلـيـه=وفـعــل الـبـاقـيـات الـصـالـحـات
وقل معـروف وأنـه عـن المناكـر=واتــق ذنــب رجــم المحصـنـات
ولا تـنــقــل كـــــلام ٍ بالـنـمـيـمـه=وتظـلـم لـــك نـفــوس ٍ غـافــلات
تـرى المولـى عـن العـالـم غـنـي=ومــن طـاعــه يـنــال الأمـنـيـات
كـريـم ٍ لا عـطــا مـاهــو بـخـيـل=ومــداتـــه جـــــزال ٍ وافـــيـــات
ليـا مـنـه عـطـى جــزل العطـايـا=وهـو حــلال صـعـب المشـكـلات
تــراه الـلـي لـيـا ضـاقـت علـيـك=يـفـرجـهـا مـجــيــب الــدعـــوات
مــزيــل الــهـــم رزاق ٍ مـعــيــن=عـلـى خـلـقـه عـيـونـه مـرقـبـات
عظـيـم الـشـان حــي ٍ لا يـمـوت=مــديـــم ٍ والـخــلايــق فـانــيــات
وكـن مستامـن ٍ بـه وامـش وامـن=والاقــــدار بـفـلـكـهـا مـاشــيــات
ولا تـحــزن وعـانــد كـــل هــــم=ولا بـــــد الـشــدايــد زايــــــلات
ولا شــفــت المـحـقـريـه بــديــره=فـلـرض الله فـجــوج ٍ واسـعــات
بــدل دار ٍ جـفـاك الـلـي سكـنـهـا=اتـحـصـل لـــك ديـــار ٍ ثـانـيـات
فحـثّ الرجـل وارحــل لا تبـالـي=ولا تـبـقـى عــزومــك فــاتــرات
ودسّ بالرجـل غـبـات المخـاطـر=ولا تحسـب احسـاب مخـاطـرات
فـلا يجـري لـك الا مـا كتـب لـك=ولا يــاقــاك عــنــه مــحــاذرات
وهاجـر عـن ديـار الــذل تـربـح=وســافــر لـلــديــار الـنــازحــات
تـرى الاسـفـار سـجـات وغنـايـم=وكــــم لـلـبــال فـيـهــا تـسـلـيـات
تــرى الاسـفــار للـعـاقـل مـفـيـده=تفـيـدك مـــن جـمـيـع النـاحـيـات
تـعــرفــك الــرجـــال الـطـيـبـيـن=ذوي ســـاس الـعـلـوم الغـانـمـات
وتجـعـل هـمـة اعـزومــك قـويــه=وتعـطـيـك الـــدروس الـكـافـيـات
وفيـهـا للمـعـاش احـسـن وسـيـلـه=وفـيـهــا للـنـصـيـب مـصـادفــات
وسـجـات الـنـفّـس فـيـهـا وفـيـهـا=لعمـر المـرء فـي الدنـيـا طــرات
تحـرك فـي فـجـوج الله الوسيـعـه=يجيـك الـرزق مـن كـل الجـهـات
ولا تـرضـى الكسـافـه والمهـونـه=تشـوف مــن المعـاديـن الشـمـات
وتـرى عمـر الفتـى ماهـو بـدايـم=وتـرى آجـال النـفـوس مـحـددات
ونـيـل المـجـد فــي قـــوة الإراده=وطـــلاب المـعـالـي مـــا يــبــات
يــدوّر للـعـلا لـــو كـــان يـتـعـب=وعيـونـه فــي طلبـهـا سـاهــرات
فــــلا تـغـتــر بـالـنــوم الـعـمـيـق=تــراه يضيـعـك عـمــق الـسـبـات
تغـانـم دام لــك قــدر إستـطـاعـه=ومـا دام الـفـرّص لــك سانـحـات
وليمـنـك بـذلــت الـجـهـد فـاعـلـم=تــرى ارزاق الـعـبـاد امـقــدرات
فـكــن صـابــر واقـنــع بالـمـقـدَرْ=ولا تـنـدم عـلـى مــا كــان فــات
تــرى الارزاق مــا تـاتـي بـقــوه=ودنـيـانـا تـراهــا خــــذّ وهــــات
ورزق الحي مضمـون ٍ وجـاري=إلـيــا حــتــى تـلاقـيــه الــوفــات
ولـكــن التـسـبـب شـــي واجـــب=ومـن يــزرع سيجـنـي الثـمـرات
وتـرى مـن جـد لابـد انــه يـاجـد=كــلام اهــل الـعـقـول الـزاكـيـات
وليمـنـه بــذل جـهـده ولا احــرز=مـرامــه مـــا عـلـيــه مـعـاتـبـات
ونـفـسـه مـــا يلحّـقـهـا حـسـوفــه=بـقـولـه مـــا عـمـلـت مـحــاولات
الـيــا مــــن الـلـيـالـي عـاكـسـنّـه=وحـظـه مــا سـعـى بمـسـاعـدات
فـيـدري بـــان هـــذي دبـــرة الله=ويـبـقــى قــانــع ٍ بـالـحـاصــلات
وخير الناس مـن يعطـى القناعـه=ولا اشقـى مـن نفـوس ٍ طامعـات
وعنـدي غيـر مــا قلـتـه وصـايـا=على المعنى الصحيـح امسيسـات
اليا منك بغيـت تصـون عرضـك=وتـحـضـى بالـمـزايـا الـكـامـلات
فــلا تمـشـي مـعـا الأنــذال دايــم=وسـايـر لــك رجـاجـيـل ٍ ثـقــات
ومــن لا شـــاورك لا تستـشـيـره=ولــو عـنـد الـظـروف القاسـيـات
وكُن صامت فإن الصمـت حكمـه=وهـيـبــه داخـــــل المـجـتـمـعـات
وكُـــب الـثـرثـره بـالــك تلـجـلـج=فـلا يبقـى عـلـى هـرجـك شـفـات
وكثـر الضحـك نقـص ٍ بالمهـابـه=فــلا تضـحـك بـــدون منـاسـبـات
ولا تنـطـق بغـيـر الـصـدق دايــم=ولا تـبــدي اهـــروج ٍ كــاذبــات
وكُــن مـتـواضـع ٍ بـالــك تـكـبَـر=وخــل اخـلاقــك دايـــم عـالـيـات
ولا تشكـي علـى حـي ٍ سـوى الله=اليـا شفـت الـظـروف معاكـسـات
ولا تـبـدي عـلـى الأنــذال ســدك=ولا بـــــد الـشــدايــد زايــــــلات
ولا تنـسـى علـيـك بحـفـظ حـقـك=تـرى لـيـس الـكـرم بمناضـحـات
وعن التبذير صُن مالك يصونـك=اليـا جــات الـظـروف القاسـيـات
تـرى ماكـل مـن يضحـك يفـيـدك=الـيـا صــارت يـديـنـك خـالـيـات
وعـز الجـار فــان الـجـار قــدره=علـى المسـلـم مــن المستلـزمـات
وظيفـك بــش فــي وجـهـه وقــدم=لــه المـاجـود حـسـب المـقـدرات
وحــذراك الخيـانـه فــي خـويــك=ولا تـرضــى عـلـيـه مـحـايـفـات
وحــذراك الـغـرور اول شـبـابـك=تـرى طـرق الـغـرور مضيـعـات
وليـا ثــار النـشـب بـيـن المـقـرّد=فـجـنـب والـعـواقـب مـرضـيــات
ولا تخـطـي ولا يخـطـى عـلـيـك=وبـالــك تـعـتـرض لـمـعـرضـات
وليا جـاك الخطـا مـن يـم جاهـل=فــــداره بـالـهــروج الـمـقـنـعـات
لـعـلـك تقـنـعـه بـأحـسـن وسـيـلـه=وبـيــبــان الـحـمـاقــه مـقــفــلات
وان لــم يقـنـع الجـاهـل بـعــذرك=وامــــوره شـفـتـهــا مـتــوتــرات
فـكـن عـاقـل وحــذراك الجهـالـه=وحــسّـــب لـلـقـوافــي قـافــيــات
ليـا جهـل الجهـول العـقـل ضــدّه=فــلا تحـسـب لامــور ٍ مـهـمـلات
مضى وقت الجهـل واقفـى وولـى=مـعـا غـبـر السـنـيـن الـمـدبـرات
وليـا مــد الجـهـول ايـديـه عـامـد=وصــارت مــا تـفـيـد مفـاهـمـات
فحـاول تقنـعـه فــان كــان عـانـد=فـــلا للـنـكـر غـيــر الـمـنـكـرات
وردّع الجهـل مـا يحسـب خطيـه=ويحسـب مـن الامــور المقـديـات
خصوصاً لانتهى مقـدار صبـرك=وشفـت مــن الخصـيـم معـانـدات
فـلا يـرضـى عـلـى نفـسـه مـذلـه=يـكـون الـلـي عـزومـه ناقـصـات
ردي الخـال نــذل ٍ وابــن هـامـه=ولاش ٍ والــروابـــع خــــــاذلات
وليـا منـه قضـى صبـرك وغـلـق=وشـفـت ان مالحـلـول بمجـديـات
فـدافـع دون عـرضـك والكـرامـه=وخاتمتـك لـيـا مــا جــات جــات
والأجـل مـقـدر ٍ والـمـوت واحــد=والانـفــس كـلـهـا لــــه ذايــقــات
ولا يـاقــى الـحــذر مـمــا يـقــدر=لا بـــد احـكــام ربـــك نــافــذات
وهذا مـا استطعـت مـن النصايـح=نـصــايــح ثـابــتــه ومــوكـــدات
يـقـولــه واحــــد ٍ والـكــامــل الله=يوصـي ومـا عـمـل بالتوصـيـات
اوصـيـكــم وأنــــا والله مـقـصــر=قـصـور ٍ مــا تـغـطـه لاروقـــات
خصوصاً من جهة ما يرضي الله=وهــذا الـلـي بــه اكـبـر فـايــدات
عـسـى ربــي يسامحـنـي ويغـفـر=ذنــوبــي الآتــيـــه والـسـالـفــات
ولكـن ياهـل الـعـرف اعـذرونـي=اليـا قـصـرت فابـغـى المـعـذرات
وصلـى الله عـلـى المخـتـار طــه=عــــدد مـانـسـنـسـن الــذاريـــات
شفيـع الخـلـق فــي يــوم المـلاقـا=وكــل الخـلـق حـافـيـن ٍ عـــرات
رســـول الـحــق سـيـدنـا مـحـمـد=عليـه مـن الإلـه ازكــى صــلات[/poem]


_______________________________________




[poem=font="Simplified Arabic,4,white,bold,normal" bkcolor="transparent" bkimage="backgrounds/3.gif" border="none,medium,gray" type=4 line=1 align=center use=ex num="0,black"]
مـــل قـلــب هـــزه الـهــم والـهـاجـوس هـــز=وارتجـف عرشـه وزلـزل وجـا فيـه اهـتـزاز
عـقـب ثلثـيـن مــن الـلـيـل فـــز الـقـلـب فـــز=مـثــل فـــزة واحـــد واطـــي كـســرة قـــزاز
كـن باقـصـى ضـامـري ياجمـاعـه نــار قــز=والـضـلـوع يلـوعـهـا مـثــل ضـــو البـوتـقـاز
وكـن فــوادي مــن عـراويـه بامـواس يـحـز=من همومي والهواجيـس فـي صـدري حـزاز
عقـب ذا يـاراكـب الـلـي عـلـى الغـايـه بــرز=جـمـس شكمانـيـن تــوه جـديـد آخــر طــراز
يعجـب السـواق لـي مـا عطـا حــزم الـجـرز=وأن تـحـرك يـقـرب البـعـد ويـشــق الـغــراز
مــن ديــار البـعـد قـلـب العـنـا صـابــه قـلــز=ومـن ديــار البـعـد عــز الله ان القـلـب جــاز
الــغــدا لــــي ســهــل الله بــدايـــات الـمــلــز=ثــم يشـيـك مــن محـطـات مـوقـفـة الـحـجـاز
وغـادر الديـره مـع العصـر يــوم انــه جـهـز=وأنتلـه مرفـوع بالوصـف كنـه أريــل جـهـاز
والعـشـا حــول السلـيـل مــع المـغـرب نـجـز=حـايـفـه غـمــر شـقــردي وعـادتــه الـنـجـاز
ثــم تـحــرك والـدريــول يـلــز الـرجــل لـــز=طـــول لـيـلـه راح كـلــه مـسـاقـط واجـتـيـاز
والـونـيـت يـشـجـع الـلــي يـحـبــون الــلــزز=لـو يقحـص ويــل طـلـع مــن الـقـاع ارتــواز
كـنـه السـكـران لــي غـــزه الشـيـطـان غـــز=عقـب ما افـلا غرشتـيـن وطــاب لــه الخـنـاز
ينطنـخ ويـشـوش ومــن المخـاطـر مــا يـكـز=شـايـف بـعـض الـعـرب كنـّهـم عـنـده عـفـاز
لا اشرقت شمس الضحى لي الونيت بكل عز=واقــف فــي وســط ديــرة بـنـي عــم عــزاز[/poem]

__________________
سُبـ ح ـان الله وبحمده .. سُبـ ح ـان الله العظيم

~ًًًَََُ

مـــــــــشكور

والله يرحمه وسكنه الجنه

__________________


( لمراسـلتنـا اضغط هنا )

الشاعر حمد المسردي

شاعر .. كبير .. محبوب عند الجميع .. يمتلكـ .. قدرة شعرية هائلــة ...

حبي للشاعر حمد المسردي .. ورثتـه .. من الوالد .. فهو من اشد المعجبين بهذا الشــاعر .. وخاصــةً في شعر النصيحـة ..

أخوي العبدي اشكرك .. على هذا الجمــع ...

تقبل تحيتي


أخووووك.

__________________

كنه السكران لـي غـزه الشيطـان غـز عقب ما افلا غرشتين وطاب لـه الخنـاز
ينطنخ ويشوش ومن المخاطـر مـا يكـز شايف بعض العـرب كنّهـم عنـده عفـاز
.................................................و صف بليغ الله يرحمه ويعطيك العافية

__________________
ولي فرس للحلم بالحلم ملجم ولي فرس للجهل بالجهل مسرج
فمن شاء تقويمي فإني مقوم ومن شاء تعويجي فإني معوج !

عاشق الليل .. شوكرن لك على المرور .. رحمه الله رحمة واسعة ..
________________________

طارق القويفل .. مرورك يكفي ويشفي .. كيف عاد بتعليقك ..

شوكرن ..

_______________________

ذي يزن .. مشكور على المرور .. وهذا الوصف ليس بغريب على المرحوم ..


______________________

__________________
سُبـ ح ـان الله وبحمده .. سُبـ ح ـان الله العظيم

~ًًًَََُ

اخوي العبدي اشكرك على هذا النقل الذي امتعتنا فية ما اجمل التشية والبلاغة في كتابة الشاعر

رحمة الله علية وعلى جميع اموات المسلمين اجمعين0

__________________




[frame="7 80"]

إذا شئت أن تحيا سليما من الأذى
و حظك موفور و عرضك صين

لسانك لاتذكر به عورة امرئ
فكلك عورات و للناس ألسن

وعينك إن أبدت إليك مساوئ
فصنها وقل يا عين للناس أعين

و عاشر بمعروف وسامح من اعتدى
و فارق و لكن بالتي هي أحسن

[/frame]

لاهنت يالغالي

نقلت ابداعاً يتناقل تواتراً

ورحم الله الشاعر الكبير الذي رحل ولم يرحل ذكره

__________________
« اللهم كما أحسنت خَلقي فحسن خُلقي »