[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا أشوف البحر يا بحر يكنز في خفاه أسرار = خفايا يشهد العاقل بها بالصوت والصوره
به اللولو به المرجان ويقطن قاعه المحار = كنوز" والمزايا واجده ما هي بمحصوره
وما دام إن سيف لقب به فانا أقول البحر غدار = لكن لحيته تكرم وتعلا مالغدر والبوره
كسب من ميزتك يا بحر قوة بأسك الجبار = وخذا من هيبتك هيبه بها العدوان مدحوره
رفيقي وابن عمي درع جنبي ثوبي الستار = ليا دارت علي الأيام دوره في قفا دوره
سلايل روس قومن في الجمايل طايلين أشبار= فعايلهم تبان ومن قديم الوقت مخبوره
لهم ماضي" مشرُف والحرار مخلفين أحرار = يقوله شاعر" بالفعل شاش وهاضت شعوره
وترى ما هاضني يوم أتمثل وأكتب الأشعار = سوى جرحن مكين" ما لقى يا سيف دكتوره
له شهورن وهو ينزف وهاضه دمي اللي فار = على شعبن رما قصره رئيسه وانهدم سوره
ضحايا واذبحوها دون ذنب وفي عجب بشار = على شعبه نوى الإتلاف والثوره ورا الثوره
يا كم عود" لقى حتفه وتو عياله القصار = ولا في اليد حيله والكبود تموت مقهوره
عجايز رملُوا والأرمله تبكي على ما صار = تنوح وتنثر الدمعه وكف العون مقصوره
تنادي يا عرب وين الشجاع اللي يرد الثار = وأنا ما ألومها والعرض هتك وبانت العوره
أملها في عظيم الشان رب" للخطا غفار = وأملها بعد ربي في عريب الجد أخو نوره
أبو متعب على أعراض الخلايق دايمن يغار = مليك" تفتخر فيه العرب والشور من شوره
مليك" له بوسط قلوب شعبه قيمه ومقدار= نجدد له ولانا والوفا ينبع من جذوره
وحنا محزمه ليشب في راس الفتيله نار = ندوس الموت وبلاد الوحي بالعز معموره
هذا مضمون جرحن فيه راعي الدكتره يحتار = كتبته شعر والشاعر يترجم صادق شعوره[/poem]


بن شبله