يعطيك العافية اخوي سلطان زمانه

وجهد تشكر عليه

وأن كانك صامل وانا اخوك في جمع هالمعلومات بكل دقة وتفصيل فأنصحك بالتالي/


تروح لأمير وشيخ ومعرف القبيلة (سعد بن سلامة بن سعيدان) شيخ شمل آل عاطــف
وتسلم عليه وتعرف بنفسك ومهوب مقصر معك ابو نايف , سواء في هجرته فالرين (الناصفــة)
او في منزله فالرياض بحي العريجاء الغربي . واذا تبي ارقام جوالاته او عياله .
تراني مستعد , نعين ونعاون وهو بيدلك على معرفين فخوذ آل عاطف عشان تاخذ العلم
من رؤس الرجال الكبار ,, ولا أحد يشك ان كلامي ذا فيه نقص او تشكيك فأخواني اللي ردو عليك
سابقاً ولكن على قولة المثل (علم الراس ابلغ من القرطاس) لان مثلك عارف أمور النسب وتفصيلاتها
يكثر فيها المشاكل وتزيد فيها حدة التوتر والحساسية , والله يقويك أنشالله

*ومادام دخلت معك فالموضوع لابد اني اشارك ولو بشيء بسيط

**بعض من ديار وهجر وقرى آل عاطف (والمعذرة ان نسيت شيء )

1-وادي لبن
2-نساح
3-تبراك
4-المليحات
5-عنان
6-الفيضة
7-الناصفة
8-معيزيلة
9-السدرية
10-الفوارة
11-رقمية الحصاة
12-الحجاجي
13-خبيب الريم
14-الشدادية
15-قران (بضم القاف وشد الراء)


*وهناك الكثير أيضا من المناطق الكبيرة التي يسكنها آل عاطف ولكن أختلطت بسبب التنويع الجغرافي والسكاني مثل (وادي السرداح / وادي العمق / أم الشبرم / الحصي / الرين وماحوله / الجله /أسفل القويعية / جبال دساس )

وعلى مستوى المحافظات فأن أكثر تواجد آل عاطف فــ(المزاحمية-القويعية-تثليث-الخرج-ضرماء)

وأي خدمة وانا اخوك حاضرين .

__________________