رثاء الشيخ سعدبن هادي بن مسر ع ال عليي وربعه رحمهم الله للشاعرسعيد مانع مذكر ال سلمان الحرقان

ياوجودي وجد عود توطاه المشيب
فاقدن صلبه وجازت يمينه من عصاه
كل يوم يصيح تكفون ودوني الطبيب
عزتي له يحسب الطب بيرجع صباه
وبعد مااستسلم لدورة زمانه والنصيب
و ادرك ان قدره نقص عند ربعه وأقرباه
أخبروه ان اولده ذبح والذابح حريب
ذابح ان ألطف عياله وفيده من جناه
بعدها ون وتوجد وغيب مايجيب
وان صحا ثواني ن قال تكفون الصلاه
ياوجودي مثل وجده على بني شعيب
خمسة راحوا من آل اعلي قروم ( ن )غلاه
بعد ما راحوا لهم ذكر عز ما يغيب
ذكرهم بين القبايل تردده الرواه
راح ابن مشتح سعد راعي الهرج الصليب
عارف ن ماهو بينشب لسانه في جماه
بين ربعه يحكم الرأي ويرد الطليب
وللعواني مثل هداج يروى من نصاه
وراح اخوه اللي معه في المواقف مايغيب
درعه الضافي وشومان قطاع ن شباه
وراح ابن بصره حبيب الرفاقه والنسيب
الجميل ان غلي سوقه تجمل واشتراه
وراح ابن مسرع شجاع يزيد الطيب طيب
يكمل الماجوب وان طلب في ثوبه عطاه
وراح خامسهم فهد في وصوفه كنه ذيب
هايبه ضده وم القوم يستوفي عشاه
وان هقيت بهقوة فيه ظنك ما يخيب
جامع كل المزايا ولا يلحق مداه
والله ان فرقا المطاليق جرح مايطيب
بعدهم سجات الايام مافيها طراه
والله ان الكفويفقد بعيد ن او قريب
سمعته تغنيك وان جيت للازم قضاه
الله يرحمهم ويجبر عزا اللي مستصيب
والبقا لله والموت مامنه نجاه

سعيد بن مانع بن مذكر آل سلمان الحرقان

__________________
تهب الهبوب وكل ساعة تجيك علوم