الشاعر الكبير سـلـطان بن وسـام
سلطان بن وسام الهاجري
كتب - طلال المسيمير:
الشاعر سلطان بن وسام الهاجري: غني عن التعريف لما قدمه في الساحة الشعبية من شعر جيد كان له قبول طيب وصدى بين الجمهور جعل له مكانة مرموقة بين الشعراء لم يستطع الوصول لها غيره من بعض الشعراء ممن اخذوا سنوات وهم يمدون الساحة بشعرهم ومن أشعار الهاجري هذه القصيدة التي تبرهن مقدرته الشعرية وتميزه في شعره عن غيره يقول:
يالله يا ربي عليك التساميح
لولاك عرجات السنين اعرجتبي
منك استمد العون رهبه وتسبيح
والعفو كان جروح وقتي سطتبي
الحظ كوره والنوادي ظحاظيح
سددتها في العارضة واحدرتبي
شوطين اضافيه وركلات ترجيح
وآخر نهايه مابعد سجلتبي
اقول لحظه للجماهير وتصيح
خسرتها كاس الفرح واخسرتبي
لو طاحت انفوس الرياجيل ماطيح
عليت نفسي للعلا واعتلتبي
صم الجبال اللي حجرها صلافيح
لو جيت اهز احيودها مادرتبي
لكن لي مبدى انعزه وتصفيح
ابوي سماني بها واستمتبي
اقدر اوجيه الرجال المفاليح
وابقى على هقواتها اللي هقتبي
اذخر فواعيس الرجال الطحاطيح
اللي ليا من جيتها رحبتبي
قولة هلا واقلط على هبة الريح
ثروة غنى فيها اغتني واغتنتبي
ماهو كلام ملاعبين المسابيح
اللي نموذج كتبهم غير كتبي
منقول من جريدة الرياض
اضغط هنا لمطالعة المقال
24-01-2006, 02:50 PM
تعليمات المشاركة
العرض الشجري