بنت الجوال

السلام عليكم ورحمة الله وبركاته هذي القصيده كتبتها قبل اسبوع تقريبا وارجو من الاخوة الشعراء ومحبي الغزل ان يعطوني رائيهم بدون مجامله وذلك لمعرفه اخطائي بما اني جديد في مجال الشعر وشكرا لكم




[poem=font="Simplified Arabic,6,darkblue,bold,normal" bkcolor="transparent" bkimage="backgrounds/15.gif" border="double,thick,sienna" type=3 line=0 align=center use=sp num="0,black"]
يابنت يالي على الجوال دقيتي= وش عــــرفك رقم جوالي تدقينة
رديت رقمك ورحبتي وهليتي=قـمتي تخوضين بحر الي تحاكينه
انا ماعرفك وطال الهرج وابطيتي= يابنت ويش الي بصدرك تشيلينة
قالت احبك وقلت ارجوك خليني= اشرح لك الحب واخلــــيــك تبكينة
لو صابك الحب موتي ماتشافيتي= بيشيب راسك وتفكيرك بتـنـسـيـنة
صاحت علي تقول الصوت مشقيني= وتحمد الله على حبي وانا زيـنة
اكبر غلط لاسمعتي الصوت حبيتي =الحب احساس في صدرك تكنينـة
يلعن جمال وزين به تحليتي ترى =الحلا في وسط روحك تخشينة
رسبتي في فهم حبي ثم تخليتي =يسعد عيني لجوالك تـصكـيـنـه[/poem]

صح لسانك

المعانى لديك مباشرة في القصيدة وهذا يجعلها قصيدة عادية

حاول تتابع المعاني والصور غير المباشرة لدى الشعراء المتميزين

يعني بدل ما أقول يابنت ياللي على الجوال دقيتي

أبحث عن صورة أجمل وغير عادية لهذا الاتصال

حاول في هذا الأمر وسترى كيف تتطور معانيك إن شاء الله

فأنت يالمشعلي لديك بوادر شعرية جيدة

صح لسانك

__________________

سفير بني بشر

ما أبي لا تواقيع ولا صور،،،،

يكفي أسمي بني بشر ينحني له الف شمس وقمر،،،،

يكفي أذا طرونا الناس قالوا لنا هلا،،،،

وأذا طرينا الناس ردوا أمرنوا أمر،،،،

يكفي أننا لهم جرح ودوى،،،،

وأغلب كلامنا يشوفنه عبر،،،،

ما هو غرور لي قلنا أن لهم شرف،،،،

وهم بعد لي أحسبهم أكبر فخر،،،،، قحطان

الله لا يهينكم على المرور ولاهنت يابارق الشرق على هالمعلومات الي شده انتباهي وبحطها انشاء الله موضع اهتمام