يـاراكــبٍ مـتــن الـجــواد السـبـوقـي=ديـرة طريـب اهـل الميـاديـن مـربـاه

قصيدة سنّدتها الى الشاعر شديّد بن سياف ابن جراب الحبابي

[poem=font="ms dialog,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يـاراكــبٍ مـتــن الـجــواد السـبـوقـي=ديـرة طريـب اهـل الميـاديـن مـربـاه
اشقـر ، شعـر جلـده تقـول امحلـوقـي=يبرق ليامن صارت الشمـس تصـلاه
فــج العـضـود امـبـرّزات الـعـروقـي=امـحـجّـل السـيـقـان صـلــبٍ مـبــرّاه
كــن الجَـلَـدَ لـيـا وطـــاه امـحـروقـي=يـــوم الـحـوافـر بـالـحـدايـد مــحــذّاه
اغبش قبل مطـلاع ضـوح الشروقـي=من خشم زيد اليا طرف بطن الامواه
تـلـقــى كــريــمٍ قــايـــمٍ بـالـحـقـوقـي=اشديّـد ابـن جـراب ريـفٍ لمـن جــاه
شاعـر وناقـد فـي جمـيـع الطـروقـي=صعـبٍ تلاقـي شاعـرٍ مـثـل شــرواه
قـلّـه ســلامٍ عـــد نـــوض الـبـروقـي=في عرض مركومٍ من الغرب منشـاه
وقـلّـه نـبـي مــن يانـعـات الـعـذوقـي=حيث ان قصيـده مـن سنـه ماسمعنـاه[/poem]

رد الشاعر شديّد الحبابي

[poem=font="ms dialog,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يامرحـبـا ترحـيـب وزنــه يـفـوقـي=علـى الذهـب والمـاس للكفـو جبنـاه
وعــداد مــزنٍ هــل وبـلـه حقـوقـي=لنشـا مـن القبلـه وحـن وسكـب مـاه
مـن بعـد ذا جهّـزت رنــجٍ يشـوقـي=يـشـوق مــن شـافــه وكـــلٍ تـمـنـاه
ليـا مـشـى مشـيـه يــداوي خفـوقـي=وليستـوى بالخـط هاجوسـي انسـاه
ينصى شجيعٍ ،كفو ،وافي ،صدوقي=الكيرعـانـي تـذبـح الـحـيـل يـمـنـاه
السـوق ياصـالـح مـاعـاده بسـوقـي=والـجــم دام انـــه تـكــدّر تـركـنــاه
انــا عـلـى بــدع المثـايـل شـفـوقـي=لكـن فـي هـذا الوقـت ماعـاد نبـغـاه
انـا اتــذوق شـعـر وارقــى بـذوقـي=مـادام يوجـد محتـرف شعـر نهـواه
وقصيـدك الـيـا مـرّنـي زاد شـوقـي=يشبـه سعـد جـدلان وصفـه ومعنـاه[/poem]

وسلامتكم