وش ذا الزين اللى ما درينا عنه
[poem=font="Simplified Arabic,4,white,bold,normal" bkcolor="transparent" bkimage="backgrounds/3.gif" border="double,medium,gray" type=4 line=0 align=center use=ex num="0,black"]
مشخص الفهري=
سلام الله عليكم ياسلاطين العرب قحطـان = سلامن لو نزل في منطقة بغداد حررهـا
تقدم ياولد عامر وصوغ القاف ياخـولان = ترى عز الخوي عنده قضيه وانت خابرها
خولان بن عامر=
عدد مالاحت بروق السحاب وسألـت الوديـان = هـلا يامرحبـا ترحبيـةٍ مـن راس شاعرهـا
يامشخص هات ماعندك . وغن . وسم بالرحمن = مادام ان العرب تالي الزمن كثـرت خسايرهـا
مشخص الفهري=
بعد ما الله جمعنا واجتمعنـا داخـل الميـدان = نبي نظهر دموع اهل البلاوي من محاجرهـا
ثمان سهوم في الميدان الاخضر ردها قد حان = عسى ربي يعين اهل المغازي لين ينصرهـا
خولان بن عامر=
توكلنا على الله وانت لارابح ولاخسـران = وعينك ياطويـل العمـر فينـا لاتحمرهـا
بغيبنا الربح يامشخص وجبنا فيد بن برمان = ياكبر الشرهه اللي ما اقدر العاقل يدبرهـا
مشخص الفهري=
انا في سكتي واعرف من المديون والديان = ولا الد النظر في صاحبي والعين احذرهـا
توقع يابن عامر من هو الي ياخذ التيجان = انا خايف تضيع اليوم والغلطـه نكررهـا
خولان بن عامر=
تبشرنا بطلـت شوفتـك ياالعاقـل الفهمـان = ولكن خلـق ربـي بالحقيقـه مـن يبشرهـا
دخلنا السوق يامشخص وصندوق الذهب مليان = بلشنـا والمدينـه مايـخـاف الله تاجـرهـا
مشخص الفهري=
تقوله والبشاره تفرح المهموم والزعلان = ياليته ماتوهق يالسنافي فـي مخاطرهـا
لو ان المنتخب يسلم من ابراهيم والخثلان = بعضهم يلعب الكوره ولا يعرف يمررهـا
خولان بن عامر=
لقينا الحجة اللـي مالهـا شاهـد ولابرهـان = لكـن اهـل العقـول الله لايعمـي بصايرهـا
عرفنا ويش عصى موسى وقصة خاتم سليمان = لكن اضغاث حلم مـا اقـدر العاقـل يفسرهـا
مشخص الفهري=
نطب السوق ونشوف البضايع داخل الدكـان = خذيـت الغاليـه والهينـه مانـي بسعـرهـا
ترى الخاتم مع الي طاوعت لمره شيوخ الجان = صغيـره وانـت ياخـولان للعالـم تكبرهـا
خولان بن عامر=
يا مشخص لاتتيه القافلة ياحضرة الربان = تسيرها على وضح النقاء ولا نسيرهـا
بعد بكره نبيع ونشتري والسعر بالمجان = عسى الله يجبر العثرات والعالم يصبرها
مشخص الفهري=
بغيتك تكشف الموضوع واثرك تطمر الضلعان = تـدور القافلـه مابيـن ساميهـا وياسرهـا
ترى اسواق الغلا ماتعترف بالزود والنقصان = لو تقوم الجنايز يابن عامـر مـن مقابرهـا
خولان بن عامر=
ماعاد الا تجيب العنبري ومحيسن الجمعان = طبيعه والطبيعة مـا تغيـر لـو نغيرهـا
ياشاعرنا الكبير اللي تحب البدع والقيفان = ترى ما جمل شيوخ اهل صنعا الا خناجرها
مشخص الفهري=
مصيبه كيف يهزم منتخبنا كلوزة الالمـان = وخولان بـن عامـر لايشجـع لايناظرهـا
ياشاعرنا الكبير الي يحاول يربك الاذهـان = شيوخ اهل اليمن تلقي المحاضر في منابرها
خولان بن عامر=
فلسطين اليتيمه في يـد القسيـس والرهبـان = ترى هاذي المصيبه وانت على الكوره تسنترها
بعد جبت الحطب والهيل والمسمار والرسـلان = ولكن ما لقيـت اللـي خـذا الدلـه وبهرهـا [/poem]