ـــــــ واشــنطن ـــــ

[poem=font="Arial,5,black,bold,normal" bkcolor="transparent" bkimage="" border="none,medium,gray" type=3 line=1 align=center use=ex num="0,black"]
ياهـادي الضيـقـة القـشـرا عمومـيـه=لاوقّـف الشـوط الاول .. فكّـت الثـانـي

لـي سـت اسابيـع .. واخلاقـي تجاريـه=والاسلوب تعبان .. وهو مـن قبـل تعبانـي

ولا يغـرّك .. ملاحـا الصـوت عصريـه=لاتحسب ٍ يـوم اجـر الصـوت طربانـي

(يابوعـدّي) .. يـوم فارقـت السعـوديـه=والراس راكبه .. عشريـن الـف شيطانـي

من يـوم جيـت المطـار .. مبّيـت النيـه=ووداعت ربعي هل النامـوس .. واخوانـي

وقصيت ( بوردي ) مـع البيبـان الاقصيـه=ثـم استوينـا علـى ظهـر .. ام جنحانـي

يـوم افهقـت .. مـن منصتهـا الرئيسيـه=ثـم اقلعـت مثـل خاطـي فـرخ شيهانـي

ثـم غلّهـا .. كابتنهـا .. لعنـبـو حـيـه=وطلع .. طلع .. واشهد انه صـدق فنانـي

وقامـت تخثّـع مثـل بـنـتٍ سحـاويـه=ترقـص علـى دان دان .. ودان يـادانـي

ويـلا هـوت .. فـي المطبـات الهوائيـه=تقول عثـرةٍ احصـان ٍ .. حـدّه احصانـي

اربع عشر ساعة ٍ .. لاشـك عـن (ميّـه)=وانا مابيـن .. اجنبـيّ .. وبيـن قومانـي

هـذاك يقـرا .. وذا .. نـايـم بكرسـيـه=واللي اوزاني .. ماكنّـه جالـس اوزانـي

وجينا ( واشنطـن ) مـع وقـت المغربيـه=في ساحة ٍ .. مابهـا الا صفـق نصرانـي

وجيت الجمارك .. واثر الاوضـاع مقفيّـه=ثم جيت لي .. صاحي ٍ .. في ثوب سكراني

ثم هز راسه .. وقال سعودي ..؟ .. قلت ايّه=ثم سجل اسمي .. وميـلادي .. وعنوانـي

ووقفّت ساعه .. بـلا روحـه .. ولا جيّـه=من مرّني .. خـذ لـه شـوي .. وتعدّانـي

وقـام وقذانـي .. بالاسئلـة الخصوصيـه=يالله جـارك .. مـن البلـوى .. لاتبلانـي

قلـت المقاصيـد .. مكتوبـه .. ومقـريـه=حـب الوطـن جابنـي .. والعلـم عنّانـي

مؤمـن بـكـل الـرسـالات السمـاويـه=مسلم .. موّحد .. ودينـي خيـر الاديانـي

وختم جـوازي ..عقـب مابصّـم .. ايديّـه=ودبّرت .. دّبارة .. العافي.. عن ..الجانـي

والحين .. فـي احـد الولايـات الجنوبيـه=فـي ديـرةٍ ماتعـز الضيـف.. والعـانـي

حتى الحراره ..تحـت (صفـر المئويـه )=ياحي شمس ..(النعيريـه) .. و(قصوانـي)

وياحي .. ممشا ً .. مـع بـدوان (مريّـه )=مربـاع قطعانهـم فـي احـدود عمّـانـي

ابيوتهـم فــي رفــاع الـقـاع مبنـيـه=تلقى الشحـم عندهـم .. وادلال رسلانـي

يـاهـادي الـقـرم يـاحـي السعـوديـه=وياحي شوف الربوع .. وشـوف شيبانـي [/poem]

__________________
[frame="7 80"]حنــى بني مرهـــم مخابيط الكفن
لامن كسرنـــا العظـــم ماحدٍ جبره[/frame]

[

grade="4B0082 800080 FF1493 DEB887"] حياك الله يا محلفي وقصيدة رائعة ......تبين الغربة وما تفعل ...والله لايهينك عليها ومرة ثانية مرحبا فيك في منتدى قحطان [/grade

]

__________________
سُبـ ح ـان الله وبحمده .. سُبـ ح ـان الله العظيم

~ًًًَََُ

ارررررررررررررررررررررررحب يا وجه محلف


صح السان الشاعر ولاهنت على النقل

اااااااااااااااااااااااااااااااااالــــــــــــبقا
بكم ولاهنتو على المرور

__________________
[frame="7 80"]حنــى بني مرهـــم مخابيط الكفن
لامن كسرنـــا العظـــم ماحدٍ جبره[/frame]

حيه وحي ماجاب


أرحب ملايين في مجالس قحطان

__________________



لأستشاراتك القانونية أضغط هنا
لوجه الله تعالى

السلام عليكم ورحمة الله وبركاته

الأخ الكريم : راع البلها

أولا ً : أرحب بحساب السيل والله يحييك


نتشرف نحن كذلك بمقدمك الميمون ونرحب بك أجمل ترحيب


ثانياً : شكراً جزيلاً لك على هذه المصافحة التي تدل على كرمك وطيبك


وهذه الرائعة بالفعل أسعدتنا قراءتها وهي دليل على رقي ذائقتك ورفيع ذوقك


وصح الله لسان الشاعر الكريم .


سننتظر بشوق بالغ عذب مشاركاتك الكريمة فإلى ذلك الحين دمت بألف خير


وتقبل خالص التحية والتقدير،،

البقااااااااااااااااااااااااااااااااااااااا
لاهنتو على المرور

__________________
[frame="7 80"]حنــى بني مرهـــم مخابيط الكفن
لامن كسرنـــا العظـــم ماحدٍ جبره[/frame]

ارررررررررحب


ياوجه محلف


وشرفت المنتدى بحضورك الغالي على الجميع


ولاهنت يالقرم على نقل هذه القصيده الأكثر من روعه وروعتها من روعة شاعرها المبدع مسفر


تقبل وافر تحياتي

قصيده روووعه تحكي الغربه وحب الوطن صح لسان الشاعر
تسلم علي المشاركه والله يحييك بين ربعك واخوانك والمحل محلك

__________________