الصدق عز ومنهج الكذب خيبه

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]


الصدق عز ومنهج الكذب خيــــبه= دام الســوالف بين صادق وكذاب

واللي يزيف بالكلام ويجيـــــــبه =لاطال هــــرجه قالو الناس نصاب

واللي يعيب الناس ويدس عيـــبه =ماطول اشناب ولا قصر اشــــناب

وراعى النميمه ما يخلي دبـــيبه=واللي حكى له بيحكي فيه لاغاب

ياللي تسمع هرجته وش تبي به =لو قالو انه من عريبين الانســــاب

جنبه ياللي ما تحب الغلـــــــيبه =لامنه طـــــق الباب لا تفتح الــــباب

تلقا بداله فالرجال العريـــــــبه=للـــــنار شـــباب وللــــــخيل ركاب

ماهوب مــذموم عزوومه قريبه =ربدا تهوش وتحـــتري كـــــل مخلاب

من طاب فعله تذكر الناس طيبه=ولا الــــــردي لاطـــاب ذكره ولا طاب

ربي خلق خلقه وربي حســيبه=والله يغـــفر ذنوب عــــــــبده لياتاب

والادمي لاعاش يلقى نصيــــبه =ما كتب له صابه وما اخطاه ماصاب[/poem]

للشاعر سالم بن دخيل بن زايد الحبابي

أخوي سالم بن دخيل

صح لسانك وبيض الله وجهك

أخوي ابو دخيل

من شروط المنتدى يجب ان يكون بين كل قصيده وقصيده على أقل تقدير ثلاثة أيام أرجو مراعات هذا الأمر مستقبلاََ


قصائدك لكها جزله ووافيه من وافي


لك فاائق احترامي وتقديري

ابو دخيل


صح لساااااااااااااانك


والمشرف الفاضل مهدي بن مسفر بين لك شرط الموقع لتلافي لا حقاً


تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

اررحب يابو دخيل

وصح الله لسانك


وتقبل


خالص


التحية

__________________
00000000

صح لسانك يابو دخيل


ولا قصرت على القصيده الرائعه كروعة حضورك يالغالي



أخووووووك

__________________



ممصمنا المبدع
تركي العلياني
ألف شكر لك

صحت ابدانكم يا غالين
واكبر شرف شهادتكم

لكن يالربع تراني جديد على المنتدى وانا شاعر قديم ومن سكان الخرج ولي قصايد نصايح وحكم

وقالو لي ناس شارك في بعض المنتديات وجيتكم -------- فلذلك انا ما عندي معلومات ولا خبره عن اموور المنتديات في ذي ولا غيرها

وان شا الله اللي قلتوه عرفناه وابشروو ياغالين

بيض الله وجهك على القصيده وعلى سعه صدرك وتقبل للملا حضات وهذا يدل على اخلا قك


وعقلك