هذه قصيدة نظمتها في خادم الحرمين الشريفين الملك عبدالله بن عبدالعزيز آل سعود حفظه الله .. وقد نشرت في جريدة اليوم ..

[poem=font="Simplified Arabic,4,darkred,bold,normal" bkcolor="transparent" bkimage="" border="solid,thin,darkred" type=4 line=0 align=center use=ex num="0,black"]
ابدى بذكر الخالق مكون الكون= الاول والآخر ذو الجلالي والاكرام
الخالق الدايم وخلقه بيفنون= الدايم الخلاق والخلق ما دام
عالم خفايا الخلق واللي يكنون= سبحانه اللي للخفيات علام
وبعد الذكر للقاف مبدا وقانون = وللشعر شعار ونقاد واعلام
وللشعر قيفان وطواريق والحون= والشعر فن وذوق وابداع والهام
وانا لعسف القاف عاشق ومفتون= خصٍ ليا صار الهدف عالي سام
سلام مني والوفا فيه مكنون= يا خادم البيتين يا درع الاسلام
اعداد ما تنشي وما تبرق مزون= يمطر مطرها والرعد يرزم ارزام
واعداد ناس للمشاعر يزورون= واعداد من صلى الفرايض ومن صام
يالحاكم اللي بحكمك العدل مضمون= يالصارم الصاطي على الكود جزام
انت الذي اتطوع الصعب ويهون = لا عمّست لريا وصرنّ الاقلام
وانت الذي اعداك منك يهابون = حتى ولو شافوك في طيف الاحلام
دستورك القرآن والسيف مسنون= سيفٍ شطيرٍ للمعادين لطام
وانت الذي لافعالك الشعب يثنون = وانت الذي خيرك شمل كل الانام
وانت سددت عن كل مديون = وانت الذي كفلت حاجات الايتام
وانت الذي عفيت عن كل مسجون= وانت الذي فرجت عن كل منضام
وانت الذي وظفت ناس يعانون= قل الوظايف والدهر فوقهم ظام
وانت الذي سكّنت ناسٍ يعيشون= بلا مساكن يستظلون بخيام
عهد الولاء شعبك عليه يتواصون = جيلٍ وراء جيلٍ وعام بعد عام
سمعتهم في كل حي يحييون = عاش المليك ابن المليك ابن الامام
وحصلتهم في كل مجلس يباهون= بفعل الكريم ابن الكريم ابن الاكرام
وصاروا على اسمك يابو متعب يسمون= واسمك على من يحمله تاج ووسام
وشاهدتهم في كل صوب يشيلون = بيارق التوحيد رايات واعلام
وحصلتهم في كل فج ينادون = تعيش السعوديه وآل سعود حكام
يا سيدي بامرك ترى الشعب مرهون = رهن الاشاره لك جنود من شمام
شعبك جنود للخطر ما يبالون= بواسلٍ تاطا المنايا بالاقدام
اليا زهمت لواحد جاك مليون= مليون ضرغام على الموت مقدام
بامرك يابو متعب على الحرب يمشون= لو في الطريق جيوش واسياج والغام
لا دقت اجراس الخطر ما يهوزون= ضرب الركد ما فيه تضليل واوهام
تكفى .. يابو متعب على حرب صهيون= اعلن ترى حنا معاطيش واحيام
نبي ندك علوج واوكار واحصون= آكالة الخنزير عبّاد الاصنام
ونحرر الاقصى من الذل والهون = بفعلٍ تخلده الليالي والايام
فعلٍ يعز اللي على الذل مغبون= شعبٍ تجرع علقم الذال واللام
اخواننا في كل يوم يهانون= ذاقوا عذاب ابشع اساليب الاجرام
واخواننا في كل يوم يبادون= بحرب وتدمير وتفجير والغام
ولا غير ابو متعب من الخلق ينخون= ليث الشهامه والشجاعه والاقدام
وفي نخوتك يا سيدي ما يلامون= ياخادم البيتيين يا درع الاسلام[/poem]للاستماع

بيض الله وجهك






قصيده مبدعه من شاعر مبدع


صح الله لسانك



ولا هنت يا كحيلان

__________________

صح لسااانك وابيض وجه


لاعدمنااااك

صح لسااااااااانك ياخليل


وبيض الله وجهك


مبدع وابو متعب يستااااااااهل



تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

ابو متعب يستاهل المدح

وأنت وافي وعلمك وافي


لاهنت وصح الله لسانك يابو نواف

__________________



ممصمنا المبدع
تركي العلياني
ألف شكر لك

قصيده شامخه في شامخ

صح لسانك مدد يا خليل بن هدلان


وافيه والقصيده وافيه