مادام ان سنه المكسور مكسر ...... فيحذر لا تجي في جبهة له ؟؟؟رد وتوبيخ

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
على اللي كل خلقه تحت ظله = وسجدت بسبع الاعضاء خشية له
رحيم لا دعاء عبده يجيبه = وانا عبده ولا ني مشرك له
لا ضاق الكون ضيقة راس الابره = في عيني جيت لله زابن له
عسى ربي يفرج لي همومي = ويحماني من قلوب مضله
بعد هذا وهذا يا رفيقي = لا شفت البيد جرد مضمحله
احذف رشاي في العد الرهاوي = وفي الباع ومريف المدله
ما دام ان محزمي رصاص عماني = وشال في يدي بندق وسله
وما دام ان سمعتي بالطيب عليا = وولد الاش ما احداُ فاطن له
(وما دام اني عبيدي وقحطاني) = ( وربعي في اللقاء نجوم مطله)
عليه با الحرام اني لا اهاجم = وارجع كل عقل في محله
فخذ علم ثمرته في بيوته = ودور للضعيف ثم قله
ولا هو (بتيامن) ( متياسر) = ولا له بيت ولا منزل له
ولكن بثها في كل ديره = لعلها توصله من صاحب له
سمعت العلم من قاصي وداني = ودورت الجريده والمجله
وان ما اعرفه لكن من كلامه = عرفت ان له دروب مستقله
يغني في دفيدوفه وكنته = وجورج وسوف ما هو بتارك له
يحط السيف في غماد القديمي = ولا ادري ويش عليه مهايط له
علامه ثم علامه ثم علامه = مذله ما بعدها من مذله
ما دام ان سنه المكسور مكسر = فيحذر لا تجي في جبهة له
يقولون الرجال اهل التجارب = لا شفت اللي يهوز طويق خله
ما دام طويق ما هو بداري به = علامك (تحرق القلب وتزله)
وانا في ذمتي ما احسب حسابه = ولكن موقف احب استغله
اذا جاني ضعيف ما تعلم = ( ابي هذا يجي له عبرت له )
واسكر باب هافين الشوارب = واطلع جمرة من تحت مله
وانا حبيت اعلمه الحقيقه = وانزل كل دلو في مدله
مساكنا شواهيق النوايف =( جنوب وكل نو مستهله)
وانا لي الفخر باني جنوبي = اذب الضلع وانزل فوق تله
لا جانا الضيف يبشر با الكرامه = نسوق العود الازرق حشمة له
ويقلط مجلس ولحظه جلوسه = مقاديع الخلاص وكيف دله
واذا جانا المجلى من دياره = نجي ربعه وكن حن لابة له
واذا جانا وفيا في لزومه = نشل الحمل عن متنه نشله
واذا شفنا العدو شب الفتيله = نخلي جال يده وسادة له
طحاطيح العرب منا وفينا = نقشهم وقتنا داخل سجله
عبيدي - جحدري - ولا حبابي = حياض الموت للعدوان عله
لنا فعول تميزها القبايل = تقول انا خذينا الطيب كله
بدون قصور في هذا وهذا = وكلا نظرة عيونه تدله
مشايخنا مقاديم الجحافل = ولا تنقاد في المقدام لله
وشايبنا تقول الزير سالم = على شداده وثقله ميزة له
وولدنا فزته فزة نداوي = يفز المعتدي من فزة له
واذا شاف الضيوف يشوش راسه = طلاقه سابقٍ ترحيبة له
واحدنا بذمتي لا من خويته = (عليه با الطلاق ان ما تمله )
ذخاير محزمي زبن المجلا = ليا خالط دقاق الوقت جله
خذينا المرجله مثل الوراثه = يوارثها الفتى من شايب له
وشاعرنا من بيوته وقافه = تقول ان المعاني مشلح له
شعاعير تعلو في زمنا = برجم لو تحبى ما وصله
يقوله بدر بن هادي نيابه = ورشيد ابن الزلامي مجاري له
عسى ندل من ضيع طريقه = ويبرد قلب من ازداد غله
لكن قولوا له يبرك ذلوله = (ويحذر لا تزيد الطين بله) [/poem])

__________________