مرثيه في فقيد الامه الإسلاميه

[poem=font="traditional arabic,5,black,normal,normal" bkcolor="transparent" bkimage="" border="outset,4,gray" type=2 line=0 align=center use=ex num="1,black""]

=
يالله عسئ الفردوس يا امير مثواك = أنا اشهد ان مثلك علينا فقيده
=
يوم ان ابو تركي علئ الدين رباك = تجمعت فيك الصفات الحميده
=
ويومه علئ نصرة هل الدين وصاك = سياستك تمشي بأصول العقيده
=
مديت للمخلص من الشعب يمناك = وابطلت كيد اللي سعئ بالمكيده
=
فيا كبرها كبراه يا أمير فرقاك = علئ قلوب الشعب نارٍٍ وقيده
=
والله ولو نبكي الدهر ما جزيناك = ووالله ولو نحزن شهورٍ عديده
=
أنت المثال وحن علئ جرة خطاك = وما مات من خلف محمد عضيده
=
ليثٍ يحمل اسمك وفعلك وهقواك = حنا له أقرب من دمه في وريده
=
يبشر بنا لا صك في الوقت صكاك = مثل السيوف اللي تقص الحديده
=
بصوت واحد يا وطن كلنا فداك = واللي يبي يبيدك ترانا نبيده
=
حنا هل العوجا من اقصاك لأدناك = حنا الحزام اللي ما يكمل رصيده
=
من دونك ومن دون رمحك وشلفاك = ابنك شهيد الحرب بنتك شهيده
=[/poem]