من الغريب انه يطيب الضعيفي

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num=",white""]
الطيب لاهل الطيب ماهو كليفي = يسهل عليهم لو طروقه صعيبه

رجالهم دايم جنابه مريفي = وفي كل يوم يطيب ويزيد طيبه

والا الردي عايش بحالٍ كسيفي = الراس خاوي والهقاوي قريبه

يروح عمره بين بوقٍ وزيفي = ويموت ما حاز النعم من نصيبه

لو صاحب الاشراف ماهو شريفي = يلحقه من دنياه شكٍ وريبه

ولو قال ماله بالخلايق وصيفي = لابد ما يكشف لك الوقت عيبه

يغرك بشكله وعقله خفيفي = وكلمه تودي به وكلمه تجيبه

وينعاف غمرٍ للمراجل معيفي = وان غاب ينسى وان حضر ما دريبه

ومن الغريب انه يطيب الضعيفي = واليا تردى قيل ماهي غريبه[/poem]

__________________