صارت مصايبنا عروض تجاره!!!!!!

[poem=font="simplified arabic,7,black,normal,normal" bkcolor="transparent" bkimage="" border="double,4,gray" type=0 line=0 align=center use=ex num="1,black""]
الليل طابت سهرته بأسحاره=حين استلذ الفكر بدع اشعاره
غرالقصايد للعلا تغريني=من درها المكنون فالمحاره
لعل تلقى عاقلٍ يسمعها=راعي بصيره حكمته وأفكاره
لا ماحسبت لحاسدي والخاذل=الخير من ربي وفازأنصاره
ياربعنا شعري رسول اعماقي=هذي ضلوعي مورقه بازهاره
من منبرك حسان صغت اقوالي=ما احترت مابين البحر وانهاره
في كل يومالعفو يلقا عاقه =من ناقصٍ لا ما تسر أخباره
واسغفر الله من رموز الشينه=الطيب لا و الله ماهم زواره
بعض القيم مورثةٍ ممروضه=واللي عزفها حاملٍ منشاره
وشلون مايقرون قول الخالق =و الدين يسعد منهجه و أقماره
اللي بيسمح يسمح لوجه الله=و يقر بالتوقيع جزل اقراره
شي نشوفه والعرب تدريبه=صارت مصايبنا عروض تجاره
من لا يسد الذنب دوم يجيبه=وايضا تبين بالضلال أسراره
فكم مجرم شفنا البري يدأ له=لوكان فلسه مالحق ديناره
تشريعنا بكتابنا والسنه=والحق واضح مايبي سمساره
والحكم لله والبشر مبليه=يوم المنايا للأمل قباره
قصر المعزه للفهر من مبطي=فوق الثرا شيد جويد جداره
قامت تنادي السابقه للفارس=تنخاه وتحده على مضماره
يا حسين مشكاة الليالي فعلك=لأسود وجه الحال صرت انواره
ورثت فرق الفعل من جدانك=ورث قديم ويجذبك بآثاره
سويت درسا لكل جيلا قادم=علمٍ وصل للأنجم السياره
فالعفو ميقاف الرجال الكمل=الله يعوضك جنته وانهاره
كلا يراجع في كشوف حسابه=ينظر يمين القلب قبل يساره
فاللي عرف ماقد عليه وماله=لا يكيد بالحفره و لا العثاره
يارب ياستير سترك يضفا =ونرجع على هدي النبي واذكاره[/poem]

اخوك/ناصر بن جمان

__________________