يـاعـرب

ياعرب

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="1,black""]
ياعربنا ياعرب وش بلاكم ياعرب=سوريا تشكي من الجور والحال انطوى
حاكمٍ ظالم وطاغي على شعبه حَرَب=والثرى من دم الاحرار زبر وارتوى
كل ماقلنا النصر والفرج منها قَرَب=ردوا اعدا الدين واعدا العرب مالك لوى
والمسيكين الذي لاكلا ولا شَــرَب=حاول يقاوم يد الظلم لكن ماقــوى
لو جمع والا طرح لو قسم والا ضرب=ماله إلا فزعت الرب علام النوى
والمرض بين العرب ينتشر مثل الجرب=ينتشر بين المطايا وهي ترعي سوى
اشهد إن الحق بين العرب نوره غرب=والمرض مستفحل ومالقينا له دوى
واشهد إن صف العرب في مثانيه انضرب=ونجمنا اللي كان ساطع من العالي هوى
فالحينٍ في الموسيقى وحفلات الطرب=والفكر من نصرة الدين والهمه خوى
في زمنّا ضاعت امجاد تاريخ العرب=نجتمع ويش النتيجه (كلام في الهوى)[/poem]

كلمات الشاعر : مبارك بن محمد القحطاني