قصيده السبيعي في الشيخ بن شفلوت (قصيده ترحيبيه)

بسم الله الرحمن الرحيم

أبيات ترحيبيه بالشيخ مناحي بن شفلوت ومرافقيه أثناء زيارتهم لمحافظة رنيه
[poem=font="Simplified Arabic,5,purple,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
هاضت هجوسي في ضميري وسويت = قافٍ يشرفني ليا جيت أقوله
والشعر قصرٍ فيه بيتٍ ورا بيت = وعندي مفاتيحه وعندي قفوله
مدحٍ يجنب مبعدين المناعيت = مافيه ذوق وضايعٍ عن وصوله
والمدح مايصلح لغير الشفاليت = وفي غيرهم غلطان ياللي تقوله
مانلحق أقصى طيبهم لو تقصويت = حمولةٍ ياطيبهم من حموله
يامرحبا في مرحباُ ياهل الصيت = من سار موكبكم لحزة وصوله
حييت ياضيفٍ على الضرم حليت = شيخٍ ليا زار الشيوخ احتفوله
أهلاً هلا بك عد ما اقبلت واقفيت = وعداد مااكرم ضيوف وعنوله
شيخ الجنوب وفي المعالي تعليت = وتامر على من فيه عرضه وطوله
وليا زبنك مدور الحق هليت = مناحي النخوة وكل الرجوله
وليا زبنك المبتلي ماتتقيت = ينام في ظلك ليا دور حوله
وليا انعقد حبل المشاكل تعزويت = عقده يهون وفي يمينك حلوله
مهما كتبت من القصايد وغنيت = يكفي مناحي عن قصيدي فعوله
وختامها بازكى سلامي وصليت = على نبي الله محمد رسوله [/poem]

الشاعر/ زامل بن الحميدي السبيعي