((خلق الله الانسان من طين ولكنه خلق الحصان من الريح ))
ان للخيل مكانه واهمية كبيرتين عند العرب فهي سلاح الفرسان وكما يقال وهي بمثابة ناقلات الجنود في عصرنا الحالي لذلك فقد احبها العرب وحظيت عندهم بدور مهم جدا واليكم ما قيل في الخيل العربية
((الشاعر اسماعيل ين عجلان))
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ولامال الا الخيل عندي واعده = وان كنت من حمر الدنانير موسرا
اقاسمها حالي واطعم فضلها =عيالي وارحو ان اعان اوجرا
ان لم يكن عندي جواد رايتني = ولوكان عندي كنز قارون معسرا[/poem]
(( الشيخ راكان بن فلاح بن حثلين في رثاء فرسه))
[poem=font="Simplified Arabic,4,royalblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البدو يا خالد نووا بالمحال = وانا ثمر قلبي قعد في الجوافير
يتلون براق سمر له اشعال = تصبح قنوفه عقب وبله مزابير
والكبد قاليها من الحز قالي = وقلب الخطا كنه علي واهج الكير
علي جواد مثل ظبي الرمال = مثل العنود اللي ترب الدعاثير
العنق عنق اللي شطنها الغزال = واذنين مثل مفلقات الكوافير[/poem]
(( منصور المري))
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ماهو يربي الا من الخيل عندل= رموز لا ركبها الخيال
وساغ مناخرها مع قصير قينها= طوال حججها والعظام جلال
طويل معنقها تنابه قطاتها =قصير ظهرها صنعته باقفال
اليا ذهبت حبل الشبيلي ارخليها= تقمز قماز الوعل يانصال
طفوح اليدين ليا اهمل الرجل حبلها= مع العلم لامن ركبها الخيال
تجي لاول لا قضبت دوره الملز= كما جاءت يوم في الرياض يقال
عوايد للي تنبت عموقها =يجي نجمها يوم الملز هلال[/poem]
((قطيفان بن رمال الشمري))
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تاري الفرس بالدرب ماهي زماله= لابد مايضيق صدر رفيقها
شفي مع الغلمان سيفي وفاطري= وزناد بالعلبوخ عجل ريقها[/poem]
((الشيخ تركي بن حميد))
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لا من عج الخيل ثور دونها = ورمت تواريها بحث اثفانها
انا علي قبا قحوم قارح =خطر علي الحنكان من ذرعانها
الي تلاقا ذيلها مع راسه = تسمع ضريس ضروسها بعنانها[/poem]
((الشيخ شالح بن هدلان))
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ان دبرن خيل وخيل مناحير = وغدن مثل مخزمات الجمالي
علي الرمك صيده عيال مناعير = وشره علي نشر الحريب الموالي
________________________________________________
من عقب ذيب الخيل عرج مهاليب =ياهل الرمك ماعاد فيهن طماعه
قالو تطيب وقلت وش لون اباطيب = وطلبت من عند الكريم الشفاعه[/poem]
((مجول بن دهيم الحربي))
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا سابقي غاذيك من قوت الاسلام = يوم الرياف يودع الخيل توديع
ولاني معرضها علي كل سوام= وليا نشدني واحد قلت مابيع
ولاني ولد خبل فقد كيله العام =شفي ركوب ملاويات المصاريع[/poem]
(( زيد بن مهلهل الهذال عندما اصيب فرسه بمرض الوهن بسبب الجوع ))
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ليت الوهن ماجاك ياشمعة الخيل = ياللي علي صم الرمك بك نفيله
يازينه الذرعان مركوزه الذيل= مثل المهاه اللي تقود الجميله
صفرا الاذان تطرب البال وتمهيل =وانا بذكر الله دايم مستشيله[/poem]
((دعسان بن حطاب الدويش ))
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
نلبس لباس الجوخ من كل ماهود = ومصقلاتا عندنا ذخر الاجواد
ونركب علي الدربات بدروع دايود= قبن نغذيهن من البر والزاد
سودا مصامحهن عراقيبهن سود = يجن مناخرهن تقل كير حداد[/poem]
((الحليو بن هادي المطيري))
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياسابقي قبا شناحا كما اللوح= كبيرة الهامة وسيعا نحرها
الي جت تمدراء بالشبيني لها نوح = يضيق في طبل الحديد مهجرها[/poem]
((ذياب بن غانم الهلالي))
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
شريت الكحيلة بتسعين ناقة =وتسعين دينار علي وفاه[/poem]
(( صالح الشادي ))
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
للخيل ذكري في جميع المثايل =والريح وعلوم العرب والبطولات
تاريخها عز ماهوب زايل =هيهات ينسى مجدها المجد هيهات
تركض بمضمار السباق الاصايل= تزرع حوافرها الفخر بالمسافات[/poem]
((خالد الفيصل))
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بنت الكحيله مهرتي = وخيالتي من كل اصيل
القي عليها طربتي =بين المعنق والشليل
صدر وقطاة فلوتي =والعنق والساق الطويل
وقع الحوافر نغمتي =وحداتنا رجع الصهيل[/poem]
وتقبلو تحياتي ( المعمري)